(VOVWORLD) -ພັກ, ລັດຫວຽດນນາມຍາມໃດກໍເຄົາລົບສິດເສລີໃນການເຊື່ອຖື, ບໍ່ເຊື່ອຖືສາສະໜາຂອງປະຊາຊົນ, ຖືກຕ້ອງຕາມຂໍ້ກຳນົດກົດໝາຍ. ເຖິງຢ່າງໃດກໍຕາມ, ຫວຽດນາມກໍເດັດດ່ຽວປັບໄໝລົງໂທດການກະທຳທີ່ສວຍໃຊ້ສາສະໜາໄປຝືນກັບຮີດຄອງປະເພນີອັນດີງາມຂອງຊາດ, ມາດຖານຄຸນສົມບັດຂອງສັງຄົມ. ບັນຫາດັ່ງກ່າວໂດຍຜູ້ຕາງໜ້າຫ້ອງວ່າການລັດຖະບານຫວຽດນາມຢືນຢັນອີກເທື່ອໜຶ່ງ ທີ່ກອງປະຊຸມນັດສາມັນຂອງລັດຖະບານໄດ້ດຳເນີນໃນວັນທີ 03 ພຶດສະພາຢູ່ຮ່າໂນ້ຍ, ໃນສະພາບການມໍ່ໆມານີ້ ສະມາຄົມສາສະໜາພະເຈົ້າ (ຫຼື ສາສະໜາພະເຈົ້າຜູ້ເປັນແມ່) ໄດ້ມີບັນດາການເຄື່ອນໄຫວເຜີຍແຜ່ສາສະໜາຢ່າງຜິດກົດໝາຍຢູ່ຫຼາຍທ້ອງຖິ່ນໃນທົ່ວປະເທດຫວຽດນາມ, ອັນໄດ້ກໍ່ຄວາມຂັດໃຈໃນຫາງສຽງ.

(VOVWORLD) -ໃນຊຸມວັນນີ້, ເລື່ອງ ອິດສະຣາແອນກ່າວຫາອີຣານວ່າປິດບັງໂຄງການນິວເຄຼຍ ທີ່ພວມກໍ່ຄວາມວິຕົກກັງວົນໃນຫາງສຽງ, ໂດຍສະເພາະແມ່ນໃນສະພາບການກຳນົດເວລາສຸດທ້າຍ ເຊິ່ງທ່ານປະທານາທິບໍດີ Donald Trump ໄດ້ວາງອອກ ເພື່ອແນໃສ່ຕ້ອງການປັບປຸງຂໍ້ຕົກລົງນິວເຄຼຍອີຣານໃກ້ຈະມາເຖິງ ( ວັນທີ 12 ພຶດສະພາ). ຫາກບໍ່ດັ່ງນັ້ນ, ອາເມລິກາຈະຖອນອອກຈາກຂໍ້ຕົກລົງດັ່ງກ່າວ. ການຖະແຫຼງຂ່າວຂອງອິດສະຣາແອນ ປຽບເໝືອນເປັນການຖອກນ້ຳມັນໃສ່ໄຟ, ໂດຍບໍ່ຫົວຊາຕໍ່ບັນດາຄວາມມານະພະຍາຍາມທາງການທູດຂອງ ການນຳເອີຮົບບາງທ່ານ ເພື່ອແນໃສ່ກອບກູ້ເອົາຂໍ້ຕົກລົງນິວເຄຼຍປະຫວັດສາດນີ້ໄວ້.

(VOVWORLD) -ຖະແຫຼງການຮ່ວມ ປານມູນຈອມ ໄດ້ເນັ້ນໜັກເຖິງຄຳໝັ້ນສັນຍາຢ່າງແນ່ນອນວ່າ ຈະຢຸດຕິການແບ່ງແຍກ ແລະ ການສູ້ຢັນທີ່ມີມາແຕ່ດົນຈາກສົງຄາມເຢັນ, ກ້າວໄປເຖິງສັງກາດໃໝ່ຂອງການໄກ່ເກ່ຍຄວາມປອງດອງຊາດ, ສັນຕິພາບ ແລະ ວັດທະນາຖາວອນ, ປັບປຸງ ແລະ ເພີ່ມພູນຄູນສ້າງການພົວພັນລະຫວ່າງ ສ.ເກົາຫຼີ ແລະ ສປປ.ເກົາຫຼີ.

(VOVWORLD) -ໃນຊຸມປີຜ່ານມາ, ອົງການຈັດຕັ້ງກຳມະບານທຸກຂັ້ນຍາມໃດກໍ່ປະຕິບັດວຽກງານເບິ່ງແຍງດູແລ, ປົກປ້ອງສິດ ແລະ ຜົນປະໂຫຍດອັນຊອບທຳຂອງຜູ້ອອກແຮງງານເປັນຢ່າງດີ. ໃນສະພາບຄືປະຈຸບັນ, ຫວຽດນາມ ພວມນັບມື້ນັບເຊື່ອມໂຍງເຂົ້າກັບພື້ນຖານເສດຖະກິດໂລກ ຢ່າງເລິກເຊິ່ງ, ກວ້າງຂວາງ ສິ່ງດັ່ງກ່າວກໍ່ໄດ້ວາງອອກຄວາມຫຍຸ້ງຍາກ, ສິ່ງທ້າທາຍຫຼາຍຢ່າງໃຫ້ອົງການຈັດຕັ້ງກຳມະບານ , ຮຽກຮ້ອງໃຫ້ກຳມະບານ ຕ້ອງມີບັນດາການປ່ຽນແປງໃໝ່, ວິທີການເຄື່ອນໄຫວຢ່າງມີປະສິດທິຜົນກວ່າ ເພື່ອຕອບສະໜອງຄວາມຮຽກຮ້ອງຕ້ອງການຂອງການເຊື່ອມໂຍງ, ພ້ອມທັງສືບຕໍ່ເສີມຂະຫຍາຍປະສິດທິຜົນພາລະບົດບາດ, ໜ້າທີ່ຂອງຕົນ.

(VOVWORLD) -ໄຊຊະນະປະຫວັດສາດວັນທີ 30 ເມສາ 1975 ປົດປ່ອຍພາກໃຕ້ຢ່າງສົມບູນ, ທ້ອນໂຮມປະເທດຊາດເປັນເອກະພາບ ແມ່ນເຫດການພົ້ນເດັ່ນໃນໂລກປີ 1975. ຫາງສຽງສາກົນໃຫ້ຂໍ້ສັງເກດວ່າ ໄຊຊະນະທີ່ພິລະອາດຫານນັ້ນໄດ້ເປັນການສິ້ນສຸດພາລະກິດປົດປ່ອຍຊາດທີ່ແກ່ຍາວເປັນເວລາ 30 ປີແຫ່ງການຕໍ່ສູ້ຕ້ານສັດຕູເຂົ້າມາຮຸກຮານ ຂອງປະຊາຊົນຫວຽດນາມຢ່າງ ສະຫງ່າລາສີ, ສ້າງບາດລ້ຽວທີ່ຍິ່ງໃຫຍ່ໃນປະຫວັດສາດຂອງຊາດ, ອັນໄດ້ສົ່ງຜົນສະທ້ອນຢ່າງເລິກເຊິ່ງເຖິງການພົວພັນດ້ານການເມືອງຢູ່ພາກພື້ນ ແລະ ໃນໂລກ. ບົນພື້ນຖານໄຊຊະນະນັ້ນ, ປະຊາຊົນຫວຽດນາມ ໄດ້ສ້າງສາປະເທດຊາດທີ່ນັບມື້ນັບພັດທະນາ, ທີ່ຕັ້ງຂອງຫວຽດນາມ ບົນເວທີສາກົນນັບມື້ນັບໄດ້ຮັບການຍົກສູງຂຶ້ນຢ່າງບໍ່ຢຸດຢັ້ງ.

(VOVWORLD) - ໃນລະຫວ່າງວັນທີ 27 – 28 ເມສາ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ພ້ອມກັບການນຳ 10 ປະເທດ ອາຊຽນ ເຂົ້າຮ່ວມກອງປະຊຸມສຸດຍອດ ອາຊຽນ ຄັ້ງທີ 32, ເຊິ່ງຈັດຕັ້ງຢູ່ສິງກະໂປ.

(VOVWORLD) - ກ່ອນນີ້ເປັນເວລາກ່ວາສະຕະວັດ, ສະໄໝລາດຊະວົງ ຫງວຽນ ໄດ້ຖືເອົາວັນທີ 10 ເດືອນ 3 ໃນແຕລະປີ (ໄລ່ຕາມຈັນທະປະຕິທິນ) ແມ່ນວັນບູຊາເຈົ້າຊີວິດຮຸ່ງຢ່າງເປັນທາງການ.

(VOVWORLD) - ຫວຽດນາມ ແລະ ສິງກະໂປ ໄດ້ສ້າງຕັ້ງການພົວພັນຄູ່ຮ່ວມມືຍຸດທະສາດໃນປີ 2013. ຄຽງຂ້າງການພົວພັນດ້ານການເມືອງອັນດີງາມນັ້ນ, ການພົວພັນຮ່ວມມືດ້ານເສດຖະກິດ, ການຄ້າ ແລະ ການລົງທຶນລະຫວ່າງ ຫວຽດນາມ ແລະ ສິງກະໂປ ກໍ່ນັບມື້ນັບພັດທະນາຢ່າງແທດຈິງ ແລະ ມີປະສິດທິຜົນ.

(VOVWORLD) -ໃນຊຸມປີຜ່ານມາ, ຫວຽດນາມ ໄດ້ຢຶດໝັ້ນຮັກສາອະທິປະໄຕ, ຄວາມສະຫງົບຢູ່ເຂດຊາຍແດນ, ອະທິປະໄຕທະເລ, ໝູ່ເກາະ, ບັນດາສິດ ແລະ ຜົນປະໂຫຍດອັນຊອບທຳໄວ້ຢ່າງໝັ້ນຄົງ, ປະກອບສ່ວນຮັບປະກັນສະພາບແວດລ້ອມແຫ່ງສັນຕິພາບ, ສະຖຽນລະພາບໃຫ້ແກ່ພາລະກິດສ້າງສາ ແລະ ພັດທະນາປະເທດຊາດ, ຕິດພັນກັບການຮັບປະກັນການປ້ອງກັນຊາດ, ປ້ອງກັນຄວາມສະຫງົບ, ສ້າງຄວາມສະດວກໃຫ້ແກ່ຫວຽດນາມ ເຊື່ອມໂຍງເຂົ້າກັບພາກພື້ນ ແລະ ສາກົນ ນັບມື້ນັບເລິກເຊິ່ງ, ກວ້າງຂວາງ.

(VOVWORLD) - ປື້ມປົກຂາວກ່ຽວກັບສິດທິມະນຸດດ້ວຍຫົວຂໍ້ວ່າ “ປົກປ້ອງ ແລະ ຊຸກຍູ້ສິດທິມະນຸດຢູ່ ຫວຽດນາມ”, ໂດຍກະຊວງການຕ່າງປະເທດແຫ່ງ ສສ ຫວຽດນາມ ປະກາດໃນຕົ້ນປີ 2018, ບໍ່ພຽງແຕ່ຍົກອອກບັນດາຜົນງານກ່ຽວກັບສິດທິມະນຸດຂອງປະເທດຊາດເທົ່ານັ້ນ, ຫາກຍັງໄດ້ເປີດເຜີຍທັດສະນະ, ສະຕິຄວາມຮັບຮູ້ ແລະ ທັງບັນດາວຽກງານທີ່ ຫວຽດນາມ ສືບຕໍ່ປະຕິບັດໃນໄລຍະຈະມາເຖິງ, ເພື່ອແນໃສ່ບັນລຸຜົນງານໃຫຍ່ຫຼວງກ່ວາໃນການຊຸກຍູ້ສິດທິມະນຸດຢູ່ ຫວຽດນາມ.