(VOVWORLD) -ບຸນປີໃຫມ່ປີຈໍ 2018 ໄດ້ວຽນມາບັນຈົບອີກວາລະຫນຶ່ງ. ບັນຍາກາດຕ້ອນຮັບລະດູບານໃຫມ່ພວມດຳເນີນໄປຢ່າງຄຶກຄື້ນມ່ວນຊື່ນໃນທົ່ວປະເທດຫວຽດນາມ. ບໍ່ພຽງແຕ່ຊາວຫວຽດນາມ ເທົ່ານັ້ນ ຫາກຊາວຕ່າງປະເທດພວມເຮັດວຽກ, ຮ່ຳຮຽນ ຢູ່ ຫວຽດນາມ ກໍ່ໄດ້ເຈືອຈານເຂົ້າກັບບັນຍາກາດຟົດຟຶ້ນມ່ວນຊື່ນຂອງບຸນປີໃຫມ່ປະຈຳຊາດຫວຽດນາມອີກດ້ວຍ. ເຂົາເຈົ້າໄດ້ຢຸດເຊົາວຽກງານປະຈຳວັນໃນໄລຍະຊົ່ວຄາວ, ພ້ອມກັບປະຊາຊົນຫວຽດນາມ ພັກຜ່ອນຢ່ອນອາລົມໃນຊຸມມື້ພັກການ ເພື່ອຕ້ອນຮັບບຸນເຕັດກັບເພື່ອນມິດ ແລະ ຍາດຕິພີ່ນ້ອງທີ່ເຕັມໄປດ້ວຍຄວາມໝາຍ. ບົດຂຽນຂອງນັກຂ່າວ ເລເຟືອງ.

(VOVWORLD) -ບັນຍາກາດຕ້ອນຮັບບຸນເຕັດປີຈໍ ພວມປົກຄຸມໄປທົ່ວຖະໜົນຫົນທາງທຸກສາຍ ແລະ ໃນແຕ່ລະຄອບຄົວຊາວຫວຽດນາມ. ຢູ່ຫຼາຍທ້ອງຖິ່ນໃນທົ່ວປະເທດພວມຫ້າງຫາກະກຽມຕ້ອນຮັບບຸນປີໃໝ່ ດ້ວຍບັນດາການເຄື່ອນໄຫວທີ່ມີຄວາມໝາຍ, ມີຄວາມເບີກບ່ານມ່ວນຊື່ນ.

(VOVWORLD) - ປະຈຸບັນ, ຂະແໜງທ່ອງທ່ຽວນະຄອນໂຮ່ຈິມິນ ພຽງແຕ່ສຸມໃສ່ພັດທະນາບັນດາຜະລິດຕະພັນທ່ອງທ່ຽວໃນຕອນກາງເວັນ, ນັບແຕ່ 5 ໂມງເຊົ້າຮອດ 5 ໂມງແລງ ເທົ່ານັ້ນ. ສ່ວນໃນຊ່ວງເວລາແຕ່ 6 ໂມງແລງຮອດ 2 ໂມງເຊົ້າຂອງມື້ຕໍ່ມາ ຍັງບໍ່ທັນມີຜະລິດຕະພັນທ່ອງທ່ຽວເປັນຫຼາຍຮູບແບບເທື່ອ. ໃນຂະນະນັ້ນ, ຕາມການຕີລາຄາຂອງບັນດາບໍລິສັດທ່ອງທ່ຽວແລ້ວ, ຖ້າຫາກມີບັນດາຜະລິດຕະພັນທ່ອງທ່ຽວທີ່ດູດດື່ມໃນຈຸດເວລານີ້, ນັກທ່ອງທ່ຽວຈະໃຊ້ຈ່າຍເງິນຫຼາຍກວ່າ, ປະກອບສ່ວນຍົກສູງລາຍຮັບໃຫ້ແກ່ຂະແໜງທ່ອງທ່ຽວຂອງນະຄອນ.

(VOVWORLD) -ຫວ່າງແລ້ວນີ້, ຢູ່ມະຫາວິທະຍາໄລສັບພະວິຊາຮ່າໂນ້ຍ, ມີປະຊາຊົນນັບພັນຄົນໄດ້ເຂົ້າຮ່ວມເຊື່ອມຕົວເຂົ້າກັບບັນຍາການຟົດຟື້ນຂອງງານບຸນວັດທະນະທຳຍີ່ປຸ່ນ Oshougatsu. ງານບຸນ Oshougatsu ແມ່ນລາຍການປະຈຳປີ ເພື່ອແນໃສ່ໂຄສະນາບັນດາຈຸດວັດທະນະທຳທີ່ເປັນເອກະລັກສະເພາະຂອງປະເທດຍີ່ປຸ່ນ, ພ້ອມທັງປະກອບສ່ວນຍູ້ແຮງການພົວພັນສາມັກຄີ, ມິດຕະພາບ, ເພີ່ມທະວີຄວາມເຂົ້າອົກເຂົ້າໃຈລະຫວ່າງປະຊາຊົນຫວຽດນາມ - ຍີ່ປຸ່ນກວ່າອີກ.

(VOVWORLD) -ງານວາງສະແດງພາບແຕ້ມ ຮ່າງຈົ໋ງ ດ້ວຍຫົວຂໍ້ວ່າ “ບັນດາສິ່ງເກົ່າແກ່ ແລະ ໃໝ່ອ່ຽມ” ພວມດຳເນີນຢູ່ Gallery ອາຊີຕາເວັນອອກ ຕັ້ງຢູ່ເຮືອນເລກທີ 115, ຖະນົນຫງວຽນທ໋າຍຫອກ, ຮ່າໂນ້ຍ. ງານວາງສະແດງໄດ້ປະກອບສ່ວນໂຄສະນາບັນດາຄຸນຄ່າທີ່ເປັນເອກະລັກສະເພາະຂອງພາບແຕ້ມ ຮ່າງຈົ໋ງ ເຖິງມະຫາຊົນ ກໍຄືເຈາະຈີ້ມໃຫ້ເປີດກວ້າງບັນດາຄວາມສາມາດບົ່ມຊ້ອນໃນການນຳໃຊ້ຂອງພາບແຕ້ມພື້ນເມືອງເຂົ້າໃນການດຳລົງຊີວິດທັນສະໄໝ.

(VOVWORLD) - ໂດຍໄດ້ຮັບການຄັດເລືອກແມ່ນໜຶ່ງໃນບັນດາສະຖານທີ່ທ່ອງທ່ຽວທີ່ດູດດື່ມທີ່ສຸດຢູ່ອາຊີ, ປີ 2017, ນະຄອນດ່ານັ້ງ ໄດ້ຕ້ອນຮັບນັກທ່ອງທ່ຽວ 6,6 ລ້ານເທື່ອຄົນ, ເພີ່ມຂຶ້ນ 1 ລ້ານເທື່ອຄົນເມື່ອທຽບໃສ່ 2 – 3 ປີກ່ອນນີ້. ພິເສດແມ່ນພາຍຫຼັງ “ສັບປະດາຂັ້ນສູງ APEC 2017”, ໃນຊຸມມື້ທຳອິດຂອງເດືອນ ພະຈິກ 2017, ຂະແໜງທ່ອງທ່ຽວດ່ານັ້ງ ມີກາລະໂອກາດພັດທະນາໃໝ່ຫຼາຍຢ່າງ.

(VOVWORLD) -ເມື່ອເວົ້າເຖິງຊື່ Martin Rama, ຫົວໜ້າຄະນະນັກຊ່ຽວຊານດ້ານເສດຖະກິດຂອງທະນາຄານໂລກ ປະຈຳຫວຽດນາມ ໃນໄລຍະແຕ່ປີ 2002 – 2010, ບໍ່ມີຫຼາຍຄົນຮູ້ວ່າ ທ່ານຍັງແມ່ນນັກປະພັນຂອງບັນດາຫົວປື້ມທີ່ຂຽນກ່ຽວກັບຫວຽດນາມ, ກ່ຽວກັບບັນດາຈຸດວັດທະນະທຳທີ່ເປັນເອກະລັກສະເພາະຂອງນະຄອນຫຼວງຮ່າໂນ້ຍ. ມາດຳລົງຊີວິດຢູ່ຮ່າໂນ້ຍ ເປັນເວລາກວ່າ 20 ປີ, ທ່ານມີຄວາມຜູກມັດກັບດິນແດນແຫ່ງນີ້ ແລະ ໄດ້ສະຫງວນຄວາມຮັກຢ່າງສຸດເຊື້ງກ່ຽວກັບຮ່າໂນ້ຍ.

(VOVWORLD) -ນັກຮຽນຊັ້ນປະຖົມ ແລະ ມັດທະຍົມຕອນຕົ້ນ ຢູ່ນະຄອນຮ້າລອງ, ແຂວງກວາງນິງ ໄດ້ຮຽນກ່ຽວກັບບັນດາຄຸນຄ່າທິວທັດທຳມະຊາດ, ວັດທະນະທຳຂອງອ່າວຮ້າລອງ ຜ່ານການເຫັນຮູບພາບຢ່າງມີຊີວິດຊີວາ. ການເຄື່ອນໄຫວດັ່ງກ່າວແມ່ນເພື່ອແນໃສ່ຍົກສູງສະຕິຂອງນັກຮຽນໃນການປົກປັກຮັກສາສະພາບແວດລ້ອມມໍລະດົກ.

(VOVWORLD) - ຖະໜົມປື້ມຮ່າໂນ້ຍ ໄດ້ເລີ່ມເຄື່ອນໄຫວນັບແຕ່ວັນທີ 01 ພຶດສະພາ 2017 (ເຊິ່ງແມ່ນວັນກຳມະກອນສາກົນ) ໃນຖະໜົນ 19/12, ມີລວງຍາວພຽງ 200 ມ, ທີ່ໃຈກາງນະຄອນຮ່າໂນ້ຍ. ກ່ອນນີ້, ຖະໜົນສາຍນີ້ແມ່ນບ່ອນຈອດລົດໃຫຍ່, ແຕ່ເມື່ອຕົກລົງກໍ່ສ້າງຖະໜົນນີ້ໃຫ້ກາຍເປັນຖະໜົນປື້ມ, ມັນໄດ້ຮັບການປະດັບປະດາຢ່າງສວຍງາມທັນສະໄໝ, ດ້ວຍຕູຂາຍນ້ຳອັດຕະໂນມັດ, ບັນດາຕັ່ງນັ່ງດ້ວຍໄມ້, ບັນດາໂຖຕົ້ນໄມ້ປະດັບຊ່ວຍສ້າງບັນຍາກາດຂຽວ, ເຢັນ. ກໍ່ຍ້ອນແຕ່ລະເຂດໄດ້ຮັບການປະດັບປະດາຢ່າງສວຍງາມ, ສະນັ້ນໄດ້ດຶງດູດຫຼາຍຄົນມາຢ້ຽມຊົມ, ພິເສດແມ່ນລຸ້ນໜຸ່ມມາຖ່າຍຮູບເປັນທີ່ລະນຶກ.

(VOVWORLD) -ບໍ່ພຽງແຕ່ພັດທະນາເສດຖະກິດຄອບຄົວເທົ່ານັ້ນ, ຫາກຍັງຊ່ວຍໃຫ້ຊາວກະສິກອນຫຼາຍຄົນບືນຕົວຂຶ້ນສ້າງຄວາມຮັ່ງມີ, ນັ້ນແມ່ນສິ່ງທີ່ເປັນໜ້າເຄົາລົບນັບຖືສຳລັບລຸງ ເຈີນກົງເລນ, ອາຍຸ 75 ປີ, ປະຈຸບັນແມ່ນປະທານສະມາຄົມຊາວສວນ, ຕາແສງ ດ້າວແທ້ງ, ນະຄອນມີ້ທໍ, ແຂວງຕ່ຽນຢາງ. ລຸງ ເຈີນກົງເລນ ແມ່ນພະນັກງານຍາມໃດກໍ່ຕິດພັນກັບກະສິກຳ - ຊາວກະສິກອນ ແລະ ຊົນນະບົດ, ຖືຄວາມເບີກບານມ່ວນຊື່ນຂອງຊາວກະສິກອນແມ່ນຄວາມສຸກໃນຊີວິດຂອງຕົນ.