(VOVWORLD) - ໂດຍປະຕິບັດມະຕິສະບັບເລກທີ 57 ຂອງກົມການເມືອງກ່ຽວກັບການພັດທະນາວິທະຍາສາດ, ເຕັກໂນໂລຢີ, ນະວັດຕະກຳ ແລະ ການຫັນເປັນດີຈີຕອນແຫ່ງຊາດຢ່າງບຸກທະລຸ ແຕ່ເດືອນ ເມສາ 2025, ປ້ອມປ້ອງກັນຊາຍແດນ ບັກຊາ, ແຂວງ ລ້າງເຊີນ ໄດ້ປະດິດຄິດສ້າງຜັນຂະຫຍາຍຮູບແບບ “ຂໍ້ມູນຂ່າວສານຊາຍແດນດີຈີຕອນ”. ຜ່ານການຜັນຂະຫຍາຍມາເຄິ່ງປີ, ຮູບແບບນີ້ໄດ້ພິສູດໃຫ້ເຫັນວ່າ ນີ້ບໍ່ພຽງແຕ່ແມ່ນມາດຕະການເຕັກໂນໂລຢີເທົ່ານັ້ນ ຫາກຍັງສະແດງໃຫ້ເຫັນຄວາມເປັນເຈົ້າການຂອງກຳລັງປ້ອງກັນຊາຍແດນໃນວຽກງານໂຄສະນາເຜີຍແຜ່ສຶກສາອົບຮົມກ່ຽວກັບກົດໝາຍໃຫ້ແກ່ປະຊາຊົນ, ສ້າງເຂດຊາຍແດນສະຫງົບປອດໄພ.

(VOVWORLD) - ຢູ່ເຂດຊາຍແດນຂອງແຂວງລາຍເຈົາ, ນັກຮົບທະຫານບໍ່ພຽງແຕ່ປົກປັກຮັກສາຜືນແຜ່ນດິນອັນສັກກະລະບູຊາຂອງປະເທດຊາດທັງເວັນ ແລະ ຄືນເທົ່ານັ້ນ, ເຂົາເຈົ້າຍັງພວມມານະພະຍາຍາມໄປຫາເຮືອນແຕ່ລະຫຼັງ, ນຳພູມປັນຍາເຕັກໂນໂລຢີກັບເມືອບ້ານ. ຍ້ອນການໝູນໃຊ້ເຕັກໂນໂລຢີຂໍ້ມູນຂ່າວສານ, ປະຊາຊົນໄດ້ຮ່ວມເດີນທາງພ້ອມກັບທະຫານປ້ອງກັນຊາຍແດນໃນວຽກງານສະກັດກັ້ນ, , ເຜີຍແບ, ຕໍ່ສູ້ກັບພວກອາດຊະຍາກອນ.

(VOVWORLD) -ໃນສະພາບການປະຕິວັດອຸດສາຫະກຳຄັ້ງທີ 4 ແລະ ວິວັດການຫັນເປັນດີຈີຕອນພວມດຳເນີນໄປຢ່າງແຮງ, ການພັດທະນາແຫຼ່ງຊັບພະຍາກອນມະນຸດດີຈີຕອນທີ່ມີຄຸນນະພາບສູງກາຍເປັນຄຳຮຽກຮ້ອງຕ້ອງການທີ່ຈຳເປັນຂອງບັນດາທ້ອງຖິ່ນ. ດ້ວຍກຳລັງບົ່ມຊ້ອນຢ່າງໃຫຍ່ຫຼວງກ່ຽວກັບອຸດສາຫະກຳເຕັກໂນໂລຢີສູງ ແລະ ທີ່ຕັ້ງບົດບາດແມ່ນໜຶ່ງໃນບັນດາສູນບຳລຸງສ້າງແຫຼ່ງຊັບພະຍາກອນມະນຸດໃຫຍ່ທີ່ສຸດໃນທົ່ວປະເທດ, ຖາຍງວຽນ ພວມນຳໜ້າໃນການສ້າງແຫຼ່ງຊັບພະຍາກອນມະນຸດດີຈີຕອນຮັບໃຊ້ໃນຂົງເຂດເຄິ່ງຊັກນຳໄຟຟ້າ ແລະ ປັນຍາປະດິດ (AI), ຜ່ານນັ້ນ, ກໍປະກອບສ່ວນນຳ ຫວຽດນາມ ຫຍັບເຂົ້າລະບົບມູນຄ່າທົ່ວໂລກຂອງຂະແໜງເຕັກໂນໂລຢີສູງຢ່າງເລິກເຊິ່ງກວ່າ.

(VOVWORLD) - ໃນບັນດາເສັ້ນທາງດິນແດງໄປຍັງຕາແສງຕ່າງໆຢູ່ເຂດຊາຍແດນຢູ່ແຂວງ ດົ່ງນາຍ ມີເຮືອນໃໝ່ບາງຫຼັງທີ່ໃຫຍ່ໂຕສວຍງາມ. ຮູບເງົາຂອງບັນດາທະຫານປ້ອງກັນຊາຍແດນພ້ອມກັບພໍ່ແມ່ປະຊາຊົນອອກແຮງງານທຳການຜະລິດ ແມ່ນຫຼັກຖານທີ່ມີຊີວິດຊີວາໃຫ້ແກ່ “ທ່າສະໜາມຈິດໃຈປະຊາຊົນ” ຢູ່ເຂດຊາຍແດນ ທາງທິດຕາເວັນອອກພາກໃຕ້ຫວຽດນາມພວມໄດ້ຮັບການເພີ່ມພູນຄູນສ້າງນັບມື້ນັບໝັ້ນແກ່ນກວ່າເກົ່າ.

(VOVWORLD) - ບໍລິສັດໃຫຍ່ອຸດສາຫະກຳ ເຕັກໂນໂລຢີສູງ Viettel (VHT) ຂຶ້ນກັບກຸ່ມບໍລິສັດອຸດສາຫະກຳໂທລະຄົມມະນາຄົມ ກອງທັບ (Viettel) ຫາກໍ່ນຳລະບົບຄຸ້ມຄອງເຂດນ່ານຟ້າ - ລະບົບຫັນການບັນຊາການເປັນອັດຕະໂນມັດ ທີ່ມີຊື່ວ່າ VQ-2M ເຂົ້າເຝິກຊ້ອມທົດລອງຢ່າງເປັນທາງການ. ການກຳເນີດຂອງລະບົບໄດ້ສ້າງຂີດໝາຍບາດກ້າວພັດທະນາໃໝ່ຂອງເຕັກໂນໂລຢີປ້ອງກັນຊາດ, ຢັ້ງຢືນກຳລັງຄວາມສາມາດໃນການເປັນເຈົ້າວິທະຍາສາດ - ເຕັກໂນໂລຢີຂອງປະເທດຊາດໃນການປົກປັກຮັກສາອະທິປະໄຕເຂດນ່ານຟ້າ.

(VOVWORLD) - ເກືອບ 10 ປີຜ່ານມາ, ໂຄງການ “ຊ່ວຍເຫຼືອນ້ອງໄປໂຮງຮຽນ” ໂດຍທະຫານປ້ອງກັນຊາຍແດນແຂວງ ຢາລາຍ ປະຕິບັດໄດ້ກາຍເປັນບ່ອນເພີ່ງພາອັນໝັ້ນແກ່ນໃຫ້ແກ່ນັກຮຽນທຸກຍາກ, ລູກກຳພ້າ, ຜູ້ປະສົບກັບຄວາມຫຍຸ້ງຍາກ ມີໂອກາດສືບຕໍ່ໄດ້ໄປໂຮງຮຽນ. ບໍ່ພຽງແຕ່ແມ່ນກິດຈະກຳແຫ່ງຄວາມເມດຕາເທົ່ານັ້ນ, ໂຄງການດັ່ງກ່າວຍັງສ້າງສັນຍາລັກອັນດີງາມແຫ່ງນ້ຳໃຈຄວາມຮັກແພງລະຫວ່າງກອງທັບ - ປະຊາຊົນ, ຄວາມຮັບຜິດຊອບທີ່ມີຕໍ່ສັງຄົມ ແລະ ຄວາມເອກອ້າງທະນົງໃຈຕໍ່ອະນາຄົດຢູ່ເຂດຊາຍແດນທີ່ຍັງປະສົບກັບຄວາມຫຍຸ້ງຍາກຫຼາຍຢ່າງ.

(VOVWORLD) - ສະມາຄົມຊອບແວ ແລະ ການບໍລິການເຕັກໂນໂລຢີຂໍ້ມູນຂ່າວສານ ຫວຽດນາມ (VINASA) ຫາກໍ່ເປີດຕົວແຜນທີ່ວິສາຫະກິດເຕັກໂນໂລຢີດີຈີຕອນ ຫວຽດນາມ (VINASA Tech Map). ນີ້ເປັນຄັ້ງທຳອິດທີ່ ຫວຽດນາມ ມີແຜນທີ່ວິສາຫະກິດເຕັກໂນໂລຢີດີຈີຕອນ, ຊ່ວຍໃຫ້ວິສາຫະກິດກຳນົດທີ່ຕັ້ງໃນຂົງເຂດການເຄື່ອນໄຫວ, ວາງອອກຍຸດທະສາດ, ແຜນການ ແລະ ການກຳນົດທິດການພັດທະນາ.

(VOVWORLD) - ໂດຍຖືໃນໂຕຊຸດເຄື່ອງແບບສີຂຽວ, ບັນດານັກຮົບຍິງກອງທັບປະຊາຊົນ ຫວຽດນາມ ບໍ່ພຽງແຕ່ສະແດງໃຫ້ເຫັນຄວາມອ່ອນໂຍນຂອງແມ່ຍິງ ຫວຽດນາມ ເທົ່ານັ້ນ ຫາກຍັງສະແດງເຈດຈຳນົງ, ມະນາຈິດ ແລະ ການອຸທິດສ່ວນຢ່າງໝັ້ນແກ່ນໃຫ້ແກ່ພາລະກິດສ້າງສາ ແລະ ປົກປັກຮັກສາປະເທດຊາດໃນຂົງເຂດປ້ອງກັນຊາດ. ໃນຈຳນວນນັ້ນ, ທ່ານພັນໂທ ນາງ ເລທິຮັ່ງ, ຜູ້ອຳນວຍການສູນ C4, ສະຖາບັນການບິນອາວະກາດ Viettel, ກຸ່ມບໍລິສັດອຸດສາຫະກຳ - ໂທລະຄົມມະນາຄົມກອງທັບ ແລະ ທ່ານພັນຕີ ນາງ ຫວູເຍີດເຮືອງ, ຜູ້ຊ່ວຍວຽກຫ້ອງຮ່ວມມືສາກົນ, ກົມຮັກສາສັນຕິພາບ ຫວຽດນາມ, ແມ່ນ 2 ແບບຢ່າງດີເດັ່ນດ້ວຍບັນດາການປະກອບສ່ວນທີ່ດີເລີດ. ເຂົາເຈົ້າໄດ້ສະແດງໃຫ້ເຫັນວ່າ ໃນກອງທັບ, ແມ່ຍິງບໍ່ພຽງແຕ່ຢູ່ແນວຫຼັງ, ຫາກຍັງເປັນກຳລັງນຳໜ້າຢູ່ແນວໜ້າອີກດ້ວຍ.

(VOVWORLD) - ດ້ວຍບັນດາມາດຕະການຈາກນະໂຍບາຍຮອດຕົວຈິງ, ແຂວງ ກວ໋າງນິງ ພວມມີບັນດາບາດກ້າວລະອຽດໃນການຫັນຍຸດທະສາດພັດທະນາລະບົບນິເວດແຫ່ງນະວັດຕະກຳເປັນລະອຽດ, ການ Startup ນະວັດຕະກຳໃນບໍລິເວນ, ປະກອບສ່ວນປະຕິບັດສຳເລັດມະຕິເລກທີ 57 ຂອງກົມການເມືອງ ກ່ຽວກັບການພັດທະນາວິທະຍາສາດ, ເຕັກໂນໂລຢີ, ນະວັດຕະກຳ ແລະ ການຫັນເປັນດີຈີຕອນແຫ່ງຊາດ.

(VOVWORLD) - ບັນຍາກາດທີ່ຟົດຟື້ນ, ຄຶກຄື້ນ ເມື່ອປະຊາຊົນນະຄອນຫຼວງພາກັນຕ້ອນຮັບຄະນະທະຫານທີ່ໄດ້ຮັບໄຊຊະນະກັບຄືນມາ ໃນວັນປົດປ່ອຍນະຄອນຫຼວງ 71 ປີກ່ອນນີ້ ໄດ້ຮັບການວາດພາບຄືນຢ່າງມີຊີວິດຊີວາໃນງານວາງສະແດງ “ເພງສະຫຼອງໄຊດັງກ້ອງກັນວານຕະຫຼອດການ” ຢູ່ເຂດເຂດຮ່ອງຮອຍສະຖານຄຸກ ຫວາຫຼໍ່, ຮ່າໂນ້ຍ. ເມື່ອກ້າວເຂົ້າເຂດວາງສະແດງດັ່ງກ່າວ, ຜູ້ຊົມຈະໄດ້ຫວນຄືນອະດີດຕະການທີ່ສະຫງ່າອົງອາດ, ຕື້ນຕັນໃຈ, ເມື່ອຄະນະທະຫານບຸກເຂົ້າ ຮ່າໂນ້ຍ ປົກຄອງນະຄອນຫຼວງ.