(VOVWORLD) - ການເດີນທາງຢ້ຽມຢາມກໍ່ເປີດກາລະໂອກາດຊຸກຍູ້ການຮ່ວມມື 2 ຝ່າຍ, ພິເສດແມ່ນດ້ານເສດຖະກິດ, ການຄ້າ.

(VOVWORLD) - ວັນທີ 24 ເມສາ ຈະມາເຖິງ, ຢູ່ຮ່າໂນ້ຍ, ຈະຈັດກອງປະຊຸມທົ່ວໂລກຄັ້ງທີ 4 ກ່ຽວກັບລະບົບສະບຽງອາຫານ, ທັນຍາຫານ ແບບຍືນຍົງ - ເຊິ່ງເປັນເຄືອຂ່າຍຈັກກະວານຂອງ ສປຊ.

(VOVWORLD) -ໃນວັນທີ 10 - 15 ເມສາ, ຄະນະປະຕິບັດງານເລກ 3 ໂດຍ ພົນເຮືອຕີ ເຈີນງອັກກວຽດ, ຮອງເສນາທິການໃຫຍ່ເຫຼົ່າທັບກອງທັບເຮືອ ຫວຽດນາມ ເປັນຫົວຫນ້າຄະນະ ໄດ້ລົງຢ້ຽມຢາມ, ໃຫ້ກຳລັງໃຈ, ເກັບກຳສະພາບການແນວຄິດ, ຊີວິດການເປັນຢູ່, ໝາກຜົນການປະຕິບັດຫນ້າທີ່ປົກປັກຮັກສາອະທິປະໄຕທະເລໝູ່ເກາະຂອງກອງທັບ ແລະ ປະຊາຊົນ ຢູ່ 5 ເກາະທີ່ຂຶ້ນກັບໝູ່ເກາະເຈື່ອງຊາ. ໃນຂອບເຂດການຢ້ຽມຢາມຄັ້ງນີ້, ຄະນະໄດ້ມອບຊຸດປື້ມ: ວາງວ້ອງເລີ່ຍນອນເນືອກ” ໂດຍຄັດສະເຫນີບັນດາປະໂຫຍກ, ຄຳເວົ້າທີ່ີມີຄວາມໝາຍ ເຂົ້າໃຈງ່າຍ ແລະ ໄດ້ໃຈປະຊາຊົນຂອງປະທານໂຮ່ຈີມິນ ., ປື້ມ: “ບາງບັນຫາທິດສະດີ, ພຶດຕິກຳຕົວຈິງແຫ່ງເສັ້ນທາງກ້າວຂຶ້ນສັງຄົມນິຍົມຢູ່ ຫວຽດນາມ”, ປື້ມ: “ເດັດດ່ຽວ, ຢືດໝັ້ນການຕໍ່ສູ້ປ້ອງກັນ, ຕ້ານການສໍ້ລາດບັງຫລວງ, ປະກົດການຫຍໍ້ທໍ້, ປະກອບສ່ວນກໍ່ສ້າງພັກ ແລະ ລັດ ຫວຽດນາມ ໃຫ້ນັບມື້ນັບປອດໃສ, ໝັ້ນຄົງເຂັ້ມແຂງ” ຂອງທ່ານເລຂາທິການໃຫຍ່ ຫງວຽນຟູຈ້ອງ ມອບໃຫ້ພະນັກງານ, ນັກຮົບ ທະຫານເຮືອເຂດ 4 ແລະ ບັນດາໝູ່ເກາະ, ຮ້ານຍາມ. ນີ້ແມ່ນບັນດາປື້ມທີ່ມີຄວາມໝາຍ, ມີຄຸນຄ່າດ້ານທິດສະດີ ແລະ ພຶດຕິກຳຕົວຈິງ, ມີລັກສະນະກຳນົດທິດສູງສຳລັບພະນັກງານ, ນັກຮົບທະຫານເຮືອເຂດ 4 ແລະ ປະຊາຊົນໃນໝູ່ເກາະ ເຈື່ອງຊາ. TRANSLATE with x English Arabic

(VOVWORLD) - ໂດຍໄດ້ຮັບຄຳເຊື້ອເຊີນຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ, ວັນທີ 20 ເມສາ ທ່ານນາຍົກລັດຖະມົນຕີ ສ.ເຊັກໂກ Petr Fiala ຈະດຳເນີນການຢ້ຽມຢາມຫວຽດນາມ ຢ່າງເປັນທາງການໃນລະຫວ່າງວັນທີ 20 – 22 ເມສາ. ນີ້ແມ່ນການໄປປະຕິບັດງານຢູ່ອາຊີຄັ້ງທຳອິດຂອງທ່ານນາຍົກລັດຖະມົນຕີ Petr Fiala ນັບແຕ່ເວລາດຳລົງຕຳແໜ່ງເມື່ອທ້າຍປີ 2021 ແລະ ນີ້ແມ່ນການຢ້ຽມຢາມຫວຽດນາມ ຄັ້ງທຳອິດຂອງຜູ້ນຳລັດຖະບານເຊັກໂກ ໃນໄລຍະເວລາ 15 ປີຜ່ານມາ. ການຢ້ຽມຢາມມີຄວາມໝາຍສຳຄັນຕໍ່ສອງຝ່າຍ, ສືບຕໍ່ເພີ່ມທະວີ ແລະ ປັບປຸງການພົວພັນມິດຕະພາບທີ່ເປັນມູນເຊື້ອ, ພ້ອມທັງສ້າງກຳລັງໜູນສຳຄັນໃນການຊຸກຍູ້ການພົວພັນສອງຝ່າຍ. TRANSLATE with x English Arabic Hebrew Polish Bulgarian Hindi

(VOVWORLD) -ໃນຊຸມວັນຜ່ານມາ, ຍາມໃດໂລກກໍຕິດຕາມທຸກຜັນແປທາງການເມືອງ ແລະ ຄວາມໝັ້ນຄົງຢູ່ ຊູດັງ - ບ່ອນທີ່ພວມເກີດການປະທະກັນລະຫວ່າງກອງທັບ ກັບ ອົງການເຄິ່ງການທະຫານກຳລັງປະຕິກິລິຍາໄວ (RSF) ຢ່າງໃກ້ຊິດ. ໄລ່ມາຮອດປັດຈຸບັນນີ້, ມີຜູ້ເສຍຊີວິດເກືອບ 100 ຄົນ, ໃນນັ້ນ ມີທັງພະນັກງານ ສປຊ. ບັນດາຄວາມມານະພະຍາຍາມທາງການທູດ ພວມໄດ້ຜັນຂະຫຍາຍເພື່ອແນໃສ່ຮຽກຮ້ອງບັນດາຝ່າຍທີ່ກ່ຽວຂ້ອງຈົ່ງລະງັບໃຈ, ສ້າງກາລະໂອກາດແກ່ການເຈລະຈາເພື່ອສ້າງສະຖຽນລະພາບໃຫ້ແກ່ພາກພື້ນ.

(VOVWORLD) - ການຢ້ຽມຢາມສະແດງໃຫ້ເຫັນຢ່າງຈະແຈ້ງຄຳໝັ້ນສັນຍາ, ຄວາມມຸ່ງມາດປາດຖະໜາຂອງ ຫວຽດນາມ ໃນເລື່ອງເພີ່ມທະວີການພົວພັນຫຼາຍດ້ານກັບ 3 ປະເທດ, ຫັນນະໂຍບາຍການຕ່າງປະເທດຂອງ ຫວຽດນາມ ປະກົດຜົນເປັນຈິງ

(VOVWORLD) - ຍ້ອນສະພາບພູມສາດການເມືອງທົ່ວໂລກມີຫຼາຍການຜັນແປທີ່ສັບສົນ, ຍາກທີ່ຈະຄາດຄະເນລ່ວງໜ້າໄດ້ນັ້ນ, ທ່າຟື້ນຟູ ແລະ ການເຕີບໂຕເສດຖະກິດໂລກປະເຊີນໜ້າກັບຫຼາຍຄວາມສ່ຽງ ແລະ ສິ່ງທ້າທາຍທີ່ຮ້າຍແຮງ, ເຮັດໃຫ້ຄວາມສ່ຽງຊຸດໂຊມເພີ່ມຂຶ້ນ. ເພື່ອຮັບມື, ບັນດາພື້ນຖານເສດຖະກິດໃຫຍ່ ແລະ ພິເສດແມ່ນບັນດາອົງການການເງິນ - ເສດຖະກິດທົ່ວໂລກ, ເຊິ່ງນຳໜ້າແມ່ນທະນາຄານໂລກ (WB) ແລະ ກອງທຶນເງິນຕາສາກົນ (IMF), ພວມມານະພະຍາຍາມຊອກຫາມາດຕະການທີ່ເໝາະສົມ.

(VOVWORLD) -ຢູ່ ຫວຽດນາມ, ແຕ່ດົນນານມາແລ້ວ ພັກກອມມູນິດ ຫວຽດນາມ ແລະ ປະທານ ໂຮ່ຈີມິນ ໄດ້ມີຄວາມເອົາໃຈໃສ່ເຖິງເສດຖະກິດລວມໝູ່, ພັດທະນາສະຫະກອນ. ວັນທີ 11 ເມສາປີ 1946, ໃນຄວາມຫຍຸ້ງຍາກຂອງຊຸມວັນຕົ້ນແຫ່ງການສະຖາປະນາປະເທດຊາດ, ທ່ານປະທານ ໂຮ່ຈີມິນ ໄດ້ຂຽນຈົດໝາຍໂດຍຮຽກຮ້ອງຜູ້ມີດິນມີນາ, ຊາວກະສິກອນ ຫວຽດນາມ ເຂົ້າຮ່ວມສະຫະກອນກະສິກຳ. ເພີ່ນໄດ້ເນັ້ນຫນັກຢ່າງແຮງວ່າ: “ຊາວກະສິກອນ ຢາກສ້າງຄວາມຮັ່ງມີ, ກະສິກຳຢາກວັດທະນາຖາວອນ ຈຳເປັນຕ້ອງມີສະຫະກອນ”; “ສະຫະກອນ ແມ່ນການເຕົ້າໂຮມທຶນຮອນ, ສຸມກຳລັງເຫື່ອແຮງນຳກັນ. ມີທຶນຫລາຍ, ມີກຳລັງແຮງ, ຄວາມຫຍຸ້ງຍາກແມ່ນຫນ້ອຍລົງ ແຕ່ຜົນປະໂຫຍດມີຫລາຍ”. ຄວາມຈິງ ໃນ 77ປີຜ່ານມາໄດ້ຊີ້ໃຫ້ເຫັນວ່າ: ເສດຖະກິດລວມໝູ່ ຍາມໃດກໍ່ແມ່ນພາກສ່ວນເສດຖະກິດສຳຄັນ, ຕ້ອງໄດ້ຮັບການປັບປຸງ ແລະ ພັດທະນາພ້ອມກັບເສດຖະກິດແຫ່ງລັດ ໃຫ້ກາຍເປັນພື້ນຖານເສດຖະກິດແຫ່ງຊາດຢ່າງໝັ້ນຄົງຫນັກແຫນ້ນ.

(VOVWORLD) - ວັນທີ 12 ເມສາ ແມ່ນຄົບຮອບ 50 ປີແຫ່ງວັນ ຫວຽດນາມ ແລະ ຝລັ່ງສ້າງຕັ້ງການພົວພັນທາງການທູດ (12 ເມສາ 1973 – 12 ເມສາ 2023). ໃນໄລຍະ 50 ປີຜ່ານມາ, ຜ່ານຜ່າທຸກການຜັນແປໃນປະຫວັດສາດ, ການພົວພັນມິດຕະພາບ, ການຮ່ວມມືອັນດີງາມລະຫວ່າງ ຫວຽດນາມ - ຝລັ່ງນັບມື້ນັບແໜ້ນແຟ້ນ, ເຂົ້າສູ່ລວງເລິກ, ການຮ່ວມມືຮອບດ້ານ, ອຸດົມສົມບູນ, ມີປະສິດທິຜົນໃນທຸກຂົງເຂດ. ສອງປະເທດໄດ້ສ້າງຕັ້ງການພົວພັນຄູ່ຮ່ວມມືຍຸດທະສາດນັບແຕ່ປີ 2013. ນີ້ແມ່ນໂອກາດເພື່ອໃຫ້ສອງປະເທດຫວນຄືນໄລຍະທາງຜ່ານມາ, ກຳນົດທິດເພື່ອເຮັດໃຫ້ການພົວພັນຄູ່ຮ່ວມມືຍຸດທະສາດ ຫວຽດນາມ - ຝລັ່ງເລິກເຊິ່ງກ່ວາອີກໃນໄລຍະໃໝ່. TRANSLATE with x English Arabic Hebrew Polish Bulgarian Hindi

(VOVWORLD) - ໃນຊຸມວັນຜ່ານມາ, ການໃຊ້ຄວາມຮຸນແຮງທີ່ນອງເລືອດ ສືບຕໍ່ເກີດຂຶ້ນ ລະຫວ່າງກອງທັບ ອິດສະຣາແອັນ ແລະ ຊາວ ປາແລັດສະຕິນ ຢູ່ເຂດ Gaza ແລະ ເຂດຝັ່ງຕາເວັນຕົກແມ່ນ້ຳຈໍແດນ, ພ້ອມທັງຂະຫຍາຍໄປຍັງເຂດດິນແດນ Lebanon ພ້ອມກັບເຂດພູພຽງ Golan ເຊິ່ງ ອິດສະຣາແອັນ ແລະ ຊີຣີ ພວມຂັດແຍ້ງກັນ. ຄວາມສ່ຽງການໃຊ້ຄວາມຮຸນແຮງຮອບໃໝ່ອາດຈະເກີດຂຶ້ນຢູ່ພາກພື້ນຕາເວັນອອກກາງ ແລະ ກໍ່ຜົນຕາມມາຫຼາຍຢ່າງ ທີ່ຍາກຈະຄາດຄະເນລ່ວງໜ້າໄດ້ນັ້ນ ຍິ່ງບັງຄັບໃຫ້ປະຊາຄົມສາກົນ ຕ້ອງເພີ່ມທະວີຄວາມມານະພະຍາຍາມເພື່ອຫຼຸດຜ່ອນຄວາມເຄັ່ງຕຶງ ແລະ ຄວບຄຸມສະພາບການ.