ບັນຫາສຳຄັນໃນປີ 2011 ໂດຍໄດ້ຮັບຄວາມເອົາໃຈໃສ່ທີ່ສຸດຈາກລັດຖະບານຫວຽດນາມນັ້ນແມ່ນ ສ້າງໂຄງປະກອບພື້ນຖານເສດຖະກິດຄືນໃຫມ່ ເພື່ອຍົກສູງປະສິດທິຜົນການພັດທະນາເສດຖະກິດ. ລັດຖະບານໄດ້ສຸມໃສ່ເຂົ້າໃນ 3 ຂົງເຂດສຳຄັນ: ນັ້ນແມ່ນສ້າງໂຄງປະກອບການລົງທຶນດ້ວຍຈຸດໃຈກາງແມ່ນການລົງທຶນຂອງລັດ, ສ້າງໂຄງປະກອບຕະຫລາດການເງິນຄືນໃຫມ່ ດ້ວຍຈຸດໃຈກາງແມ່ນສ້າງໂຄງປະກອບລະບົບທະນາຄານ ແລະ ບັນດາອົງການການເງິນ ແລະ ສ້າງໂຄງປະກອບລັດວິສາຫະກິດ ຊຶ່ງຈຸດໃຈກາງແມ່ນບັນດາກຸ່ມບໍລິສັດ, ບໍລິສັດໃຫຍ່ແຫ່ງລັດ. ເປັນອັນວ່າ ການສ້າງໂຄງປະກອບລັດວິສາຫະກິດ ແມ່ນຫນຶ່ງໃນ 3 ຫນ້າທີ່ຈຸດສຸມຂອງລັດຖະບານ, ພ້ອມທັງແມ່ນມາດຕະການທັງຮີບດ່ວນ ທັງມີລັກສະນະຍາວນານ ເພື່ອໃຫ້ເສດຖະກິດຫວຽດນາມ ພັດທະນາແບບຍືນຍົງ.
ຄວາມຈິງແລ້ວ, ເລື່ອງປະຕິູຮບ. ຊັບຊ້ອນຄືນບັນດາວິສາຫະກິດ, ເປັນຕົ້ນແມ່ນບັນດາລັດວິສາຫະກິດ ໂດຍແມ່ນລັດຖະບານຫວຽດນາມ ປະຕິບັດຢ່າງລຽນຕິດໃນກວ່າ 10 ປີຜ່ານມານີ້. ຫນຶ່ງໃນບັນດາຜົນສຳເລັດຂອງວິວັດການນີ້ ນັ້ນແມ່ນຫລຸດຈຳນວນວິສາຫະກິດທີ່ດຳເນີນທຸລະກິດຖືກລຸບທຶນໃນໄລຍະຍາວ ຫລື ບໍ່ມີກຳໄລ ຈາກ 60% ລົງເຫລືອພຽງ 20%. ມາຮອດປະຈຸບັນ, ຈຳນວນລັດວິສາຫະກິດ ກໍໄດ້ຫລຸດລົງຢ່າງວ່ອງໄວ ແຕ່ ວິສາຫະກິດ 12.000 ແຫ່ງ ໃນປີ 1991 ລົງເຫລືອພຽງປະມານ 1.500 ແຫ່ງໃນປະຈຸບັນ. ປະຈຸບັນ, ທັງປະເທດ ມີ ກຸ່ມບໍລິສັດເສດຖະກິດ 12 ແຫ່ງພວມເຄື່ອນໄຫວ ແລະ ແມ່ນກຳລັງຫນູນສຳຄັນໃຫ້ແກ່ການພັດທະນາຂອງພື້ນຖານເສດຖະກິດ, ພິເສດ ໃນການກຳນົດ ແລະ ພັດທະນາພື້ນຖານໂຄງລ່າງເສດຖະກິດ ສັງຄົມ, ຮັກສາກຳລັງຫນູນການເຕີບໂຕ, ສ້າງວຽກເຮັດງານທຳ ແລະ ຮັບປະກັນຄວາມເປັນປົກກະຕິລວມໃຫ້ແກ່ພື້ນຖານເສດຖະກິດແຫ່ງຊາດ. ເຖິງຢ່າງໃດກໍຕາມ, ຕາມການຕີລາຄາຂອງກະຊວງແຜນການ ແລະ ການລົງທຶນແລ້ວ, ເຖິງວ່າ ລັດວິສາຫະກິດພວມກຳແຫລ່ງກຳລັງໃຫຍ່ຫລວງຂອງພື້ນຖານເສດຖະກິດກໍຕາມ,ແຕ່ການປະກອບສ່ວນໃຫ້ແກ່ພື້ນຖານເສດຖະກິດພັດບໍ່ສົມຄູ່ປານໃດ, ອັດຕາປະກອບສ່ວນໃຫ້ແກ່ GDP ພຽງປະມານ 27 -28%, ໃນຂະນະນັ້ນ ມີລັດວິສາຫະກິດຫລາຍແຫ່ງບໍ່ທັນເສີມຂະຫຍາຍໝົດປະສິດທິຜົນໃນການນຳໃຊ້ທີ່ດິນ, ທຶນຮອນ, ວັດຖຸອຸປະກອນ. ມີກຸ່ມບໍລິສັດຈຳນວນຫນຶ່ງ ພຽງແຕ່ມີທ່າອ່ຽງເປີດກວ້າງການລົງທຶນ ແລະ ລົງທຶນແບບກະຈັດກະຈາຍ, ບໍ່ສຸມໃສ່ເຂົ້າຂົງເຂດດຳເນີນທຸລະກິດຕົ້ນຕໍ, ການລົງທຶນນອກຂະແຫນງການ, ລົງທຶນເຂົ້າຂົງເຂດທີ່ອາດຈະມີຄວາມສ່ຽງສູງ, ຊ້ຳບໍ່ໜຳ ຖືກລຸບທຶນ, ຕິດຫນິ້. ສະນັ້ນ ໄດ້ສົ່ງຜົນສະທ້ອນຢ່າງຫຍໍ້ທໍ້ເຖິງການຜະລິດດຳເນີນທຸລະກິດ ແລະ ຜົນສະທ້ອນເຖິງການພັດທະນາລວມ. ໃນສະພາບການນັ້ນ, ບັນຫາທີ່ວາງອອກນັ້ນແມ່ນ ຕ້ອງສ້າງໂຄງປະກອບລັດວິສາຫະກິດຄືນໃຫມ່, ຊັບຂ້ອນ, ຈັດຕັ້ງ, ປະຕິບັດການຫັນເປັນຫຸ້ນສ່ວນ, ປ່ຽນໃຫມ່ນະໂຍບາຍລົງທຶນ, ຄຸ້ມຄອງແຫລ່ງທຶນເປັນຢ່າງດີກວ່າ ເພື່ອຮັບປະກັນໃຫ້ແກ່ບັນດາລັດວິສາຫະກິດເຄື່ອນໄຫວຢ່າງມີປະສິດທິຜົນ. ດອກເຕີ ຫງວຽນມີງຟອງ ຜູ້ຊ່ຽວຊານດ້ານເສດຖະກິດຖືວ່າ:
“ວິວັດການສ້າງໂຄງປະກອບເສດຖະກິດຄືນໃຫມ່ ແມ່ນວິວັດການເປີດ. ເຖິງຢ່າງໃດກໍຕາມ, ໃນປີຫນ້າ ຄວນສຸມໃສ່ເຂົ້າໃນບັນດາຂົງເຂດຜະລິດດຳເນີນທຸລະກິດ ແລະ ສຳລັບບັນດາວິສາຫະກິດຜະລິດດຳເນີນທຸລະກິດຕ້ອງສ້າງໂຄງປະກອບຄືນໃຫມ່ກ່ອນ ຕໍ່ມາແມ່ນສ້າງໂຄງປະກອບຄືນໃຫມ່ຢູ່ບັນດາກຸ່ມບໍລິສັດ, ຫລຸດຜ່ອນສິ່ງທີ່ກ່ຽວຂ້ອງເຖິງການເຄື່ອນໄຫວການລົງທຶນຫລາຍຂະແຫນງ. ບັນດາການເຄື່ອນໄຫວໃດຕິດພັນກັບການລົງທຶນທີ່ມີປະໂຫຍດຕ້ອງເຮັດກ່ອນ.“
ທີ່ກອງປະຊຸມສະຫລຸບຮູບແບບກຸ່ມບໍລິສັດເສດຖະກິດຊຶ່ງດຳເນີນໄປໃນວັນທີ 9 /12/2011, ບັນດາສະມາຊິກລັດຖະບານ ແລະ ຜູ້ຊ່ຽວຊານກໍໃຫ້ຂໍ້ສັງເກດວ່າ: ເລື່ອງສ້າງໂຄງປະກອບເສດຖະກິດຄືນໃຫມ່ຂອງບັນດາກຸ່ມບໍລິສັດເສດຖະກິດ,ບໍລິສັດໃຫຍ່ແຫ່ງລັດ ແມ່ນເພື່ອສ້າງບະບົບໃຫມ່ເຄື່ອນໄຫວຢ່າງມີປະສິດທິຜົນກວ່າ, ຫາກບໍ່ແມ່ນເພື່ອລົບລ້າງລັດວິສາຫະກິດ. ກ່າວຄຳເຫັນທີ່ກອງປະຊຸມຄັ້ງນີ້, ທ່ານ ຫງວຽນເຕີນຢູງ ນາຍົກລັດຖະມົນຕີຫວຽດນາມ ໄດ້ຢືນຢັນຄືນຈຸດໝາຍສ້າງບັນດາກຸ່ມບໍລິສັດເສດຖະກິດທີ່ີມີຂອບຂະຫນາດໃຫຍ່ຢູ່ບັນດາຂົງເຂດທີ່ລັດຕ້ອງການ, ມີລັກສະນະແກ້ງແຍ້ງ, ມີການຈັດຕັ້ງຢ່າງແຂງແຮງ, ຊ່ວຍໃຫ້ລັດຮັກສາເສດຖະກິດມະຫາພາກເປັນປົກກະຕິ, ຮັບປະກັນຜົນປະໂຫຍດຂອງລັດ, ການປ້ອງກັນຊາດປ້ອງກັນຄວາມສະຫງົບ. ທ່ານນາຍົກລັດຖະມົນຕີ ຫງວຽນເຕີນຢູງ ຊີ້ແຈງວ່າ:
“ພວກເຮົາຕ້ອງສ້າງໃຫ້ໄດ້ບັນດາກຸ່ມບໍລິສັດແຂງແຮງ ເພື່ອປະຕິບັດຫນ້າທ່ີຊຶ່ງລັດມອບໝາຍໃຫ້ ແຕ່ສິ່ງທີ່ຫຍຸ້ງຍາກນັ້ນແມ່ນ ບັນດາກຸ່ມບໍລິສັດນັ້ນ ທັງປະຕິບັດຫນ້າທີ່ຊຶ່ງລັດມອບໝາຍກ່ຽວກັບການດຸນດຽງເສດຖະກິດມະຫາພາກ, ເພື່ອເປັນພື້ນຖານຊຸກຍູ້ ແຕ່ທັງຕ້ອງຜະລິດດຳເນີນທຸລະກິດຢ່າງມີປະສິດທິຜົນ. ພວກເຮົາຕ້ອງສ້າງໂຄງປະກອບເສດຖະກິດຄືນໃຫມ່, ສືບຕໍ່ຊັບຊ້ອນ ກຸ່ມບໍລິສັດເສດຖະກິດແຫ່ງລັດ12 ແຫ່ງຄືນໃຫມ່.“
ໃນວາລະປະຊຸມສາມັນເດືອນ 12 ຊຶ່ງແມ່ນວາລະປະຊຸມສຸດທ້າຍຂອງປີ 2011, ລັດຖະບານໄດ້ເນັ້ນຫນັກເຖິງເລື່ອງສ້າງແຜນຮ່າງສ້າງໂຄງປະກອບເສດຖະກິດຄືນໃຫມ່ໃຫ້ສົມບູນແບບ, ຍົກສູງປະສິດທິຜົນການເຄື່ອນໄຫວຂອງພາກລັດວິສາຫະກິດ ດ້ວຍ ຄຳຮຽກຮ້ອງຕ້ອງການ 2 ຢ່າງນັ້ນແມ່ນ: ເພື່ອໃຫ້ລັດວິສາຫະກິດປະຕິບັດບົດບາດຮັບປະກັນການເຂົ້າຮ່ວມບໍລິຫານເສດຖະກິດມະຫາພາກເປັນຢ່າງດີ, ສ້າງພື້ນຖານຊຸກຍູ້ການພັດທະນາການລົງທຶນເຂົ້າໃນບັນດາຂົງເຂດທີ່ຈຳເປັນ ຊຶ່ງບັນດາພາກສ່ວນເສດຖະກິດອື່ນບໍ່ທັນປະຕິບັດໄດ້. ທີສອງ ແມ່ນສ້າງໂຄງປະກອບລັດວິສາຫະກິດຄືນໃຫມ່ ເພື່ອໃຫ້ການເຄື່ອນໄຫວມີປະສິດທິຜົນກວ່າເມື່ອທຽບໃສ່ແຫ່ຼງກຳລັງແຮງທີ່ໄດ້ຮັບການມອບໝາຍ. ທ່ານນາຍົກລັດຖະມົນຕີ ຫງວຽນເຕີນຢູງ ຊີ້ແຈງວ່າ:
“ກ່ອນອື່ນໝົດແຜນຮ່າງກຳນົດບັນດາຂົງເຂດຊຶ່ງລັດວິສາຫະກິດຕ້ອງມີ, ຖ້າມີ
ຢູ່ແລ້ວຄວນຫັນເປັນຫຸ້ນສ່ວນເພື່ອຄວບຄຸມ.ທີສອງ ບັນດາລັດວິສາຫະກິດຮັກສາ 65 -70% ຈຳນວນທຶນ ແມ່ນສຸມໃສ່ເຂົ້າໃນຂົງເຂດຕົ້ນຕໍ, ຫລຸດຜ່ອນການລົງທຶນນອກຂະແຫນງ, ພິເສດແມ່ນການລົງທຶນເຂົ້າທະນາຄານ, ປະກັນໄພ, ອະສັງຫາລິມະຊັບ. ທີສາມ ແມ່ນບັນດາວິສາຫະກິດຖືກຫລຸບທຶນແກ່ຍາວ ຕ້ອງແກ້ໄຂຢ່າງເດັດຂາດ.“
ເພື່ອປະຕິບັດແຜນຮ່າງສ້າງໂຄງປະກອບລັດວິສາຫະກິດຄືນໃຫມ່, ລັດຖະບານໄດ້ຢືນຢັນຄວາມຕັດສິນໃຈເຄື່ອນໄຫວ ແລະ ຍົກອອກບັນດມາດຕະການ, ວິວັດການລະອຽດ, ໃນນັ້ນ ຊີ້ນຳບັນດາກຸ່ມບໍລິສັດເສດຖະກິດ ຊ້າສຸດແມ່ນນັບແຕ່ຕົ້ນໄຕມາດ 1 ປີ 2012 ຕ້ອງຍື່ນສະເຫນີວິທີການຈັດຕັ້ງຊັບຊ້ອນ, ສ້າງໂຄງປະກອບຄືນໃຫມ່ ເພື່ອສຸມກຳລັງແຮງເຂົ້າໃນຂະແຫນງຕົ້ນຕໍ, ສຸມໃສ່ເຂົ້າໃນຫນ້າທີ່ຊຶ່ງລັດຖະບານໄດ້ມອບໝາຍ. ກະຊວງແຜນການ ແລະ ການລົງທຶນໄດ້ຢຸດຕິການສ້າງກຸ່ມບໍລິສັດເສດຖະກິດແຫ່ງລັດໃນໄລຍະ 2 - 3 ປີ ຈະມາເຖິງ ເພື່ອສຸ່ມໃສ່ສ້າງກອບກົດໝາຍໃຫ້ສົມບູນແບບ ແລະ ໃນອະນາຄົດ ຈະສຸມໃສ່ພັດທະນາລັດວິສາຫະກິດໃນບັນດາຂົງເຂດທີ່ບົດບາດຫລັກແຫລ່ງຄື: ໄຟຟ້າ, ຄົມມະນາຄົມ ໂທລະຄົມ, ນ້ຳມັນອາຍແກສ, ຂຸດຄົ້ນຊັບພະຍາກອນແຮ່ທາດ, ການກໍ່ສ້າງຕິດຕັ້ງ, ນ້ຳມັນ … ກໍ່ສ້າງບັນດາກຸ່ມບໍລິສັດລັດວິສາຫະກິດແຂງແຮງ, ສົມກັບບົດບາດແມ່ນເຄື່ອງມືບໍລິຫານລັດ. ຕາມການຄິດໄລ່ແມ່ນຮອດປີ 2020 ຫວຽດນາມ ຈະມີ 1 -2 ກຸ່ມບໍລິສັດທີ່ມີຂອບຂະຫນາດອາຊີຕາເວັນອອກ, 10 -15 ກຸ່ມບໍລິສັດ, ບໍລິສັດໃຫຍ່ມີບົດບາດອັນດັບ1ໃນການພັດທະນາ ນຳພາພື້ນຖານເສດຖະກິດ./.
ໂຕຕວັນ