(VOVWORLD) - ກອງປະຊຸມສົນທະນາທົ່ວໂລກ Berlin ໄດ້ຮັບການຈັດຂຶ້ນເປັນຄັ້ງ ທຳອິດໃນ ລະຫວ່າງວັນທີ 28 – 29 ກັນຍາ, ຢູ່ນະຄອນຫຼວງ Berlin (ປະເທດ ເຢຍລະມັນ). ນີ້ແມ່ນເວທີປາໄສໃໝ່ຊ່ວຍໃຫ້ບັນດາລັດຖະບານ, ບັນດາກຸ່ມບໍລິສັດເສດຖະກິດກໍ່ຄື ບັນດາອົງການ ພົນລະເຮືອນໄດ້ແລກປ່ຽນ ແລະ ສ້າງວິໄສທັດລວມ ກ່ຽວກັບອະນາຄົດ ທີ່ພວມຫັນປ່ຽນຢ່າງແຮງຂອງພື້ນຖານເສດຖະກິດທົ່ວໂລກ.

(VOVWORLD) -ທ່ານ ນາຍົກລັດຖະມົນຕີ ຟ້າມມິງຈິງ ແລະ ຄະນະຜູ້ແທນຂັ້ນສູງ ຫວຽດນາມ ຫາກໍ່ສິ້ນສຸດການເຂົ້າຮ່ວມ ກອງປະຊຸມປຶກສາຫາລື ລວມຂັ້ນສູງຂອງ ກອງປະຊຸມ ຄັ້ງທີ 78 ສະມັດຊາໃຫຍ່ ສປຊ ແລະ ສົມທົບວຽກງານການເຄື່ອນໄຫວສອງຝ່າຍທີ່ ສະຫະລັດອາເມລິກາ ແລະ ບຣາຊິນ ແຕ່ວັນທີ 17-26 ກັນຍາ. ໃນຂະນະດຽວກັນນັ້ນ, ທ່ານປະທານສະພາແຫ່ງຊາດ ເວືອງດິງເຫວະ ແລະ ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ກໍ່ໄດ້ສຳເລັດການໄປຢ້ຽມຢາມ ບັງກະລາເທດ ແລະ ບຸນກາລີ ຢ່າງເປັນທາງການຢ່າງຈົບງາມ ແຕ່ວັນທີ 21-26 ກັນຍາ. ບັນດາການໄປປະຕິບັດງານຄັ້ງຫຼ້າສຸດຂອງການນຳພັກ-ລັດ ຫວຽດນາມ, ພ້ອມກັບໝາກຜົນທາງການທູດໄລຍະຜ່ານມາ, ໄດ້ສ້າງຂີດໝາຍໃໝ່ກ່ຽວກັບຫວຽດນາມບົນເວທີສາກົນ.

(VOVWORLD) - ທ່ານປະທານສະພາແຫ່ງຊາດ ກຸຍບາ Esteban Lazo Hermandez ໄດ້ມາຢ້ຽມຢາມ ຫວຽດນາມ ໃນລະຫວ່າງວັນທີ 24 - 28 ກັນຍາ ແລະ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນທ່ານປະທານ Fidel Castro ມາຢ້ຽມຢາມເຂດປົດປ່ອຍ ພາກໃຕ້ ຫວຽດນາມ (9/1973-9/2023). ນີ້ແມ່ນໂອກາດເພື່ອໃຫ້ປະຊາຊົນສອງປະເທດ, ພິເສດແມ່ນໄວໜຸ່ມ, ເພີ່ມທະວີຄວາມຮູ້ຄວາມເຂົ້າໃຈກ່ຽວກັບປະຫວັດສາດ ແລະ ຄວາມໝາຍຂອງການພົວພັນແບບພິເສດ ລະຫວ່າງ ຫວຽດນາມ - ກຸຍບາ ໂດຍທ່ານປະທານ ໂຮ່ຈີມິນ ແລະ ທ່ານປະທານ Fidel Castro ໄດ້ເພີ່ມພູນຄູນສ້າງຂຶ້ນ. ພ້ອມທັງ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບທອດ ແລະ ເສີມຂະຫຍາຍກຳລັງແຮງມູນເຊື້ອອັນດີງາມ, ປະກອບສ່ວນເຂົ້າໃນການຮັດແໜ້ນການພົວພັນສາມັກຄີລະຫວ່າງ ຫວຽດນາມ - ກຸຍບາ.

(VOVWORLD) - “ກອງປະຊຸມການເຈລະຈາເສດຖະກິດ ແລະ ການຄ້າຂັ້ນສູງ” ລະຫວ່າງ ສະຫະພາບເອີຣົບ (ອີຢູ) ແລະ ຈີນ ໄດ້ດຳເນີນໃນວັນທີ 25 ກັນຍາ, ຢູ່ປັກກິ່ງ, ຈີນ. ໃນສະພາບການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງຝ່າຍ ພວມປະສົບກັບສິ່ງທ້າທາຍຫຼາຍຢ່າງ, ການເຈລະຈາຖືກຈັດຂຶ້ນເພື່ອແນໃສ່ຢັ້ງຢືນທີ່ຕັ້ງການພົວພັນຄູ່ຮ່ວມມືຍຸດທະສາດສອງຝ່າຍ, ຫຼຸດຜ່ອນຄວາມເຄັ່ງຕຶງດ້ານການຄ້າໃນໄລຍະມໍ່ໆມານີ້ ແລະ ຊຸກຍູ້ການພົວພັນນີ້ໃນໄລຍະຈະມາເຖິງ.

(VOVWORLD) - ໃນເວລາກວ່າ 34 ປີແຫ່ງວັນສ້າງຕັ້ງສາຍພົວພັນທາງການທູດມາຮອດປະຈຸບັນ, ການພົວພັນ ຫວຽດນາມ - ບຣາຊິນ ໄດ້ພັດທະນາຢ່າງເລິກເຊິ່ງ, ບັນລຸປະສິດທິຜົນ

(VOVWORLD) - ໂດຍໄດ້ຮັບຄຳເຊີນຈາກທ່ານ Shirin Sharmin Chaudhyry, ປະທານສະພາແຫ່ງຊາດ ສາທາລະນະລັດ ປະຊາຊົນ ບັງກະລາເທດ, ທ່ານ ເວືອງດິ່ງເຫວະ, ປະທານສະພາແຫ່ງຊາດ ຫວຽດນາມ ໄດ້ໄປຢ້ຽມຢາມ ບັງກະລາເທດຢ່າງເປັນທາງການ, ແຕ່ວັນທີ 21 – 23 ກັນຍາ.

(VOVWORLD) -ເວທີປາໄສ ເສດຖະກິດ-ສັງຄົມ ຫວຽດນາມ ປີ 2023, ໂດຍສະພາແຫ່ງຊາດ ຫວຽດນາມ ຈັດຂຶ້ນໃນວັນທີ 19 ກັນຍາ ປີ 2023 ຢູ່ ຮ່າໂນ້ຍ ໄດ້ເນັ້ນຫນັກສານທີ່ຕ້ອງສ້າງ ແລະ ຊຸກຍູ້ກຳລັງແຮງພາຍໃນຢ່າງເຂັ້ມແຂງ ເພື່ອຮັບມືກັບສິ່ງທ້າທາຍ ແລະ ລັກສະນະບໍ່ເປັນປົກກະຕິຂອງບັນດາປັດໄຈພາຍນອກ. ນີ້ແມ່ນບົດຮຽນສຳຄັນຈາກພຶດຕິກຳຕົວຈິງທີ່ບືນຕົວຂຶ້ນຂອງ ຫວຽດນາມ ເມື່ອປະເຊີນຫນ້າກັບຄວາມຫຍຸ້ງຍາກ, ສິ່ງທົດສອບທີ່ຫນັກຫນ່ວງພາຍຫລັງໂລກລະບາດໂຄວິດ. ລະອຽດກວ່າ ນັ້ນແມ່ນ ຫວຽດນາມ ຄວນເພີ່ມທະວີ, ເສີມຂະຫຍາຍກຳລັງແຮງພາຍໃນ, ຍາດແຍ່ງ, ຂຸດຄົ້ນ “ກຳລັງແຮງພາຍນອກ” ຢ່າງສຸດຂີດ ແລະ ສ້າງກຳລັງຫນູນແກ່ການເຕີບໂຕ ແລະ ພັດທະນາແບບຍືນຍົງ.

(VOVWORLD) - ທ່ານນາຍົກລັດຖະມົນຕີ ຟ້າມມິງຈິງ ພວມເຂົ້າຮ່ວມວາລະປຶກສາຫາລືລວມລະດັບສູງຊຸດທີ 78 ສະມັດຊາໃຫຍ່ ສປຊ ທີ່ໄດ້ດຳເນີນຢູ່ ນິວຢອກ, ປະເທດ ອາເມລິກາ. ເຂົ້າຮ່ວມເຫດການ ແລະ ບັນດາການເຄື່ອນໄຫວທີ່ກ່ຽວຂ້ອງ, ທ່ານນາຍົກລັດຖະມົນຕີ ຟ້າມມິງຈິງ ຈະສົ່ງສານກ່ຽວກັບຫວຽດນາມ ທີ່ມີຄວາມຮັກຫອມສັນຕິພາບ, ແມ່ນສະມາຊິກທີ່ມີຄວາມຮັບຜິດຊອບ, ຕັ້ງໜ້າ, ເປັນເຈົ້າການ ແລະ ມີປະສິດທິຜົນ ໃນວຽກງານລວມຂອງ ສປຊ. ການເຂົ້າຮ່ວມຂອງທ່ານນາຍົກລັດຖະມົນຕີ ກໍ່ກົງກັບໂອກາດສະເຫຼີມສະຫຼອງ 46 ປີແຫ່ງວັນຫວຽດນາມ ເຂົ້າເປັນສະມາຊິກຂອງ ສປຊ (20/9/1977-20/9/2023)ຢ່າງເປັນທາງການ, ສະແດງໃຫ້ເຫັນຄຳໝັ້ນສັນຍາ ແລະ ຄວາມຕັດສິນໃຈຢ່າງແຮງຂອງ ຫວຽດນາມ ໃນການຮ່ວມມືແກ້ໄຂບັນດາສິ່ງທ້າທາຍທົ່ວໂລກ.

(VOVWORLD) - ກອງປະຊຸມສຸດຍອດກຸ່ມບັນດາປະເທດພວມພັດທະນາ (G77) ແລະ ຈີນ ໄດ້ຈັດຂຶ້ນໃນທ້າຍອາທິດຜ່ານມາ (15-16/09) ຢູ່ນະຄອນຫຼວງ ລາຮາວານ ຂອງ ກູບາ ໄດ້ເນັ້ນໜັກເຖິງບົດບາດຂອງວິທະຍາສາດ, ເຕັກໂນໂລຢີ ແລະ ນະວັດຕະກຳ ເປັນຕົ້ນແມ່ນກຳລັງໜູນພັດທະນາໃໝ່ຂອງບັນດາປະເທດພວມພັດທະນາ. ກອງປະຊຸມກໍຍົກສູງສານຂອງ G77 ກ່ຽວກັບເລື່ອງຕ້ອງປ່ຽນແປງພື້ນຖານຂອງຫຼາຍກົນໄກໃຫຍ່ໃນໂລກປັດຈຸບັນ.

(VOVWORLD) - ກອງປະຊຸມສະມາຊິກລັດຖະສະພາໜຸ່ມທົ່ວໂລກ ຄັ້ງທີ 9, ໂດຍສະພາແຫ່ງຊາດ ຫວຽດນາມ ເປັນເຈົ້າພາບຈັດຕັ້ງເປັນຄັ້ງທຳອິດ, ໃນລະຫວ່າງວັນທີ 14 -17 ກັນຍາ, ຢູ່ ຮ່າໂນ້ຍ ໄດ້ບັນລຸຜົນສຳເລັດຢ່າງຈົບງາມ. ດ້ວຍຫົວຂໍ້: “ບົດບາດຂອງໄວໜຸ່ມໃນ ການຊຸກຍູ້ການປະຕິບັດບັນດາເປົ້າໝາຍ ພັດທະນາແບບຍືນຍົງ ຜ່ານການຫັນເປັນ ດີຈີຕອນ ແລະ ນະວັດຕະກຳ”, ກອງປະຊຸມໄດ້ຮຽກຮ້ອງບັນດາສະມາຊິກລັດຖະສະ ພາໜຸ່ມເສີມຂະຫຍາຍນຳ້ໃຈ ຄວາມຮັບຜິດຊອບ ໃນການຊຸກຍູ້ການປະຕິບັດບັນດາ ເປົ້າໝາຍພັດທະນາແບບ ຍືນຍົງ (SDGs) ໃນຂອບເຂດທົ່ວໂລກ ດ້ວຍບັນດາ ການກະທຳທີ່ແທດຈິງ.