(VOVWORLD) - ກອງປະຊຸມ Shangri – La 2019, ເຊິ່ງເປັນເວທີປາໄສຄວາມໝັ້ນຄົງສໍາຄັນຂອງພາກພື້ນນັ້ນ ໄດ້ອັດລົງ ພາຍຫຼັງການໂຮມປະຊຸມມາເປັນເວລາ 3 ວັນ ຢູ່ສິງກະໂປ. ຕາມປົກກະຕິແລ້ວ, ເວທີປາໄສຄວາມໝັ້ນຄົງໃຫຍ່ທີ່ສຸດຂອງພາກພື້ນ ອາຊີ - ປາຊີຟິກນີ້ ຈະແມ່ນໂອກາດເພື່ອໃຫ້ຜູ້ແທນສະແດງທັດສະນະ ແລະ ທ່າທີຂອງບັນດາຝ່າຍ ກ່ຽວກັບບັນດາບັນຫາທີ່ຮ້ອນເຮັ່ງໃນປັດຈຸບັນ ຄື ຄວາມເປັນລະບຽບຮຽບຮ້ອຍທາງດ້ານຄວາມໝັ້ນຄົງທີ່ພວມຜັນປ່ຽນຢູ່ ອາຊີ, ການແກ້ງແຍ້ງຍຸດທະສາດລະຫວ່າງບັນດາປະເທດໃຫຍ່, ຄວາມໝັ້ນຄົງໃນການເດີນທະເລ. ແລະອີກຄັ້ງໜຶ່ງ, ທີ່ເວທີປາໄສຄັ້ງນີ້, ຫວຽດນາມ ໄດ້ມີບັນດາການປະກອບສ່ວນຕັ້ງໜ້າ, ຖືເປັນສໍາຄັນບັນດາຫຼັກການສັນຕິພາບ ກໍຄືບັນດາທັດສະນະຈະແຈ້ງເພື່ອແກ້ໄຂການຂັດແຍ້ງກັນ.

(VOVWORLD) -ວັນທີ 29 ພຶດສະພາ, ທ່ານນາງຮອງປະທານປະເທດຫວຽດນາມ ດັ້ງທິງອັກທິ້ງ, ໄດ້ຍື່ນສະເໜີຕໍ່ສະພາແຫ່ງຊາດໃບສະເໜີຂອງປະທານປະເທດ ກ່ຽວກັບເລື່ອງ ຫວຽດນາມ ເຂົ້າຮ່ວມສົນທິສັນຍາສະບັບເລກທີ 98 ຂອງອົງການແຮງງານສາກົນ (ILO) ກ່ຽວກັບການນຳໃຊ້ບັນດາຫຼັກການຂອງສິດຈັດຕັ້ງ ແລະ ການເຈລະຈາສັນຍາແຮງງານລວມໝູ່.

(VOVWORLD) - ເວທີປາໄສອະນາຄົດອາຊີ, ແມ່ນເຫດການໂດຍກຸ່ມບໍລິສັດ Nikkei Incເປັນເຈົ້າພາບຈັດຕັ້ງ, ໄດ້ດຳເນີນໃນເວລາ 2 ວັນຄືວັນທີ 30 ແລະ 31 ພຶດສະພາຢູ່ ນະຄອນຫລວງໂຕກຽວປະເທດຍີ່ປຸ່ນ. ເຂົ້າຮ່ວມເວທີປາໄສດັ່ງກ່າວມີການນຳແຖວຫນ້າອາຊີປະມານ 7 ທ່ານ.ຫນຶ່ງໃນບັນດາບັນຫາພົ້ນເດັ່ນທີ່ສຸດຄາດວ່າຈະໄດ້ເຕື້ອງເຖິງທີ່ເວທີປາໄສຄັ້ງນີ້ ແມ່ນຄວາມເຄັ່ງຕຶງດ້ານການຄ້າລະຫວ່າງອາເມລິກາແລະຈີນ ເມື່ອສອງພື້ນຖານເສດຖະກິດໃຫຍ່ສຸດໃນໂລກມີການກະທຳໂຕ້ຕອບເຊິ່ງກັນ ແລະກັນຢ່າງລຽນຕິດດ້ວຍບັນດາມາດຕະການຂຶ້ນພາສີ. ໃນສະພາບການສັບສົນນັ້ນ, ບັນດາປະເທດອາຊີໄດ້ຮັບການຄາດຄະເນວ່າລ້ວນແຕ່ຖືກຜົນສະທ້ອນບໍ່ຫລາຍກໍ່ຫນ້ອຍ.

(VOVWORLD) -ວັນທີ 29 ພຶດສະພາ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ໄດ້ກັບມາຮອດ ຮ່າໂນ້ຍ, ສິ້ນສຸດການຢ້ຽມຢາມສະຫະພັນ ລັດເຊຍ, ລາຊະອານາຈັກ ນອກແວ ແລະ ຊູແອັດ ຢ່າງເປັນທາງການ.

(VOVWORLD) -ກອງປະຊຸມສຸດຍອດໂລກກ່ຽວກັບບັນຫາຕ້ານການປ່ຽນແປງຂອງດິນຟ້າອາກາດໄດ້ຈັດຂຶ້ນຢູ່ນະຄອນຫຼວງວຽນ ປະເທດ ໂອຕາລິດ ໃນວັນທີ 28 ພຶດສະພາ. ເຫດການດັ່ງກ່າວໄດ້ດຳເນີນໄປພາຍຫຼັງພຽງ 2,3 ວັນທີ່ກອງປະຊຸມສາກົນການກະທຳເພື່ອດິນຟ້າອາກາດ (ICCA) 2019 ຈັດຂຶ້ນຢູ່ປະເທດສາທາລະນະລັດສະຫະພັນເຢັຍລະມັນ. ບັນດາການກະທຳນີ້ແມ່ນໜຶ່ງໃນບັນດາຄວາມມານະພະຍາຍາມຂອງໂລກ ເພື່ອພ້ອມກັນສາມັກຄີຕ້ານການປ່ຽນແປງຂອງດິນຟ້າອາກາດ. ແຕ່ຄວາມມານະພະຍາຍາມນີ້ແມ່ນບໍ່ງ່າຍດາຍ.

(VOVWORLD) - ຫວຽດນາມ ສືບຕໍ່ຮັບສະໝັກເລືອກຕັ້ງເປັນກໍາມະການບໍ່ປະຈໍາການສະພາຄວາມໝັ້ນຄົງ ສປຊ ອາຍຸການ 2020 – 2021 ພາຍຫຼັງໄດ້ຮັບດໍາລົງຕໍາແໜ່່ງເປັນກໍາມະການບໍ່ປະຈໍາການສະພາຄວາມໝັ້ນຄົງ ສປຊ ອາຍຸການ 2008 – 2009 ດ້ວຍບັນດາການປະກອບສ່ວນຢ່າງແທດຈິງ ແລະ ເປັນທີ່ຍອມຮັບ ແລະ ຕີລາຄາສູງຈາກເພື່ອນມິດສາກົນ. ເລື່ອງສືບຕໍ່່ຮັບສະໝັກເລືອກຕັ້ງ ສະແດງໃຫ້ເຫັນວ່າ ຄວາມປາດຖະໜາຢາກເຊື່ອມໂຍງທີ່ນັບມື້ນັບເລິກເຊິ່ງກວ້າງຂວາງ, ກາຍເປັນສະມາຊິກມີຄວາມຮັບຜິດຊອບຂອງປະຊາຄົມສາກົນ ແລະ ສືບຕໍ່ປະກອບສ່ວນຢ່າງໃຫຍ່ຫຼວງກວ່າເຂົ້າໃນການສ້າງສັນຕິພາບ, ພັດທະນາ ແລະ ວັດທະນາຖາວອນໃນໂລກ ຂອງຫວຽດນາມ.

(VOVWORLD) -ກອງປະຊຸມເທື່ອທີ 10 ຄະນະບໍລິຫານງານສູນກາງພັກກອມມູນິດຫວຽດນາມ ຄັ້ງທີ 2 ຫວ່າງແລ້ວນີ້ໄດ້ເປັນເອກະພາບສູງກ່ຽວກັບແນວຄິດຊີ້ນຳ, ກຳນົດທິດສ້າງແຜນຮ່າງໃຫ້ສົມບູນແບບ ແລະ ສ້າງຮ່າງບັນດາເອກະສານເພື່ອຍືນສະເໜີຕໍ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກ.

(VOVWORLD) - ທ່ານນາຍົກລັດຖະມົນຕີ ຫວຽດນາມ ຫງຽວນຊວນຟຸກ ໄດ້ໄປຢ້ຽມຢາມລາຊະອານາຈັກນອກແວຢ່າງເປັນທາງການ ໃນລະຫວ່າງວັນທີ 24 – 26 ພຶດສະພາ ຕາມຄຳເຊີນຂອງທ່ານນາງ Erna Solberg ນາຍົກລັດຖະມົນຕີ ນອກແວ. ການຢ້ຽມຢາມຂອງທ່ານນາຍົກລັດຖະມົນຕີ ຫງວຽນຊວນຟຸກ ເພື່ອແນໃສ່ເຮັດໃຫ້ນ້ຳໃຈມິດຕະພາບທີ່ເປັນມູນເຊື້ອເລິກເຊິ່ງກ່ວາອີກ ແລະ ເພີ່ມທະວີການພົວພັນຮ່ວມມືລະຫວ່າງ ນອກແວ - ຫວຽດນາມ ຕາມທິດທາງມີຄຸນນະພາບ ແລະ ປະສິດທິຜົນກ່ວາອີກ.

(VOVWORLD) - ການເລືອກຕັ້ງລັດຖະສະພາເອີຮົບ 2019 ຈະດຳເນີນໃນລະຫວ່າງວັນທີ 23 – 26 ພຶດສະພາ ຢູ່ບັນດາປະເທດສະມາຊິກ. ພົນລະເມືອງຈະເລືອກເອົາຜູ້ແທນ 751 ທ່ານ. ພາຍຫລັງການເລືອກຕັ້ງ, ລັດຖະສະພາເອີຣົບໃໝ່ ຈະເລືອກຕັ້ງປະທານຄະນະກຳມະການເອີຣົບ ແລະ ປ່ອນບັດກ່ຽວກັບບັນຫາງົບປະມານໃຫ້ແກ່ການເຄືອນໄຫວຂອງ ອີຢູ ໃນໄລຍະ 5 ປີຈະມາເຖິງ.

(VOVWORLD) -ບົດລາຍງານຕີລາຄາເພີ່ມເຕີມໝາກຜົນເສດຖະກິດສັງຄົມປີ 2018, ສະພາບຊຸມເດືອນຕົ້ນປີ 2019 ແລະ ໜ້າທີ່, ມາດຕະການຈຸດສຸມໃນໄລຍະຈະມາເຖິງ, ທີ່ວາລະໄຂກອງປະຊຸມສະໄໝສະມັນເທື່ອທີ 7, ສະພາແຫ່ງຊາດຫວຽດນາມ ຊຸດທີ XIV ເມື່ອຕອນເຊົ້າວັນທີ 20 ພຶດສະພາ ໃຫ້ເຫັນວ່າ: ປີ 2018, ຫວຽດນາມ ມີລະດັບການເຕີບໂຕດ້ານເສດຖະກິດຢືນອັນດັບໜຶ່ງໃນພາກພື້ນ ແລະ ໃນໂລກ. ປີ 2019 ແມ່ນປີບຸກທະລຸເພື່ອປະຕິບັດສຳເລັດແຜນການ 5 ປີ (2016-2020). ສະນັ້ນ, ລັດຖະບານຫວຽດນາມ ໄດ້ກຳນົດທິດນຳ “ລະບຽບການ, ສັດຊື່, ການກະທຳ, ປະດິດສ້າງ, ບຸກທະລຸ, ມີປະສິດທິຜົນ” ເພື່ອສຳເລັດບັນດາຈຸດໝາຍພັດທະນາເສດຖະກິດສັງຄົມທີ່ໄດ້ວາງອອກ.