(VOVWORLD) - ຂະບວນການຊາວກະສິກອນ ແຂ່ງຂັນກັນທຳການຜະລິດ, ດຳເນີນທຸລະກິດເກັ່ງ, ສາມັກຄີກັນ ຊ່ວຍເຫຼືອເຊິ່ງກັນແລະກັນ ສ້າງຄວາມຮັ່ງມີ ແລະ ຫຼຸດຜ່ອນຄວາມທຸກຍາກແບບຍືນຍົງ ໂດຍສູນກາງສະມາຄົມຊາວກະສິກອນ ຫວຽດນາມ ປຸກລະດົມນັບແຕ່ປີ 1989. ມາຮອດປັດຈຸບັນ ພາຍຫຼັງການຜັນຂະຫຍາຍມາເປັນເວລາ 33 ປີ, ຂະບວນການໄດ້ພັດທະນາເປັນວົງກ້ວາງໃນທົ່ວປະເທດ, ກາຍເປັນຂະບວນການມະຫາຊົນຢ່າງເລິກເຊິ່ງກ້ວາງຂວາງຂອງຊົນຊັ້ນຊາວກະສິກອນ ຫວຽດນາມ ໃນຍຸກສະໄໝໃໝ່. ຂະບວນການມີກຳລັງແຜ່ຂະຫຍາຍຢ່າງແຮງ, ດຶງດູດການເຂົ້າຮ່ວມຂອງສະມາຊິກສະມາຄົມຊາວກະສິກອນນັບລ້ານຄົນ, ສ້າງຖັນແຖວບັນດາຊາວກະສິກອນມືອາຊີບ. ບັນດາຄອບຄົວຊາວກະສິກອນທຳການຜະລິດ, ດຳເນີນທຸລະກິດເກັ່ງແມ່ນແກ່ນສານຫຼັກແຫຼ່ງ, ນຳໜ້າໃນການຊຸກຍູ້ພັດທະນາກະສິກຳ, ຊົນນະບົດໃນປັດຈຸບັນ.

(VOVWORLD) -ໄລຍະຜ່ານມາ, ພະຍາດໂຄວິດ - 19 ກໍ່ຜົນສະທ້ອນເຖິງບັນດາຂົງເຂດເສດຖະກິດເກືອບທັງໝົດ, ໃນນັ້ນມີກະສິກຳ. ເຖິງຢ່າງໃດກໍ່ຕາມ, ຍັງມີບັນດາກາລະໂອກາດໃໝ່ໄດ້ສ້າງຂຶ້ນໃຫ້ແກ່ຊາວກະສິກອນ, ເປັນຕົ້ນແມ່ນຊາວກະສິກອນເຂດພູສູງ, ຊ່ວຍເຂົາເຈົ້າມີຄວາມຂະຫຍັນຂັນເຄື່ອນ ແລະເປັນເຈົ້າການກ່ວາອີກ, ໃນການຜະລິດ. ຢູ່ລາວກາຍ, ມີຫຼາຍຄອບຄົວເຂດຫ່າງໄກສອກຫຼີກໄດ້ສຳຜັດແລະໝູນໃຊ້ເຕັກໂນໂລຢີຂໍ້ມູນຂ່າວສານເຂົ້າໃນການຜະລິດ, ຈຳໜ່າຍຜະລິດຕະພັນກະເສດເທື່ອລະກ້າວ, ຄ່ອຍໆກາຍເປັນຊາວກະສິກອນດີຈີຕອນ.

(VOVWORLD) -ຕາແສງ N’Thol Ha, ເມືອງດຶກຈ້ອງ, ແຂວງເລີມດົ່ງ ມີ ປຊຊ 80% ແມ່ນຊາວເຜົ່າ K’ho. ໂດຍໄດ້ຕອບສະໜອງຂະບວນການຮ່ວມແຮງຮ່ວມໃຈກໍ່ສ້າງຊົນນະບົດໃໝ່, ກ້າປ່ຽນແປງສະຕິຄວາມຮັບຮູ້ໃນການປູກຝັງ, ພ້ອມດ້ວຍໄດ້ຮັບຄວາມເອົາໃຈໃສ່ຈາກພັກ ແລະ ລັດໃນທຸກດ້ານ, ຊີວິດການເປັນຢູ່ຂອງ ປຊຊ ຢູ່ທີ່ນີ້ໄດ້ ແລະ ພວມປ່ຽນແປງໃໝ່ຕາມແຕ່ລະມື້.

(VOVWORLD) -ອາຊີບຈັກສານຂອງຊາວເຜົ່າຂະແມ ມີມາແຕ່ດົນນານແລ້ວ. ໃນຊີວິດອອກແຮງງານທຳການຜະລິດ, ການດຳເນີນຊີວິດປະຈຳວັນ, ຊາວເຜົ່າຂະແມ ໄດ້ໃຊ້ເຄື່ອງຈັກສານຫຼາຍປະເພດຈາກອາຊີບຈັກສານພື້ນເມືອງຂອງຊາວເຜົ່າຕົນ.

(VOVWORLD) - ຍາມໃດຫວຽດນາມ ກໍ່ໄດ້ສະຫງວນຫຼາຍແຫຼ່ງກຳລັງ ດ້ວຍຫຼາຍໂຄງການ, ນະໂຍບາຍບຸລິມະສິດພິເສດ ເພື່ອໜູນຊ່ວຍການພັດທະນາເຂດຊາວຊົນເຜົ່າສ່ວນໜ້ອຍ. ເພື່ອຕອບສະໜອງຄວາມຮຽກຮ້ອງຕ້ອງການຕົວຈິງ, ສຸມໃສ່ແຫຼ່ງກຳລັງລົງທຶນໃຫ້ແກ່ຄົນທຸກຍາກ, ເຂດຊາວຊົນເຜົ່າສ່ວນໜ້ອຍ ແລະ ເຂດພູດອຍ, ແຂວງ ກວາງບິນ ຖືການຮັກສາສີສັນວັດທະນະທຳ, ຄວາມເປັນລະບຽບຮຽບຮ້ອຍ, ຄວາມໝັ້ນຄົງບັນດາຕາແສງເຂດຊາຍແດນ, ເຂດຊາວຊົນເຜົ່າສ່ວນໜ້ອຍ ແລະ ເຂດພູດອຍເປັນສຳຄັນ.

(VOVWORLD) - ນັບແຕ່ດົນນານມາແລ້ວ, ໝູ່ບ້ານອາຊີບເຮັດຫູຕຽວ ຢູ່ເມືອງກາຍຣັງ, ນະຄອນເກິນເທີ ໄດ້ກາຍເປັນຈຸດວັດທະນະທຳທີ່ເປັນເອກະລັກສະເພາະຢູ່ທີ່ນີ້. ກ່ອນນີ້, ຢູ່ສະຖານທີ່ແຫ່ງນີ້ມີຫຼາຍຄອບຄົວມີອາຊີບເຮັດຫູຕຽວ ແລະ ສ້າງເປັນໝູ່ບ້ານອາຊີບນີ້ ແຕ່ໃນປະຈຸບັນ, ມີຈຳນວນໜ້ອຍທີ່ໄດ້ຮັກສາອາຊີບທີ່ເປັນມູນເຊື້ອນີ້ໄວ້ ແຕ່ຍັງແມ່ນບັນດາໂຮງຈັກຜະລິດຫູຕຽວໃຫ່ຍຢູ່ເຂດທົ່ງພຽງແມ່ນ້ຳຂອງ ທາງພາກໃຕ້ຫວຽດນາມ.

(VOVWORLD) -ໃນລະດູການຜ່ານມາ, ໃນເນື້ອທີ່ປູກຕົ້ນລີ້ນຈີ່ 1.4 ເຮັກຕາ, ຄອບຄົວທ່ານຫງວຽນວັນຊູງ ໄດ້ຮັບກຳໄລກ່ວາ 200 ລ້ານດົ່ງ.

(VOVWORLD) - ບັນດາເຂດປູກຖົ່ວລຽນຂອງແຂວງ ດັກລັກ ກະກຽມລະດູການເກັບກ່ຽວຕົ້ນຕໍ, ກົງກັບຈຸດເວລາທີ່ອະນຸສັນຍາວ່າດ້ວຍຂການກັກກັນພະຍາດໃຫ້ໝາກຖົ່ວລຽນເຂົ້າຕະຫຼາດຈີນ ໄດ້ຮັບການລົງນາມ, ຊື່ງໄດ້ເປີດທາງໃຫ້ແກ່ໝາກໄມ້ປະເພດນີ້ ໄດ້ສົ່ງອອກຕາມໂຄຕາ. ນີ້ຖືກຖືວ່າ ແມ່ນໂອກາດໃຫ້ບັນດາວິສາຫະກິດ ແລະ ຊາວກະສິກອນສົ່ງອອກໝາກໄມ້ປະເພດນີ້ຕາມໂຄຕາ ໄປຕະຫຼາດຈີນ.

(VOVWORLD) - ໃນຫຼາຍປີຜ່ານມາ, ຕົນກ້ວຍນ້ຳໄດ້ຕິດພັນກັບ ປຊຊ ຢູ່ເມືອງເມື່ອງລາ, ແຂວງເຊີນລາ ແລະ ນຳມາເຊິ່ງລາຍຮັບ, ຊ່ວຍ ປຊຊ ສ້າງຊີວິດການເປັນຢູ່ເປັນປົກກະຕິ. ດ້ວຍຄວາມຂະຫຍັນຂັນເຄື່ອນ, ປະດິດຄິດສ້າງຂອງ ປຊຊ, ໃນໄລຍະມໍ່ໆມານີ້, ກ້ວຍນ້ຳເມື່ອງລາ ໄດ້ສຳຜັດກັບບັນດາຕະຫຼາດໃໝ່ ແລະ ມີຜະລິດຕະພັນທີ່ປຸງແຕ່ງຈາກຕົ້ນກ້ວຍຕື່ມອີກ… ຊື່ງໄດ້ເປີດທິດເດີນໃໝ່ດ້ວຍສັນຍານທີ່ດີໃຫ້ແກ່ຊາວກະສິກອນ.

(VOVWORLD) -ໃນໄລຍະຜ່ານມາ, ພິເສດແມ່ນໃນເວລາທີ່ໂລກລະບາດໂຄວິດ 19 ພວມຜັນແປໄປຢ່າງສັບສົນ, ຜະລິດຕະພັນກະເສດຫຼາຍປະເພດຂອງທ້ອງຖິ່ນຕ່າງໆ ໄດ້ສົ່ງໄປຂາຍຢູ່ສູນຕິດຕໍ່ຄ້າຂາຍທາງເອເລັກໂຕນິກ , ຊື່ງໄດ້ດຶງດູດເອົາຜູ້ບໍລິໂພກຢູ່ທັງພາຍໃນ ແລະ ຕ່າງປະເທດເປັນຈຳນວນຫຼວງຫຼາຍ. ໝາກຜົນຕົວຈິງຂອງເລື່ອງຍູ້ແຮງຜະລິດຕະພັນກະເສດສົ່ງໄປຂາຍຢູ່ສູນຕິດຕໍ່ຄ້າຂາຍທາງເອເລັກໂຕນິກ ບໍ່ພຽງແຕ່ໄດ້ນຳມາເຊິ່ງລາຍຮັບ, ຜົນປະໂຫຍດດ້ານເສດຖະກິດອັນໃຫ່ຍຫຼວງໃຫ້ແກ່ຊາວກະສິກອນເທົ່ານັ້ນ, ຫາກຍັງໄດ້ພິສູດໃຫ້ເຫັນທິດເດີນທີ່ຖືກຕ້ອງ, ແນ່ນອນ ຂອງການແລກປ່ຽນຜະລິດຕະພັນກະເສດ ຢູ່ສູນຕິດຕໍ່ຄ້າຂາຍທາງເອເລັກໂຕນິກ ໃນສັງກາດດີຈີຕອນອີກດ້ວຍ.