(VOVWORLD) -ບັນດາກິດຈະກຳຈຸດສຸມລະດັບຊາດ ຈາກບັນດາເສັ້ນທາງບົກຄວາມໄວສູງ ເຊື່ອມຕໍ່ລະຫວ່າງສອງພາກເໜືອໃຕ້, ບັນດາກິດຈະກຳໄຟຟ້າ, ທ່າກຳປັ່ນທັນສະໄໝຕະຫຼອດຮອດໂຄງລ່າງໂທລະຄົມ 5G, ໂຄງການຄົມມະນາຄົມຕົວເມືອງ… ພວມຕໍ່ກັນສ້າງສຳເລັດ. ນີ້ບໍ່ພຽງແຕ່ແມ່ນບັນດາກິດຈະກຳກໍ່ສ້າງດ້ວຍເບຕົງ, ເຫຼັກກ້າ ແລະ ເຄື່ອງຈັກເທົ່ານັ້ນຫາກຍັງແມ່ນສັນຍາລັກເຈດຈຳນົງບືນຕົວຂຶ້ນ, ເພິ່ງຕົນເອງສ້າງຄວາມເຂັ້ມແຂງດ້ວຍຕົນເອງ ແມ່ນກຳລັງໜູນນຳປະເທດຊາດກ້າວຂຶ້ນໄວ ແລະ ແຂງແຮງບົນເສັ້ນທາງເຊື່ອມໂຍງ ແລະ ພັດທະນາ.

(VOVWORLD) - ການຮ່ວມມືສາກົນ ແລະ ການພົວພັນຕ່າງປະເທດດ້ານປ້ອງກັນຊາດ ໃນຂົງເຂດແກ້ໄຂຜົນຮ້າຍຈາກສົງຄາມໄດ້ນຳມາເຊິ່ງໝາກຜົນທີ່ຕັ້ງໜ້າໃນໄລຍະຜ່ານມາ. ນີ້ທັງແມ່ນພື້ນຖານເພື່ອຜ່ານຜ່າຄວາມເຈັບປວດຂອງສົງຄາມ, ທັງແມ່ນບັນດາການກະທຳລະອຽດ ຊ່ວຍສ້າງຄວາມໄວ້ເນື້ອເຊື່ອໃຈ, ສ້າງພື້ນຖານຢ່າງໝັ້ນແກ່ນໃຫ້ແກ່ສັນຕິພາບ ແລະ ການພັດທະນາແບບຍືນຍົງຂອງປະເທດຊາດ.

(VOVWORLD) - ການປະຕິວັດເດືອນສິງຫາ 1945 ຍາດໄດ້ໄຊຊະນະ, ປະເທດສາທາລະນະລັດປະຊາທິປະໄຕ ຫວຽດນາມ ທີ່ໜຸ່ມແໜ້ນຫາກໍ່ໄດ້ຮັບການສະຖາປະນານັ້ນ ກໍຕ້ອງກ້າວເຂົ້າສູ່ການຕໍ່ຕ້ານຝລັ່ງ ຕະຫຼອດໄລຍະ 9 ປີ ແຕ່ປີ 1946 – 1954. ເວລານັ້ນ, ວິທະຍຸກະຈາຍສຽງ ຫວຽດນາມ (VOV) ກໍ່ຫາກໍ່ໄດ້ຮັບການສ້າງຕັ້ງຂຶ້ນ, ເຖິງວ່າຍັງເປັນປະຖົມປະຖານ, ຂາດເຂີນຫຼາຍຢ່າງ, ແຕ່ບັນດາພະນັກງານ, ນັກຂ່າວ, ໂຄສົກ, ນັກເຕັກນິກ ກໍສຸດຈິດສຸດໃຈຮັກສາ ແລະ ປົກປ້ອງຄື້ນກະຈາຍສຽງ, ເພື່ອໃຫ້ສຽງເວົ້າຂອງພັກ ແລະ ປະທານ ໂຮ່ຈີມິນ, ຂອງການຕໍ່ຕ້ານໄດ້ຮັບການສົ່ງໄປທົ່ວ, ປັບປຸງນ້ຳໃຈຂອງທະຫານ ແລະ ປະຊາຊົນ, ຕັດສິນໃຈຍາດເອົາເອກະລາດ, ເສລີພາບມາໃຫ້ຊາດ ຫວຽດນາມ.

(VOVWORLD) - ໃນໂອກາດທ້າຍອາທິດ, ຮ້ານກາເຟຢູ່ຖະໜົນ ຫງວຽນຊີ, ເມືອງ ບິ່ງແທັກ, ນະຄອນ ໂຮ່ຈິມິນ ພັດມີຄວາມຄຶກຄື້ນມ່ວນຊື່ນ. ສະຖານທີ່ແຫ່ງນີ້ບໍ່ພຽງແຕ່ແມ່ນບ່ອນພັກຜ່ອນຢ່ອນອາລົມເທົ່ານັ້ນ ຫາກຍັງກາຍເປັນ ຫ້ອງຮຽນກ່ຽວກັບພົນລະເມືອງດີຈີຕອນ ຊ່ວຍປະຊາຊົນເຂົ້າເຖິງການຫັນເປັນດີຈີຕອນໂດຍໄວ, ສະດວກຈາກ ສມາດໂຟນ, ແອັບ ບັດປະຈຳຕົວດີຈີຕອນ (VneID), ຕະຫຼອດຮອດການບໍລິການສາທາລະນະແບບທາງໄກອີກດ້ວຍ.

(VOVWORLD) - ກ່ອນນີ້ 80 ປີ, ວັນທີ 2 ກັນຍາ 1945, ປະເທດ ສາທາລະນະລັດປະຊາທິປະໄຕຫວຽດນາມ ໄດ້ຮັບຮັບສ້າງຕັ້ງເຊິ່ງໄດ້ນຳຊີວິດທີ່ສົດໃສກວ່າມາໃຫ້ປະຊາຊົນ ຫວຽດນາມ. ວັນທີ 7 ກັນຍາ 1945, ຈາກຫ້ອງນ້ອຍໆຢູ່ເຮືອນເລກທີ 128C ຖະໜົນ ດ້າຍລາ, ຮ່າໂນ້ຍ, ລາຍການທຳອິດຂອງວິທະຍຸກະຈາຍສຽງ ຫວຽດນາມ ໄດ້ຮັບການອອກອາກາດແມ່ນ ບົດຖະແຫຼງປະກາດເອກະລາດອະມະຕະຂອງປະທານ ໂຮ່ຈີມິນ, ໂດຍເປັນການສ້າງຂີດໝາຍການສ້າງຕັ້ງວິທະຍຸກະຈາຍສຽງແຫ່ງຊາດທີ່ມີຊື່ວ່າ ວິທະຍຸກະຈາຍສຽງ ຫວຽດນາມ.

(VOVWORLD) - Blockchain ແມ່ນພື້ນຖານໂຄງລ່າງດີຈີຕອນຫຼັກແຫຼ່ງເຊິ່ງ ຫວຽດນາມ ກຳນົດແມ່ນເສົາຄ້ຳຍຸດທະສາດເພື່ອຊຸກຍູ້ພື້ນຖານເສດຖະກິດດີຈີຕອນ. ດ້ວຍລະບົບນິຕິກຳທີ່ນັບມື້ນັບສົມບູນແບບ ແລະ ລະບົບນິເວດພວມໄດ້ຮັບການກໍ່ສ້າງ, ຫວຽດນາມ ພວມຄ່ອຍໆຫັນເປັນປະເທດນຳໜ້າໃນພາກພື້ນກ່ຽວກັບ blockchain ໃນປີ 2030.

(VOVWORLD) - ສະຖານີສົ່ງສັນຍານຄື້ນ FM (ສະຖານີຖານ FM) ຂອງວິທະຍຸກະຈາຍສຽງ ຫວຽດນາມ ຢູ່ຍອດພູ ເຟຍ ອັກ, ຕາແສງ ແທ່ງກົງ, ແຂວງ ກາວບັ່ງ, ຫາກໍ່ໄດ້ຮັບການເປີດສະຫຼອງນຳເຂົ້າໃຊ້ງານ, ແມ່ນໜຶ່ງໃນສອງກິດຈະກຳຈຸດສຸມຂອງວິທະຍຸກະຈາຍສຽງ ຫວຽດນາມ ເພື່ອສະເຫຼີມສະຫຼອງ 80 ປີແຫ່ງວັນການປະຕິວັດເດືອນ ສິງຫາ (19/8/1945 - 19/8/2025), ວັນຊາດ ຫວຽດນາມ (2/9/1945 - 2/9/2025). ນີ້ແມ່ນສະຖານີສົ່ງສັນຍານຄື້ນທີ່ສຳຄັນຮັບໃຊ້ການພັດທະນາເສດຖະກິດ, ສັງຄົມເຂດຊາຍແດນທາງທິດຕາເວັນອອກສ່ຽງເໜືອ, ແມ່ນກິດຈະກຳທີ່ມີຄວາມໝາຍຍຸດທະສາດໃນການຮັບປະກັນການປົກຄຸມຄື້ນກະຈາຍສຽງບັນດາລາຍການກະຈາຍສຽງຂອງວິທະຍຸກະຈາຍສຽງ ຫວຽດນາມ ຢ່າງແຮງ, ລຽນຕິດ ແລະ ເປັນປົກກະຕິ.

(VOVWORLD) - ເມື່ອເຕືຶ້ອງເຖິງເຂດພິເສດເຈື່ອງຊາ, ພາບທີ່ປະກົດຂຶ້ນຢ່າງຈະແຈ້ງໃນຫົວຂອງພວກເຮົາອາດຈະແມ່ນ ບັນດານັກຮົບກອງທັບເຮືອ ພວມປົກປັກຮັກສາເຂດທະເລໝູ່ເກາະຢ່າງອົງອາດກ້າຫານ ຢູ່ບັນດາເກາະເຂດແນວໜ້າຂອງປະເທດຊາດ. ແລະເພື່ອເພີ່ມຄວາມໝັ້ນແກ່ນໃຫ້ແກ່ເຂດແນວໜ້າໃນການປົກປັກຮັກສາທະເລໝູ່ເກາະນັ້ນ, ບໍ່ອາດຂາດບັນດາຂົວເຊື່ອມຕໍ່ແຫ່ງຄວາມຮັກແພງ” ທີ່ເຊື່ອມຕໍ່ດິນຕໍ່ແຜ່ນກັບເຂດເກາະທີ່ຫ່າງໄກໄດ້. ນັ້ນແມ່ນບັນດາກຳປັ່ນຂອງກອງພົນນ້ອຍ 955, ທະຫານເຮືອເຂດ 4. ພົ້ນເດັ່ນຂຶ້ນໃນຈຳນວນນັ້ນແມ່ນກຳປັ່ນໂຮງໝໍ 561, ອາດເວົ້າໄດ້ວ່າ ນີ້ແມ່ນໂຮງໝໍເຄື່ອນທີ່ທີ່ມີພາລະກຳຄວບຄູ່, ທັງເບິ່ງແຍງດູແລສຸຂະພາບໃຫ້ແກ່ປະຊາຊົນ, ທະຫານ, ຊາວປະມົງຢູ່ເຂດທະເລ, ທັງນຳສົ່ງຄະນະມາຢ້ຽມຢາມໝູ່ເກາະເຈື່ອງຊາອັນສັກກະລະບູຊາ.

(VOVWORLD) - ຮ່າໂນ້ຍ ແມ່ນໜຶ່ງໃນບັນດາທ້ອງຖິ່ນນຳໜ້າໃນການຫັນເປັນດີຈີຕອນ, ປະຕິຮູບລະບຽບການບໍລິຫານ. ນະຄອນ ໄດ້ສ້າງຕັ້ງ ແລະ ນຳເຂົ້າເຄື່ອນໄຫວໜ່ວຍງານຫັນເປັນດີຈີຕອນຊຸມຊົນກ່ວາ 5.000 ແຫ່ງ, ດ້ວຍສະມາຊິກຂັ້ນຮາກຖານປະມານ 30.000 ຄົນ. ພິເສດ, ເມື່ອຮູບແບບອຳນາດການປົກຄອງສອງຂັ້ນໄດ້ຮັບການຜັນຂະຫຍາຍ, ວຽກງານຫັນເປັນດີຈີຕອນ ນັບມື້ນັບໄດ້ຮັບຄວາມສົນໃຈຈາກ ຮ່າໂນ້ຍ, ໃນນັ້ນມີ ບັ້ນ “45 ວັນ ແລະ ຄືນ ໜູນຊ່ວຍການເຄື່ອນໄຫວຫັນເປັນດີຈີຕອນຢູ່ບັນດາຕາແສງ ໃນໄລຍະຕົ້ນຂອງການເຄື່ອນໄຫວ”.

(VOVWORLD) - ບ້ານ ຮວ່າບິ່ງ (ສັນຕິພາບ) ຕັ້ງຢູ່ພາຍໃນບໍລິເວນໂຮງໝໍ ຕື່ຢູ (ນະຄອນ ໂຮ່ຈີມິນ), ໂດຍໄດ້ຮັບການສ້າງຕັ້ງຂຶ້ນແຕ່ປີ 1990. ນີ້ແມ່ນບ່ອນລ້ຽງດູ, ເບິ່ງແຍງໃຫ້ແກ່ເດັກພິການ ເຊິ່ງເປັນຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ ລຸ້ນທີ 2, ທີ 3. ສຳລັບພວກນ້ອງແລ້ວ, ນີ້ແມ່ນເຮືອນຫຼັງທີ 2, ບ່ອນທີ່ພວກນ້ອງໄດ້ຮັບຄວາມຮັກແພງ, ໄດ້ຮັບການບອກສອນ ແລະ ຄວາມຫວັງກ່ຽວກັບອະນາຄົດທີ່ສົດໃສກວ່າ.