(VOVWORLD) -ອາຍຸ 24 ປີ, ເຈິ່ນວັນບິ່ງ - ອ້າຍບ່າວຊົນເຜົ່າ ໄຕ ຜູ້ນີ້ ໄດ້ກາຍເປັນແບບຢ່າງແຫ່ງການຜ່ານຜ່າຄວາມຫຍຸ້ງຍາກ, ພັດທະນາເສດຖະກິດຂອງໄວໜຸ່ມ ແລະ ປະຊາຊົນຢູ່ຕາແສງ ເຢືອງຟອງ, ເມືອງ ແບັກທົງ, ແຂວງບັ໊ກກ້ານ, ດ້ວຍຮູບການເຮັດຟາມແບບຄອບຄົວ.

(VOVWORLD) - ໂດຍຫ່າງຈາກນະຄອນຫລວງ ຮ່າໂນ້ຍ ໄປທາງທິດຕາເວັນອອກສ່ຽງໃຕ້ ປະມານ 30 ກິໂລແມັດ, ໝູ່ບ້ານ ລົ້ງເທຶ້ອງ ຕາແສງ ດ້າຍດົ່ງ ເມືອງວັນເລິມ ແຂວງ ຮຶງອຽນ ໄດ້ຮູ້ຈັກເຖິງແມ່ນອາຊີບຫຼໍ່ທອງທີ່ເປັນມູນເຊື້ອ. ບັນດາຜະລິດຕະພັນຂອງໝູ່ບ້ານແມ່ນໄດ້ຫຼໍ່ ຢ່າງລະອຽດລະອໍ ແລະ ໄດ້ນຳໄປຂາຍຢູ່ຫລາຍແຂວງ ນະຄອນ ໃນທົ່ວປະເທດ.

(VOVWORLD) -ນອກຈາກທ່າແຮງຫາປາແລ້ວ, ແຂວງ ບ່າເຣ້ຍ- ຫວູງເຕົາ ແມ່ນຫນຶ່ງໃນບັນດາທ້ອງຖິ່ນຂອງຫວຽດນາມ ມີຫລາຍເງື່ອນໄຂສະດວກເພື່ອພັດທະນາອາຊີບລ້ຽງປູກສິນໃນນ້ຳ. ຊາວກະສິກອນໃນແຂວງໄດ້ນຳໃຊ້ຫລາຍຮູບແບບລ້ຽງປູກສິນໃນນ້ຳໝູນໃຊ້ເຕັກໂນໂລຊີສູງປະສົບຜົນສຳເລັດ ນຳມາເຊິ່ງປະສິດທິຜົນດ້ານເສດຖະກິດສູງ. ນີ້ກໍ່ແມ່ນການກຳນົດທິດພັດທະນາຂອງຂະແຫນງກະສິກຳແຂວງໃນໄລຍະຈະມາເຖິງ.

(VOVWORLD) -ໝູ່ບ້ານຜະລິດເຄື່ອງປັ້ນດິນເຜົາ ກວຽດແທ່ງ ຢູ່ ເທດສະບານ ເກ໊ ເມືອງ ກີມບ໋າງ ແຂວງ ຮ່ານາມ ແມ່ນໝູ່ບ້ານຫັດຖະກຳທີ່ເປັນມູນເຊື້ອ ມີປະຫວັດຄວາມເປັນມາປະມານ 500 ປີ. ນີ້ແມ່ນໝູ່ບ້ານຜະລິດເຄື່ອງປັ້ນດິນເຜົາແຫ່ງຫນຶ່ງດຽວ ຢູ່ ແຂວງ ຮ່ານາມ. ໝູ່ບ້ານຜະລິດເຄື່ອງປັ້ນດິນເຜົາ ກວຽດແທ່ງ (ຍັງເອີ້ນວ່າ ໝູ່ບ້ານດິນເຜົາເກ໊) ໄດ້ພັດທະນາຢ່າງແຮງນັບແຕ່ຊຸມປີ 60, ຄອບຄົວໃດກໍ່ຜະລິດເຄື່ອງປັ້ນດິນເຜົາ ສະນັ້ນ ຈຶ່ງມີເລື່ອງລາວເລົ່າກ່ຽວກັບພໍ່ຄ້າຊາວຂາຍຢູ່ແມ່ນ້ຳ ໄດ໊ ທີ່ມີຄວາມຫວັງຢາກໄປຜ່ານເຂດດິນແດນແຫ່ງນີ້ເພື່ອຊູບເອົາກິ່ນຫອມຂອງເຄື່ອງປັ້ນດິນເຜົາ.

(VOVWORLD) - ໃນຊຸມປີຜ່ານມາ, ຂະບວນການມອບດິນເພື່ອກໍ່ສ້າງເສັ້ນທາງຢູ່ທ້ອງຖິ່ນຫລາຍແຫ່ງໃນແຂວງ ລອງອານ ຂອງ ຫວຽດນາມ ຖືກດຳເນີນໄປຢ່າງເປັນຂະບວນຟົດຟື້ນ. ສະເພາະຢູ່ຕາແສງ ຫວິງດ້າຍ, ເມືອງເຕິນຮຶງ, ປະຊາຊົນໄດ້ມອບເນື້ອທີດິນກວ່າ 6 ເຮັກຕາ ດ້ວຍຄວາມສະໝັກໃຈເພື່ອເປີດເສັ້ນທາງຈະລາຈອນຢູ່ເຂດຊົນນະບົດ ໃນບ້ານ ເກງໂລະງາງ ໃຫ້ກວ້າງກວ່າ, ງາມກວ່າ, ເຊື່ອມຈອດ ແລະ ສະດວກກວ່າ. ເສັ້ນທາງສາຍນີ້ ບໍ່ພຽງແຕ່ເຊື່ອມຕໍ່ບັນດາຕາແສງຂອງ ເມືອງ ເຕິນຮຶງ ເທົ່ານັ້ນ ຫາກຍັງເຊື່ອມຈອດກັບລະບົບຄົມມະນາຄົມຂອງແຂວງ ດົ່ງທາບ ອີກດ້ວຍ.

(VOVWORLD) -ພາຍຫລັງປະຕິບັດມະຕິເລກທີ 03 ຂອງແຂວງເບ໊ນແຈກ່ຽວກັບການສ້າງລະບົບຕ່ອງໂສ້ມູນຄ່າຜະລິດຕະພັນກະເສດຫລັກແຫລ່ງຂອງແຂວງໄລຍະ(2016 - 2020 )ມາເປັນເວລາ 4 ປີມາຮອດປະຈຸບັນ, ລະບົບຕ່ອງໂສ້ມູນຄ່າຜະລິດຕະພັນກະເສດຕາມທິດພັດທະນາ 8 ຜະລິດຕະພັນຫລັກແຫລ່ງເປັນປົກກະຕິ, ຍືນຍົງໄດ້ຮັບການສ້າງຂຶ້ນແລະນັບມື້ນັບຂະຫຍາຍຕົວ. ຮູບແບບການຜະລິດໃຫມ່ບໍ່ພຽງແຕ່ຮັບປະກັນຄວາມປອດໄພດ້ານຊີວະສາດເທົ່ານັ້ນຫາກຍັງເພີ່ມລັກສະນະແກ້ງແຍ່ງສຳລັບບັນດາປະເພດໝາກໄມ້ພິເສດຂອງແຂວງ ຕອບສະຫນອງຄວາມຕ້ອງການການສົ່ງອອກ,ນຳມາເຊິ່ງມູນຄ່າດ້ານເສດຖະກິດສູງໃຫ້ແກ່ຊາວກະສິກອນ.

(VOVWORLD) - ຕາມ ສູນ ອຸຕຸນິຍົມ ອຸທົກກະສາດ ພາກໃຕ້ ຫວຽດນາມ ແລ້ວ, ລະດັບນ້ຳຈາກປາກນ້ຳຂອງແຂວງ ອານຢາງ ຢູ່ ແມ່ນ້ຳ ຕຽນ ແມ່ນແທກໄດ້ 2,7 ແມັດ ແລະ ແມ່ນ້ຳ ເຫົ້າ ແມ່ນ 2,56 ແມັດ. ນີ້ໄດ້ຮັບຖືວ່າ ແມ່ນຈຸດຍອດນ້ຳຖ້ວມໃນປີນີ້ ແຕ່ລະດັບນ້ຳດັ່ງກ່າວແມ່ນຕ່ຳກວ່າເມື່ອທຽບໃສ່ລະດັບສະເລ່ຍໃນຫລາຍປີ ຊ້ຳບໍ່ໜຳ ຍັງຕ່ຳກວ່າຈຸດຍອດນ້ຳຖ້ວມຂອງປີ 2019. ຊາວກະສິກຳ ແຂວງ ອານຢາງ ພວມລໍຖ້າຍາມນ້ຳຂຶ້ນ ເພື່ອຫາເງິນລ້ຽງຊີບ ແລະ ຜະລິດກະສິກຳ.

(VOVWORLD) - ເມື່ອຮອດເກນອາຍຸເປັນບ່າວເປັນສາວ, ຜູ້ຊາຍແລະຜູ້ຍິງຊາວເຜົ່ານຸ່ງມີຄວາມເສລີໃນການຊອກຮູ້ແລະມັກຮັກກັນ. ເຂົາເຈົ້າລຶ້ງເຄີຍກັນເມື່ອໄປໄຮ່ໄປນາ, ພົບປະກັນເມື່ອລົງຕະຫລາດແລະມັກກັນໃນງານບຸນຂັບເລື໊ອນ (ຂັບພື້ນເມືອງຂອງຊາວທ້ອງຖິ່ນ),ຖ້າຫາກຜູ້ບ່າວຜູ້ສາວມັກກັນແລ້ວ, ຜູ້ບ່າວຈະລາຍງານຕໍ່ພໍ່ແມ່ແລະຂໍຄວາມຊ່ວຍເຫລືອຈາກເຈົ້າໂຄດລຸງຕາໄປຍັງເຮືອນຂອງຜູ້ສາວເພື່ອໄປໂອ້ລົມສູ່ຂໍ.

(VOVWORLD) - ຕົ້ນເສົາກ້ວຍດຳ ຊື່ວິທະຍາສາດແມ່ນ Mesona chinensis Benth ປະຊາຊົນໄດ້ເອົາມາເຮັດເປັນຂອງກິນເສີມ ແລະ ໄດ້ຮັບຄວາມນິຍົມຈາກຫລາຍຄົນ ແລະ ໄດ້ວາງຂາຍຢູ່ຫລາຍບ່ອນ ນັບແຕ່ຕະຫລາດຢູ່ເຂດບ້ານນາຕະຫລອດຮອດຮ້ານສັບພະສິນຄ້າ ຢູ່ຕາມຕົວເມືອງໃຫຍ່. ເສົາກ້ວຍດຳ ມີຫລາຍປະເພດ ແຕ່ແຊບທີ່ສຸດ ແລະ ມີຊື່ສຽງກວ່າໝູ່ ແມ່ນ ເສົາກ້ວຍດຳທີ່ຜະລິດຢູ່ເທດສະບານ ແທັກອານ ແຂວງ ກາວບັ່ງ. ໂດຍທຳມະຊາດດົນບັນດານໃຫ້ອາກາດເຢັນສະບາຍຕະຫລອດປີ, ເຂດດິນແດນນີ້ເໝາະສົມກັບການເຕີບໃຫຍ່ຂະຫຍາຍຕົວຂອງຕົ້ນເສົາກ້ວຍດຳ. ເພາະສະນັ້ນ ເສົາກ້ວຍດຳ ພວມໄດ້ຮັບຖືວ່າ ແມ່ນຕົ້ນປາຍແຫລມໃນການພັດທະນາເສດຖະກິດຢູ່ ທ້ອງຖິ່ນ, ຊ່ວຍໃຫ້ຫລາຍຄອບຄົວມີລາຍຮັບເປັນປົກກະຕິກວ່າ, ບືນຕົວຂຶ້ນຫລຸດພົ້ນອອກຈາກຄວາມທຸກຍາກ.

(VOVWORLD) -ບ້ານ ຫວຍຮົກ ຕາແສງ ນ້ຳແກ່ ເມືອງ ເມື່ອງແຍ໊ ແຂວງ ດ້ຽນບຽນ ແມ່ນບ້ານຕັ້ງພູມລຳເນົາຄືນໃຫມ່ ແລະ ໄດ້ຮັບການກໍ່ສ້າງກ່ອນນີ້ສອງສາມປີ. ປະຊາຊົນຢູ່ທີ່ນີ້ 100% ແມ່ນຊາວເຜົ່າມົ້ງຢູ່ແຂວງ ດ້ຽນບຽນ ແລະ ຢູ່ບາງທ້ອງຖິ່ນອື່ນໄດ້ພາກັນຍ້າຍມາຕັ້ງຖິ່ນຖານພູມລຳເນົາ. ຊີວິດໃຫມ່ຂອງປະຊາຊົນຢູ່ທີ່ນີ້ ໄດ້ຫລຸດພົ້ນອອກຈາກຄວາມອຶດຫິວ, ສ້າງຊີວິດເປັນປົກກະຕິໂດຍພື້ນຖານ ແລະ ໄດ້ຮັບການຍົກສູງຂຶ້ນເທື່ອລະກ້າວ.ບ້ານ ຫວຍຮົກ ໄດ້ຮັບການສ້າງຂຶ້ນ ບົນພື້ນຖານ “ແຜນຮ່າງຈັດສັນ, ສ້າງເຂດຊຸມຊົນເປັນປົກກະຕິ, ພັດທະນາເສດຖະກິດສັງຄົມ, ຮັບປະກັນການປ້ອງກັນຊາດ ປ້ອງກັນຄວາມສະຫງົບຢູ່ເມືອງ ເມື່ອງແຍ໊ ໂດຍນາຍົກລັດຖະມົນຕີ ເຊັນອະນຸມັດໃນວັນທີ 12 ມັງກອນປີ 2012 (ຫລືເອີ້ນຫຍໍ້ວ່າ ແຜນຮ່າງ 79).