(VOVWORLD) -ອາຊີບຕ່ຳຜ້າແຊງ ແມ່ນອາຊີບທີ່ເປັນມູນເຊື້ອມາແຕ່ດົນນານ, ແມ່ນຄວາມເອກອ້າງທະນົງໃຈຂອງຊາວຊົນເຜົ່າ ຕ່າໂອຍ, ຢູ່ເມືອງພູດອຍອາເລືອຍ ແຂວງເທື່ອທຽນເຫວ້. ຜະລິດຕະພັນ ຕ່ຳຜ້າແຊງ ແຕ່ລະຢ່າງ ມີຄຸນຄ່າໃນຫຼາຍດ້ານ, ທັງແມ່ນວັດຖຸຮັບໃຊ້ການດຳເນີນຊີວິດ ທັງແມ່ນຜະລິດຕະພັນສິລະປະ, ສະແດງໃຫ້ເຫັນຈຸດເອກະລັກພິເສດສະເພາະໃນສາງວັດທະນະທຳຂອງຊົນເຜົ່າ ຕ່າໂອຍ. ພ້ອມກັບການຫັນປ່ຽນຂອງວັນເວລາ ແລະ ສັງຄົມ, ປະຊາຊົນເຜົ່າ ຕ່າໂອຍ ຍັງຄົງຮັກສາອາຊີບ ຕ່ຳຜ້າແຊງ ໄວ້ໄດ້, ປະດິດຄິດສ້າງຢ່າງບໍ່ຢຸດຢັ້ງ ເພື່ອໂຄສະນາຢູ່ຕະຫຼາດພາຍໃນ ແລະ ຕ່າງປະເທດ.

(VOVWORLD) -ຢູ່ນະຄອນໂຮ່ຈີມິນ, ໃນຫຼາຍປີມານີ້, ບັນດາຜູ້ບໍລິໂພກ ອຸປະໂພກພາຍໃນ ແລະ ຕ່າງປະເທດ ກໍ່ລີ້ງເຄີຍກັບບັນດາຜະລິດຕະພັນຂອງໝູ່ບ້ານອາຊີບຄື: ແນມຈືນທູ໋ດຶກ, ໂຖປັກທູບທອງ ອານໂຮ້ຍ, ສາດ ບິນອານ…. ຜ່ານການນຳເອົາຜະລິດຕະພັນຂຶ້ນຂາຍທາງສື່ອອນລາຍນັ້ນ, ຫຼາຍໝູ່ບ້ານອາຊີບຢູ່ນະຄອນໂຮ່ຈີມິນ ບໍ່ພຽງແຕ່ດຳເນີນທຸລະກິດຢ່າງມີປະສິດທິຜົນເທົ່ານັ້ນ, ຫາກຍັງໄດ້ຢັ້ງຢືນຄຸນຄ່າຂອງເຄື່ອງໝາຍການຄ້າຂອງຕົນອີກດ້ວຍ.

(VOVWORLD) - ບັນດາຊາວກະສິກອນຕາແສງເຈື່ອງແທັງ, ເມືອງເທີຍລາຍ ນະຄອນເກິນເທີ ໄດ້ໝູນໃຊ້ວິທະຍາສາດເຕັກນິກຫຼາຍຢ່າງ ເພື່ອຍົກສູງສະມັດຕະພາບຜົນລະປູກ, ສັດລ້ຽງ ແລະ ຄຸນນະພາບຜະລິດຕະພັນກະເສດ, ສະບຽງອາຫານ ເພື່ອຕອບສະໜອງຄວາມຕ້ອງການຂອງທ້ອງຕະຫຼາດ. ບັນດາຊາວກະວິກອນເຫຼົ່ານີ້ກໍ່ ຕັ້ງໜ້າຮ່ຳຮຽນ, ແບ່ງປັນບົດຮຽນໃນການສ້າງຄວາມຮັ່ງມີໃຫ້ແກ່ກັນ. ນີ້ແມ່ນບັນດາທາດແທ້ຄຸນສົມບັດທີ່ດີຂອງຊາວກະສິກອນ ໃນໄລຍະເຊື່ອມຕົວເຂົ້າກັບສາກົນ.

(VOVWORLD) - ໂຄງການໜຶ່ງຕາແສງໜຶ່ງຜະລິດຕະພັນ (ຫຼືເອີ້ນວ່າໂຄງການ OCOP) ໂດຍລັດຖະບານເຊັນອະນຸມັດນັບແຕ່ເດືອນພຶດສະພາປີ 2018 ເພື່ອແນໃສ່ພັດທະນາເສດຖະກິດຊົນນະບົດ ແມ່ນໜຶ່ງໃນບັນດາມາດຕະການເພື່ອປະຕິບັດໂຄງການເປົ້າໝາຍແຫ່ງຊາດກ່ຽວກັບການກໍ່ສ້າງຊົນນະບົດໃໝ່. ນະຄອນຮ່າໂນ້ຍ ພວມຍູ້ແຮງໂຄງການ OCOP ໄລຍະ 2019 – 2020 ດ້ວຍງົບປະມານການໃຊ້ຈ່າຍທັງໝົດແມ່ນ 11 ລ້ານ USD ປະກອບສ່ວນຊຸກຍູ້ການກໍ່ສ້າງຊົນນະບົດໃໝ່ຢູ່ນະຄອນຫຼວງ.

(VOVWORLD) - ໃນວັນທີ 8 ເດືອນຈຽງ (ໄລ່ຕາມຈັນທະປະຕິທິນ) ຂອງແຕ່ລະປີ, ຊາວບ້ານທິເກິ໊ມ, ຕາແສງຊວັນເຟືອງ, ເມືອງຕືລຽມໃຕ້ ນະຄອນຮ່າໂນ້ຍ ໄດ້ພ້ອມກັນເຂົ້າຮ່ວມງານບຸນດຶງໄຟ, ແຂ່ງຂັນກັນຫຸງເຂົ້າ. ນີ້ແມ່ນຮີດຄອງປະເພນີທີ່ມີມາແຕ່ດົນນານໃນໂອກາດລະດູບານໃໝ່ວຽນມາ ເພື່ອພາວະນາຂໍໃຫ້ປະຊາຊົນທຸກຄົນ ມີປີໃໝ່ທີ່ອີ່ມໜຳສຳລານ, ມີຄວາມຜາສຸກ ແລະ ສະຫງົບສຸກ.

(VOVWORLD) -ໃນຊຸມວັນຕົ້ນລະດູບານໃໝ່, ຢູ່ບັນດາເຂດບ້ານນາຫວຽດນາມ, ໄດ້ຈັດຫຼາຍງານບຸນ, ໃນນັ້ນມີງານບຸນປູກຝັງທີ່ເປັນເອກະລັກສະເພາະຄື: ບຸນເຕັດປູກຕົ້ນໄມ້ ເພື່ອຮັກສາສະພາບແວດລອ້ມຊີວະພາບ, ງານບຸນລົງທົ່ງເພື່ອພາວະນາຂໍໃຫ້ລະດູການເກັບກ່ຽວ, ປູກຝັງໃຫ້ຂຽວສົດງົດງາມ ແລະ ໄດ້ຮັບຜົນດີ. ບັນດາງານບຸນດັ່ງກ່າວ ໄດ້ກາຍເປັນຈຸດວັດທະນະທຳທີ່ດີງາມຂອງຊາວຫວຽດນາມ, ຊື່ງໄດ້ຮັບການຮັກສາ, ເພີ່ມພູນຄູນສ້າງ ແລະ ເຫັນດີເຫັນພ້ອມຈາກປະຊາຊົນ.

(VOVWORLD) - ໃນຊຸມປີມໍ່ໆມານີ້, ຈາກການກຳນົດທິດຂອງແຂວງກອນຕູມ, ໂດຍໄດ້ຂຸດຄົ້ນຄວາມສາມາດບົ່ມຊ້ອນ, ທ່າແຮງຢູ່ທ້ອງຖິ່ນນັ້ນ, ຊາວຊົນເຜົ່າ ເຊີດັງ ຢູ່ເມືອງ Kon Plông, Tu Mơ Rông ແລະ Đăk Glei ໄດ້ປູກຕົ້ນຢາສະໝູນໄພປະເພດຕ່າງໆເປັນຈຳນວນຫຼວງຫຼາຍ ໄດ້ນຳມາຊື່ງປະສິດທິຜົນສູງທາງດ້ານເສດຖະກິດ ແລະ ປ່ຽນແປງຊີວິດການເປັນຢູ່ເທື່ອລະກ້າວ. ປີ 2019 ຜ່ານມາ, ຍ້ອນປູກໂສມປະເພດງໆ ເປັນຕົ້ນແມ່ນ ງອັກລິງ, ເດືອງກຸຍ,… ຊາວເຜົ່າ ເຊີດັງຫຼາຍຄົນ ຈຶ່ງໄດ້ກາຍເປັນເສດຖີ.

(VOVWORLD) -ໂດຍຕັ້ງຢູ່ຫ່າງຈາກນະຄອນ ນາມດິ້ງ ປະມານ 20 ກມ, ໝູ່ບ້ານຫຼໍ່ທອງ ຕົ໊ງຊ໊າ, ຕາແສງ ອຽນຊ໊າ, ເມືອງ ອີ໊ອຽນ ຖືວ່າ ແມ່ນໜຶ່ງໃນບັນດາໝູ່ບ້ານທີ່ມີອາຊີບຫຼໍ່ທອງທີ່ເປັນມູນເຊື້ອ ດ້ວຍປະຫວັດສາດແຫ່ງການພັດທະນາ ເປັນເວລາເກືອບ 900 ປີ. ໂດຍຜ່ານການເວລາ, ມາຮອດປະຈຸບັນ, ໝູ່ບ້ານອາຊີບແຫ່ງນີ້ຍັງຮັກສາໄດ້ອາຊີບທີ່ເປັນມູນເຊື້ອຂອງລຸ້ນກ່ອນປະໄວ້ໃຫ້ ແລະ ພ້ອມກັນນັ້ນກໍ່ເສີມຂະຫຍາຍ ແລະ ແຜ່ຂະຫຍາຍໃຫ້ນັບມື້ນັບກ້ວາງຂວາງ.

(VOVWORLD) - ພາຍຫຼັງຜັນຂະຫຍາຍໂຄງການເປົ້າໝາຍແຫ່ງຊາດກໍ່ສ້າງຊົນນະບົດໃໝ່ມາເປັນເວລາເກືອບ 10 ປີ, ໃນທົ່ວປະເທດຫວຽດນາມ, ທິວທັດທຳມະຊາດ, ສະພາບແວດລ້ອມ, ຊີວິດການເປັນຢູ່ດ້ານວັດຖຸ ແລະ ຈິດໃຈຂອງປະຊາຊົນເຂດຊົນນະບົດໄດ້ຍົກສູງຂຶ້ນເທື່ອລະກ້າວ. ບັນດາການຫັນປ່ຽນນີ້ແມ່ນກຳລັງໜູນເພື່ອໃຫ້ປະຊາຊົນສືບຕໍ່ຮ່ວມແຮງຮ່ວມໃຈສ້າງສາເຂດບ້ານນາຢ່າງມັ່ງຄັ່ງສົມບູນ ສີວິໄລ ແລະ ເປັນຕາໜ້າຢູ່ກ່ວາອີກ.

(VOVWORLD) -ໂດຍແມ່ນໜຶ່ງໃນຈຳນວນບ້ານທີ່ທຸກຍາກກ່ວາໝູ່ຢູ່ຕາແສງ Ea Kuêh, ເມືອງ Cư M’gar, ແຂວງ Đắk Lắk ນັ້ນ, ຊີວິດການເປັນຢູ່ຂອງປະຊາຊົນບ້ານເຊດັງ ພວມມີການປ່ຽນແປງໃນແຕ່ລະມື້ ຍ້ອນມີໄຟຟ້າໃຊ້. ຮົ້ວສວນ ແລະ ທົ່ງໄຮ່ແຕ່ລະແຫ່ງລ້ວນແລ້ວແຕ່ມີຄວາມຂຽວສົດງົດງາມກ່ວາ, ເມື່ອຮອດຕອນຄ່ຳ, ຢູ່ແຕ່ລະຄອບຄົວລ້ວນແຕ່ໄດ້ໄຕ້ໄຟໃຫ້ແຈ້ງສະຫວ່າງ ແລະ ມີຄວາມອົບອຸ່ນຂຶ້ນ; ເສດຖະກິດຂອງແຕ່ລະຄອບຄົວໃນບ້ານກໍ່ພວມມີທ່າພັດທະນາໃນແຕ່ລະມື້ເຊັ່ນດຽວກັນ.