(VOVWORLD) - ຫວຽດນາມ ຕ້ອງຍາດແຍ່ງກາລະໂອກາດ, ຄວາມສະດວກ, ໂດຍສະເພາະແມ່ນຜົນສັກສິດຂອງບັນດານະໂຍບາຍ, ມາດຕະການທີ່ປະກາດໃໝ່ ແລະ ຮູບແບບອຳນາດການປົກຄອງທ້ອງຖິ່ນ 2 ຂັ້ນ ເພື່ອຂຸດຄົ້ນເຂດພັດທະນາໃໝ່, ຊຸກຍູ້ການເຕີບໂຕໃນໄຕມາດທີ III ແລະ ປີ 2025. ນີ້ແມ່ນຄຳຮຽກຮ້ອງທີ່ໄດ້ວາງອອກໃນມະຕິສະບັບເລກທີ 205/NQ-CP ໂດຍລັດຖະບານ ຫວຽດນາມ ປະກາດໃຊ້ໃນທ້າຍອາທິດຜ່ານມາ ພາຍຫຼັງກອງປະຊຸມປະຈຳເດືອນມິຖຸນາ ປີ 2025 ແລະ ກອງປະຊຸມລະຫວ່າງລັດຖະບານ ແລະ ທ້ອງຖິ່ນທີ່ຈັດຂຶ້ນແບບທາງໄກ.

(VOVWORLD) - ວັນທີ 11 ກໍລະກົດ ຕາມເວລາ ອາເມລິກາ (ກົງກັບວັນທີ 12 ກໍລະກົດ ຕາມເວລາ ຫວຽດນາມ), ແມ່ນຂີດໝາຍ 30 ປີເຕັມແຫ່ງວັນ ຫວຽດນາມ ແລະ ອາເມລິກາ ໄດ້ຫັນການພົວພັນທາງການທູດເປັນປົກກະຕິ (07/1995 – 07/2025). ນີ້ບໍ່ພຽງແຕ່ແມ່ນເຫດການປະຫວັດສາດເທົ່ານັນ, ຫາກຍັງແມ່ນການພິສູດຢ່າງມີຊີວິດຊີວາ ໃຫ້ແກ່ຄວາມມານະພະຍາຍາມຮ່ວມມືເພື່ອສັນຕິພາບ, ວັດທະນາຖາວອນລວມຂອງສອງປະເທດອີກດ້ວຍ. ພາຍຫຼັງ 30 ປີ, ໄລຍະໃໝ່ຕໍ່ໄປພວມໄດ້ສືບຕໍ່ສ້າງຂຶ້ນໃນການພົວພັນລະຫວ່າງ ຫວຽດນາມ-ອາເມລິກາ, ໝັ້ນໝາຍຈະມີບັນດາກຳລັງບົ່ມຊ້ອນຮ່ວມມືອັນໃຫ່ຍຫຼວງ ແລະ ເລິກເຊິ່ງກວ້າງຂວາງກ່ວາໃນຫຼາຍຂົງເຂດໃນອະນາຄົດ.

(VOVWORLD) - ຕອນເຊົ້າວັນທີ 9 ກໍລະກົດ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ພັນລະຍາ ພ້ອມກັບຄະນະຜູ້ແທນຫວຽດນາມ ໄດ້ມາຮອດຮ່າໂນ້ຍ, ສິ້ນສຸດການເດີນທາງໄປປະຕິບັດງານເຂົ້າຮ່ວມກອງປະຊຸມສຸດຍອດ BRICS ເປີດກວ້າງ ແລະ ເຮັດວຽກຢູ່ ບຣາຊິນ ຢ່າງຈົບງາມໃນລະຫວ່າງວັນທີ 4 – 7 ກໍລະກົດ. ການເດີນທາງໄປປະຕິບັດງານຂອງນາຍົກລັດຖະມົນຕີ ບັນລຸໄດ້ຫຼາຍໝາກຜົນທີ່ຕັ້ງໜ້າ, ຊຸກຍູ້ຄວາມສາມັກຄີສາກົນ, ລັດທິຫຼາຍຝ່າຍ, ເປີດຫຼາຍທິດທາງຮ່ວມມືໃໝ່ໃນການພົວພັນກັບບັນດາຄູ່ຮ່ວມມື. ການເດີນທາງໄປປະຕິບັດງານກໍ່ປະກອບສ່ວນຜັນຂະຫຍາຍມະຕິເລກທີ 59 ຂອງກົມການເມືອງວ່າດ້ວຍການຕັ້ງໜ້າເຊື່ອມໂຍງເຂົ້າກັບສາກົນໃນສະພາບການໃໝ່ຢ່າງມີປະສິດທິຜົນ.

(VOVWORLD) - ໃນເດືອນ ເມສາ, ທ່ານປະທານາທິບໍດີ Donald Trump ໄດ້ປະກາດອັດຕາພາສີອາກອນພື້ນຖານ 10% ສຳລັບເກືອບທຸກປະເທດ, ແລະ ອັດຕາພາສີເພີ່ມເຕີມຂຶ້ນເຖິງ 50% ສຳລັບຫຼາຍປະເທດ ແລະ ເຂດແຄວ້ນ

(VOVWORLD) - ເສດຖະກິດ - ສັງຄົມ 6 ເດືອນຕົ້ນປີ 2025 ຂອງ ຫວຽດນາມ ໄດ້ຮັບຮູ້ບັນດາໝາກຜົນອັນຕັ້ງໜ້າ, ໃກ້ຈະບັນລຸເປົ້າໝາຍທີ່ວາງອອກ. ນີ້ແມ່ນໝາກຜົນຈາກການຍູ້ແຮງການປະຕິຮູບລະບອບລະບຽບການ, ຂ້ຽວຂາດຜັນຂະຫຍາຍ ມະຕິຍຸດທະສາດ 4 ສະບັບ ( 4 ເສົາຄ້ຳ) ຂອງທັງລະບົບການເມືອງ. ການເຕີບໂຕດ້ານເສດຖະກິດ, ສະຖຽນລະພາບສັງຄົມກໍແມ່ນກຳລັງໜູນເພື່ອໃຫ້ ຫວຽດນາມ ຜັນຂະຫຍາຍການປັບປຸງກົງຈັກການຈັດຕັ້ງ, ປະຕິບັດຮູບແບບອຳນາດການປົກຄອງທ້ອງຖິ່ນ 2 ຂັ້ນຢ່າງມີປະສິດທິຜົນ ນັບແຕ່ວັນທີ 01 ກໍລະກົດ 2025 ເປັນຕົ້ນໄປ.

(VOVWORLD) - ວັນທີ 4 ກໍລະກົດ, ໂດຍໄດ້ຮັບຄຳເຊີນຂອງທ່ານປະທານາທິບໍດີ Brazil Lula da Silva, ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ແລະ ພັນລະຍາ ໄດ້ນຳໜ້າຄະນະຜູ້ແທນຂັນສູງ ຫວຽດນາມ ເຂົ້າຮ່ວມກອງປະຊຸມສຸດຍອດ BRICS (ກຸ່ມບັນດາພື້ນຖານເສດຖະກິດຫາກໍ່ພົ້ນເດັ່ນຂຶ້ນ) ເປີດກ້ວາງປີ 2025 ແລະ ເຄື່ອນໄຫວສອງຝ່າຍຢູ່ສາທາລະນະລັດ ສະຫະພັນ Brazil. ນີ້ແມ່ນການເຄື່ອນໄຫວທາງການທູດທີ່ພົ້ນເດັ່ນຂອງ ຫວຽດນາມ ໃນປີນີ້, ບໍ່ພຽງແຕ່ໄດ້ສະແດງໃຫ້ເຫັນບົດບາດເປັນເຈົ້າການ, ຕັ້ງໜ້າຂອງ ຫວຽດນາມ ໃນການຮ່ວມມືສາກົນເທົ່ານັ້ນ, ຫາກຍັງຢັ້ງຢືນສຽງເວົ້າຂອງບັນດາປະເທດພວມພັດທະນາອີກດ້ວຍ, ເປີດໂອກາດມຸ່ງໄປເຖິງບັນດາຕະຫຼາດໃໝ່ ໃນສະພາບການທີ່ການຄ້າທົ່ວໂລກມີການຜັນແປຫຼາຍຢ່າງ.

(VOVWORLD) - ກອງປະຊຸມບັນດາປະເທດສະມາຊິກ ສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລຄັ້ງທີ 35 (SPLOS 35) ຫາກໍ່ດຳເນີນຢູ່ສຳນັກງານ ຂອງ ສປຊ ຢູ່ນິວຢອກ, ອາເມລິກາ (ວັນທີ 23 – 26 ມີຖຸນາ) ດ້ວຍການເຂົ້າຮ່ວມຂອງ 170 ປະເທດສະມາຊິກ. ກອງປະຊຸມຄັ້ງນີ້ ສ້າງຂີດໝາຍໃໝ່ຂອງ ຫວຽດນາມໃນການຮ່ວມມືທາງທະເລ ແລະ ມະຫາສະໝຸດດ້ວຍເລື່ອງເປັນຄັ້ງທຳອິດ ຜູ້ຕາງໜ້າ ຫວຽດນາມ ໄດ້ຮັບການເລືອກຕັ້ງດຳລົງຕຳແໜ່ງປະທານກອງປະຊຸມ.

(VOVWORLD) - ອີຢູ ໄດ້ຮັບເອກະສານຫຼ້າສຸດ 2 ສະບັບຈາກຝ່າຍ ອາເມລິກາ ເພື່ອສືບຕໍ່ດຳເນີນການເຈລະຈາດ້ານພາສີອາກອນ ແລະ ເອີລົບ ໄດ້ກຽມພ້ອມໃຫ້ແກ່ແຜນການບັນລຸຜົນສຳເລັດ ແລະ ປະລາໄຊ

(VOVWORLD) - ວັນທີ 30 ມິຖຸນາ, ຫວຽດນາມ ໄດ້ປະກາດວຽກງານເຄື່ອນໄຫວຮູບແບບຈັດຕັ້ງອຳນາດການປົກຄອງທ້ອງຖິ່ນ 2 ຂັ້ນໃນຂອບເຂດທົ່ວປະເທດ ແລະ ນຳເຂົ້າເຄື່ອນໄຫວແຕ່ວັນທີ 1 ກໍລະກົດ 2025. ນີ້ແມ່ນການປະຕິຮູບການບໍລິຫານຄັ້ງໃຫຍ່ສຸດໃນເກືອບເຄິ່ງສະຕະວັດຜ່ານມາ, ນຳມາເຊິ່ງຂີດໝາຍປະຫວັດສາດໃນການສັບຊ້ອນເຂດພັດທະນາແຫ່ງຊາດຄືນໃໝ່, ທັງໝົດທັງມວນແມ່ນເພື່ອເປົ້າໝາຍປະເທດ ຫວຽດນາມ ພັດທະນາແບບຍືນຍົງ ແລະ ເຂັ້ມແຂງແຮງກ້າ.

(VOVWORLD) - ວັນທີ 27 ມິຖຸນາ, ກອງປະຊຸມສະໄໝສາມັນເທື່ອທິ 9 ສະພາແຫ່ງຊາດ ຫວຽດນາມ ຊຸດທີ 15 ໄດ້ອັດລົງພາຍຫຼັງໄດ້ເຮັດວຽກມາເປັນເວລາ 37 ວັນ ຊື່ງໄດ້ອັດສະໄໝປະຊຸມທີ່ປະສົບຜົນສຳເລັດດ້ວຍບັນດາຂີດໝາຍແຫ່ງປະຫວັດສາດ. ນິ້ແມ່ນກອງປະຊຸມທີ່ມີຄວາມໝາຍສຳຄັນພິເສດ ເພື່ອແນໃສ່ຫັນບັນດາແຜນນະໂຍບາຍ, ຂໍ້ສະຫລຸບຂອງຄະນະບໍລິຫານງານສູນກາງ, ກົມການເມືອງ, ຄະນະເລຂາ ໂດຍສະເພາະແມ່ນບັນດາເນື້ອໃນໄດ້ຮັບການຮັບຮອງເອົາຢູ່ກອງປະຊຸມສູນກາງຄັ້ງທີ 11 ເປັນລະບອບລະບຽບການ. ສະໄໝປະຊຸມຄັ້ງນີ້ ແມ່ນໜຶ່ງໃນບັນດາກອງປະຊຸມສະແດງຈິນຕະນາການປ່ຽນແປງໃໝ່, ປະດິດຄິດສ້າງ, ບຸກທະລຸທີ່ສຸດ ໃນປະຫວັດສາດ ດ້ວຍບັນດາລັດຖະນະໂຍບາຍໃຫ່ຍ ມຸ່ງໄປເຖິງເປົ້າໝາຍຮັບໃຊ້ຊີວິດທີ່ອີ່ມໜຳສຳລານ, ຜາສຸກຂອງ ປຊຊ ນຳປະເທດຊາດພັດທະນາໃນສະພາບການໃໝ່.