(VOVWORLD) - ວັນທີ 28 ກໍລະກົດ, ແມ່ນຂີດໝາຍທີ່ສະເຫຼີມສະຫຼອງ 30 ປີ ແຫ່ງວັນຫວຽດນາມ ເຂົ້າຮ່ວມ ສະຫະສະມາຄົມບັນດາປະເທດ ອາຊີຕາເວັນອອກສ່ຽງໃຕ້ (ອາຊຽນ) (ວັນທີ 28 ກໍລະກົດ 1995 – 28 ກໍລະກົດ 2025). ພາຍຫຼັງ 3 ທົດສະວັດເຊື່ອມໂຍງເຂົ້າກັບພາກພື້ນ, ຫວຽດນາມ ໄດ້ຢັ້ງຢືນບົດບາດເປັນສະມາຊິກທີ່ຕັ້ງໜ້າ, ເປັນເຈົ້າຕົນເອງ ແລະ ມີຄວາມຮັບຜິດຊອບ, ມີການປະກອບສ່ວນເຂົ້າໃນວຽກງານຫັນພາລະກຳປະຫວັດສາດຂອງ ອາຊຽນ ໃຫ້ປະກົດຜົນເປັນຈິງ ກໍຄື ແຜ່ກະຈາຍບັນດາເລື່ອງລາວທີ່ສຳເລັດຜົນຂອງ ອາຊຽນ.

(VOVWORLD) - ໃນອາທິດຜ່ານມາ, ບັນດາການນຳສະຫະພາບ ເອີລົບ (ອີຢູ) ໄດ້ມີການເດີນທາງໄປປະຕິບັດງານສຳຄັນເຖິງ ອາຊີ ເພື່ອເຂົ້າຮ່ວມກອງປະຊຸມສຸດຍອດຄັ້ງຕ່າງໆກັບ ຈີນ ແລະ ຍີ່ປຸ່ນ. ໃນສະພາບການທີ່ການພົວພັນກັບ ອາເມລິກາ ປະສົບກັບສິ່ງກີດຂວາງຫຼາຍຢ່າງ, ເລື່ອງຊຸກຍູ້ບັນດາສຳພັນທະມິດດ້ານເສດຖະກິດ, ການຄ້າ ແລະ ຄວາມໝັ້ນຄົງ ກັບບັນດາປະເທດມະຫາອຳນາດຢູ່ ອາຊີ ພວມນັບມື້ນັບມີຄວາມສຳຄັນຍຸດທະສາດກັບ ອີຢູ.

(VOVWORLD) - ການໄປປະຕິບັດງານຂອງທ່ານປະທານສະພາແຫ່ງຊາດ ເຈິ່ນແທັງເໝີ້ນ ແມ່ນເພື່ອແນໃສ່ສືບຕໍ່ຜັນຂະຫຍາຍແນວທາງການຕ່າງປະເທດທີ່ເປັນເອກະລາດ, ເປັນເຈົ້າຕົນເອງ, ຫັນເປັນຫຼາຍຮູບຫຼາຍແບບ ແລະ ຫຼາຍຝ່າຍ

(VOVWORLD) - ກອງປະຊຸມຄັ້ງທີ 12 ຄະນະບໍລິຫານງານສູນກາງພັກຄອມມູນິດ ຫວຽດນາມ ຊຸດທີ XIII ທີ່ອັດລົງໃນທ້າຍອາທິດຜ່ານມາ ໄດ້ສ້າງຂີດໝາຍບາດກ້າວສຳຄັນໃນວິວັດການກະກຽມຈັດຕັ້ງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIV ຂອງພັກ. ໝາກຜົນຂອງກອງປະຊຸມໄດ້ສະແດງໃຫ້ເຫັນເຖິງນ້ຳໃຈປ່ຽນແປງໃໝ່ຈິນຕະນາການ, ການເຄື່ອນໄຫວຢ່າງຂ້ຽວຂາດ, ມີຄວາມສາມັກຄີ - ປະຊາທິປະໄຕ - ລະບຽບວິໄນ - ປະດິດຄິດສ້າງ - ພັດທະນາ ຢ່າງຈະແຈ້ງ.

(VOVWORLD) - ໃນຊຸມມື້ຜ່ານມາ, ທ່ານປະທານາທິບໍດີ ອາເມລິກາ Donald Trump ໄດ້ສົ່ງຈົດໝາຍປະກາດລະດັບອັດຕາພາສີໃຫມ່ໄປຍັງບັນດາປະເທດໃນໂລກ, ກໍໍ່ກຳລັງດັນໃຫຍ່ ເຮັດໃຫ້ບັນດາຄູ່ຮ່ວມມືດ້ານການຄ້າຂອງ ອາເມລິກາ ຕ້ອງຊ່ວງເສັງເພື່ອຫລີກລ້ຽງບັນດາລະດັບ ອັດຕາພາສີສູງເມື່ອສົ່ງອອກສິນຄ້າເຂົ້າ ອາເມລິກາ ນັບແຕ່ວັນທີ 1 ສິງຫາ.

(VOVWORLD) - ຮູບແບບການເຕີບໂຕໃໝ່ຂອງ ຫວຽດນາມໃນໄລຍະ 2026 – 2030, ກຳນົດທິດຮອດປີ 2045 ຖືວິທະຍາສາດເຕັກໂນໂລຢີ, ນະວັດຕະກຳ, ຫັນເປັນດີຈີຕອນແມ່ນເສົາຄ້ຳ. ນີ້ແມ່ນຂໍ້ລິເລີ່ມຂອງບັນດານັກຊ່ຽວຊານເສດຖະກິດ, ນັກວິທະຍາສາດ, ນັກຄຸ້ມຄອງ, ວິສາຫະກິດຢູ່ເວທີປາໄສວິສາຫະກິດ ດ້ວຍຫົວຂໍ້ “ກຳນົດຮູບແບບການເຕີບໂຕໃໝ່ໃຫ້ແກ່ ຫວຽດນາມ ໃນໄລຍະ 2026 – 2030, ກຳນົດທິດຮອດປີ 2045” ທີ່ຈັດຂຶ້ນໃນວັນທີ 15 ກໍລະກົດ ຢູ່ຮ່າໂນ້ຍ.

(VOVWORLD) - ພ້ອມກັບຄວາມກ້າວໜ້າຈຳນວນໜຶ່ງທີ່ບັນລຸໄດ້ນັ້ນ, ບົດລາຍງານຂອງສະຫະປະຊາຊາດກໍ່ຊີ້ອອກສິ່ງທ້າທາຍຫຼາຍຢ່າງໃນວິວັດການປະຕິບັດສຳເລັດບັນດາ SDGs ໃນປີ 2030.

(VOVWORLD) - ຫວຽດນາມ ຕ້ອງຍາດແຍ່ງກາລະໂອກາດ, ຄວາມສະດວກ, ໂດຍສະເພາະແມ່ນຜົນສັກສິດຂອງບັນດານະໂຍບາຍ, ມາດຕະການທີ່ປະກາດໃໝ່ ແລະ ຮູບແບບອຳນາດການປົກຄອງທ້ອງຖິ່ນ 2 ຂັ້ນ ເພື່ອຂຸດຄົ້ນເຂດພັດທະນາໃໝ່, ຊຸກຍູ້ການເຕີບໂຕໃນໄຕມາດທີ III ແລະ ປີ 2025. ນີ້ແມ່ນຄຳຮຽກຮ້ອງທີ່ໄດ້ວາງອອກໃນມະຕິສະບັບເລກທີ 205/NQ-CP ໂດຍລັດຖະບານ ຫວຽດນາມ ປະກາດໃຊ້ໃນທ້າຍອາທິດຜ່ານມາ ພາຍຫຼັງກອງປະຊຸມປະຈຳເດືອນມິຖຸນາ ປີ 2025 ແລະ ກອງປະຊຸມລະຫວ່າງລັດຖະບານ ແລະ ທ້ອງຖິ່ນທີ່ຈັດຂຶ້ນແບບທາງໄກ.

(VOVWORLD) - ວັນທີ 11 ກໍລະກົດ ຕາມເວລາ ອາເມລິກາ (ກົງກັບວັນທີ 12 ກໍລະກົດ ຕາມເວລາ ຫວຽດນາມ), ແມ່ນຂີດໝາຍ 30 ປີເຕັມແຫ່ງວັນ ຫວຽດນາມ ແລະ ອາເມລິກາ ໄດ້ຫັນການພົວພັນທາງການທູດເປັນປົກກະຕິ (07/1995 – 07/2025). ນີ້ບໍ່ພຽງແຕ່ແມ່ນເຫດການປະຫວັດສາດເທົ່ານັນ, ຫາກຍັງແມ່ນການພິສູດຢ່າງມີຊີວິດຊີວາ ໃຫ້ແກ່ຄວາມມານະພະຍາຍາມຮ່ວມມືເພື່ອສັນຕິພາບ, ວັດທະນາຖາວອນລວມຂອງສອງປະເທດອີກດ້ວຍ. ພາຍຫຼັງ 30 ປີ, ໄລຍະໃໝ່ຕໍ່ໄປພວມໄດ້ສືບຕໍ່ສ້າງຂຶ້ນໃນການພົວພັນລະຫວ່າງ ຫວຽດນາມ-ອາເມລິກາ, ໝັ້ນໝາຍຈະມີບັນດາກຳລັງບົ່ມຊ້ອນຮ່ວມມືອັນໃຫ່ຍຫຼວງ ແລະ ເລິກເຊິ່ງກວ້າງຂວາງກ່ວາໃນຫຼາຍຂົງເຂດໃນອະນາຄົດ.

(VOVWORLD) - ຕອນເຊົ້າວັນທີ 9 ກໍລະກົດ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ພັນລະຍາ ພ້ອມກັບຄະນະຜູ້ແທນຫວຽດນາມ ໄດ້ມາຮອດຮ່າໂນ້ຍ, ສິ້ນສຸດການເດີນທາງໄປປະຕິບັດງານເຂົ້າຮ່ວມກອງປະຊຸມສຸດຍອດ BRICS ເປີດກວ້າງ ແລະ ເຮັດວຽກຢູ່ ບຣາຊິນ ຢ່າງຈົບງາມໃນລະຫວ່າງວັນທີ 4 – 7 ກໍລະກົດ. ການເດີນທາງໄປປະຕິບັດງານຂອງນາຍົກລັດຖະມົນຕີ ບັນລຸໄດ້ຫຼາຍໝາກຜົນທີ່ຕັ້ງໜ້າ, ຊຸກຍູ້ຄວາມສາມັກຄີສາກົນ, ລັດທິຫຼາຍຝ່າຍ, ເປີດຫຼາຍທິດທາງຮ່ວມມືໃໝ່ໃນການພົວພັນກັບບັນດາຄູ່ຮ່ວມມື. ການເດີນທາງໄປປະຕິບັດງານກໍ່ປະກອບສ່ວນຜັນຂະຫຍາຍມະຕິເລກທີ 59 ຂອງກົມການເມືອງວ່າດ້ວຍການຕັ້ງໜ້າເຊື່ອມໂຍງເຂົ້າກັບສາກົນໃນສະພາບການໃໝ່ຢ່າງມີປະສິດທິຜົນ.