(VOVWORLD) - ຕາມຕົວເລກຫຼ້າສຸດຂອງກົມລົງທຶນຕ່າງປະເທດ (ກະຊວງແຜນການ ແລະ ການລົງທຶນ), ນັບແຕ່ຕົ້ນປີ 2023 ມາຮອດປັດຈຸບັນ (ໄລ່ຮອດວັນທີ 20 ເມສາ), ມີ 77 ປະເທດ ແລະ ເຂດແຄ້ວນໄດ້ມາລົງທຶນຢູ່ ຫວຽດນາມ ດ້ວຍຍອດເງິນລົງທຶນໂດຍກົງຈາກຕ່າງປະເທດ (FDI) ຈົດທະບຽນບັນລຸເກືອບ 8,9 ຕື້ USD. ໃນສະພາບການແຫຼ່ງເງິນລົງທຶນ FDI ທົ່ວໂລກ ມີຄວາມປຽນໄປຫຼາຍຢ່າງຄືໃນປັດຈຸບັນ, ຕົວເລກນີ້ເຖິງວ່າບໍ່ສູງ ແຕ່ກໍ່ໄດ້ຮັບການຕີລາຄາວ່າແມ່ນສັນຍານທີ່ຕັ້ງໜ້າ, ມັນສະແດງໃຫ້ເຫັນວ່າ ຫວຽດນາມ ຍັງມີກຳລັງດຶງດູດສຳລັບບັນດານັກລົງທຶນຕ່າງປະເທດ. TRANSLATE with x English Arabic Hebrew Polish Bulgarian Hindi Portuguese

(VOVWORLD) -ການລົງທຶນຄົ້ນຄວ້າເຕັກໂນໂລຢີ, ຂັ້ນຕອນການຜະລິດ, ວັດຖຸດິບປະເພດໃໝ່, ພະລັງງານທົດແທນ…, ເພື່ອຜະລິດອອກບັນດາຜະລິດຕະພັນສີຂຽວ ພວມແມ່ນການບຸລິມະສິດແຖວໜ້າຂອງບັນດາພື້ນຖານເສດຖະກິດໃນໂລກ ພາຍຫຼັງໄລຍະຖືກຜົນກະທົບຈາກໂລກລະບາດໂຄວິດ - 19. ປັດຈຸບັນ, ຫວຽດນາມ ກໍບໍ່ຢູ່ນອກເໜືອຈາກທ່າອ່ຽງດັ່ງກ່າວ. ການຢັ້ງຢືນເຄື່ອງໝາຍການຄ້າແຫ່ງຊາດສີຂຽວ, ຜະລິດອອກບັນດາຜະລິດຕະພັນທີ່ມີມູນຄ່າ, ເພີ່ມກຳລັງແຮງແກ້ງແຍ້ງໃນຕະຫຼາດ ແມ່ນລູກກຸນແຈ ເພື່ອໃຫ້ ຫວຽດນາມ ສ້າງ ແລະ ໂຄສະນາພາບພົດແຫ່ງຊາດ, ຟື້ນຟູ ແລະ ເຕີບໂຕແບບຍືນຍົງ.

(VOVWORLD) - ລະດັບຄວາມຮູ້ຂອງກຳມະກອນ, ຜູ້ອອກແຮງງານ ຫວຽດນາມ ໄດ້ຖືກຍົກສູງຂຶ້ນຢ່າງບໍ່ຢຸດຢັ້ງ, ເຊິ່ງແມ່ນກຳລັງທີ່ມີຄວາມສາມາດປະດິດຄິດສ້າງໃນການຜະລິດ ແລະ ຊີວິດສັງຄົມ

(VOVWORLD) -ໃນໄລຍະເກືອບເຄິ່ງສັດຕະວັດຜ່ານມາ, ນະຄອນໂຮ່ຈີມິນ ຍາມໃດກໍ່ຢັ້ງຢືນບົດບາດນຳຫນ້າ, ຂະຫຍັນຂັນເຄື່ອນໃນກິດຈະການສ້າງສາ, ປ່ຽນແປງໃຫມ່ການພັດທະນາເສດຖະກິດ, ສັງຄົມຂອງປະເທດຊາດ. ເພື່ອຮັກສາທ່າເຕີບໂຕ ແລະ ບົດບາດກຳລັງຫນູນແຜ່ຂະຫຍາຍຂອງເຂດເສດຖະກິດຈຸດສຸມ ທາງພາກໃຕ້ ແລະ ທົ່ວປະເທດ, ນະຄອນ ໂຮ່ຈີມິນ ມີຫລາຍນະໂຍບາຍ, ກົນໄກສະດວກ, ສ້າງບາດກ້າວບຸກທະລຸເພື່ອພັດທະນາເສດຖະກິດ - ສັງຄົມ.

(VOVWORLD) - ກ່ອນນີ້ 48 ປີເຕັມ, ວັນທີ 30 ເມສາ 1975 ໄດ້ເປີດສັງກາດສັນຕິພາບໃນປະຫວັດສາດຂອງຊາດ ຫວຽດນມ ເມື່ອປະເທດຊາດໄດ້ທ້ອນໂຮມເປັນເອກະພາບ, ເປັນຜືນແຜ່ນດິນອັັນໜຶ່ງດຽວ.

(VOVWORLD) - ການເຫຼື້ອມໃສບູຊາເຈົ້າຊີວິດ ຮຸ່ງ ໄດ້ຮັບການຮັບຮອງຈາກ UNESCO ຍ້ອນຕອບສະໜອງໄດ້ທຸກມາດຖານຂອງມໍລະດົກວັດທະນະທຳບໍ່ເປັນວັດຖຸຕາງໜ້າໃຫ້ມວນມະນຸດ.

(VOVWORLD) - ທ່ານ Yoon Suk Yeol, ປະທານາທິບໍດີ ສ ເກົາຫຼີ ພວມຢູ່ຢ້ຽມຢາມ ວໍຊິງຕັນ, ປະເທດ ອາເມລິກາ ເປັນເວລາ 6 ວັນ (ແຕ່ວັນທີ 24 ເມສາ) ແລະ ມີການພົບປະສຸດຍອດກັບຄູ່ຕຳແໜ່ງປະເທດເຈົ້າພາບ Joe Biden.

(VOVWORLD) -ວັນທີ 20 ມີນາ ຜ່ານມາ, ກະຊວງການຕ່າງປະເທດ ອາເມລິກາ ຫາກໍ່ປະກາດບົດລາຍງານສິດທິມະນຸດປະຈຳປີ 2022 ໂດຍຖືວ່າ: “ບາງປະເທດຢູ່ ອາຊີ, ໃນນັ້ນ ມີ ຫວຽດນາມ ໄດ້ລະເມີດສິດທິມະນຸດໂດຍມີລະບົບ”. ການຕີລາຄານີ້ ແມ່ນເບິ່ງແຕ່ລຳພັງຝ່າຍດຽວ, ບໍ່ມີຂໍ້ອ້າງອີງ, ສ່ອງແສງບໍ່ຖືກກັບຄວາມເປັນຈິງ ແລະທາດແທ້ຂອງບັນຫາສິດທິມະນຸດຢູ່ຫວຽດນາມ. ໃນຂອບເຂດການພົວພັນອັນດີງາມລະຫວ່າງສອງປະເທດ, ຫວຽດນາມພ້ອມແລ້ວທີ່ຈະເຈລະຈາກັບ ອາເມລິກາ ເພື່ອຮັດແຄບຄວາມແຕກຕ່າງໃນການຮັບຮູ້ບັນຫາສິດທິມະນຸດ ຢູ່ ຫວຽດນາມ.

(VOVWORLD) - ວັນທີ 27 ເມສາ, ກອງປະຊຸມຄັ້ງທີ 4 ລະບົບທັນຍາຫານ, ອາຫານແບບຍືນຍົງ - ເຄືອຂ່າຍໜ່ວຍໂລກດຽວຂອງ ສປຊ ໄດ້ອັດລົງຢູ່ ຮ່າໂນ້ຍ, ພາຍຫຼັງການປະຊຸມທີ່ດຳເນີນເປັນເວລາ 4 ວັນ (24 – 27 ເມສາ). ບັນດາບົດຮຽນປະສົບການຂອງ ຫວຽດນາມ ໃນວິວັດການຫັນປ່ຽນລະບົບທັນຍາຫານ, ອາຫານ ໄດ້ຮັບການຕີລາຄາສູງຈາກບັນດາອົງການຈັດຕັ້ງສາກົນ, ເຂົາເຈົ້າຖືວ່າ ຫວຽດນາມ ພວມປະຕິບັດບົດບາດຫັນປ່ຽນລະບົບທັນຍາຫານ, ອາຫານທົ່ວໂລກເປັນຢ່າງດີ. TRANSLATE with x English Arabic Hebrew Polish Bulgarian Hindi Portugues

(VOVWORLD) -ກອງປະຊຸມລັດຖະມົນຕີກະຊວງກະສິກຳບັນດາປະເທດໃນກຸ່ມບັນດາພື້ນຖານອຸດສາຫະກຳພັດທະນາແຖວໜ້າໂລກ (G7) ຫາກໍສິ້ນສຸດລົງ ພາຍຫຼັງໂຮມປະຊຸມ 2 ມື້ຢູ່ນະຄອນ Miyazaki ຂອງ ຍີ່ປຸ່ນ. ໃນຖະແຫຼງການຮ່ວມທີ່ໄດ້ຍົກອອກມາພາຍຫຼັງກອງປະຊຸມ, ບັນດາລັດຖະມົນຕີໄດ້ຮຽກຮ້ອງໃຫ້ຕໍ່ກຳນົດເວລາຂໍ້ຕົກລົງກ່ຽວກັບ ຂໍ້ລິເລີ່ມທັນຍາຫານທະເລດຳ, ຮຽກຮ້ອງໃຫ້ບັນດາຝ່າຍຕ້ອງຜັນຂະຫຍາຍຢ່າງຄົບຖ້ວນ ກໍຄືເປີດກວ້າງຂອບຂະໜາດຂໍ້ຕົກລົງດັ່ງກ່າວ. ໃນຂະນະນັ້ນ, ວັນທີ 24 ເມສາ, ທ່ານເລຂາທິການໃຫຍ່ ສປຊ Antonio Guterres ກໍໄດ້ນຳສະເໜີແບບວິທີການແກ້ໄຂຂໍ້ຕົກລົງທັນຍາຫານທະເລດຳໃນການພົບປະກັບທ່ານລັດຖະມົນຕີການຕ່າງປະເທດ ລັດເຊຍ Sergei Lavrov ຢູ່ ນິວຢອກ.