(VOVWORLD) - ຫວ່າງແລ້ວນີ້, ເປັນຄັ້ງທຳອິດງວດເຂົ້າສານOganic 15 ໂຕນຂອງຊາວກະສິກອນແຂວງກ໋ວາງຈິໄດ້ສົ່ງອອກໄປຍັງຕະຫຼາດເອີລົບ, ລວມມີບັນດາປະເທດ: ເຢຍລະມັນ, ສ.ເຊັກໂກ, ຊູແອັດ, ຝລັ່ງ. ນີ້ແມ່ນບາດລ້ຽວສ້າງແງ່ຫວັງການກໍ່ສ້າງເຂດປູກຕົ້ນເຂົ້າ ແລະ ເຂົ້າສານ Oganic ສົ່ງອອກເພື່ອໃຫ້ຂະແໜງກະສິກຳກວາງຈິພັດທະນາແບບຍືນຍົງ. TRANSLATE with x English

(VOVWORLD) -ຫນຶ່ງໃນບັນດາຈຸດທີ່ເປັນເອກະລັກສະເພາະຂອງນະຄອນຫລວງຮ່າໂນ້ຍແຫ່ງອະລິຍະທຳນັບພັນປີແມ່ນຂີດໝາຍຂອງອາຊີບຫັດຖະກຳທີ່ເປັນມູນເຊື້ອ. ເຖິງຢ່າງໃດກໍຕາມປະຈຸບັນອາຊີບນີ້ຍັງຄົງຕ້ອງປະເຊີນຫນ້າກັບສິ່ງທ້າທາຍ ຍ້ອນຄວາມນິຍົມຂອງລູກຄ້າກໍ່ຄືການແກ້ງແຍ່ງຂອງບັນດາຜະລິດຕະພັນອຸດສາຫະກຳ. ຕົວຈິງນັ້ນຮຽກຮ້ອງໃຫ້ ຮ່າໂນ້ຍ ຕ້ອງຮັກສາຄຸນຄ່າທີ່ເປັນມູນເຊື້ອຂອງແຕ່ລະອາຊີບທັງຕ້ອງປະດິດຄິດສ້າງ, ປ່ຽນໃຫມ່ຜະລິດຕະພັນເພື່ອພັດທະນາ.

(VOVWORLD) -ໃນໄຕມາດ 1 ປີນີ້, ຍອດວົງເງິນສົ່ງອອກ ນຳເຂົ້າສິນຄ້າຂອງຫວຽດນາມ ບັນລຸກ່ວາ 154 ຕື້ USD. ເຖິງວ່າ ວົງເງິນສົ່ງອອກຫລຸດລົງກວ່າ 13% ເມື່ອທຽບໃສ່ໄລຍະດຽວກັນຂອງປີກາຍ, ແຕ່ ຫວຽດນາມ ຍັງຄົງຮັກສາດຸນການຄ້າ ແລະ ການສົ່ງອອກເກີນດຸນກວ່າ 4 ຕື້ USD, ສູງກວ່າລະດັບ 1,9 ຕື້ USD ຂອງປີ 2022 ແລະ 2,5 ຕື້ USD ຂອງປີ 2021. ນີ້ແມ່ນສັນຍານຕັ້ງຫນ້າເພື່ອໃຫ້ ຫວຽດນາມ ສຳເລັດຄາດໝາຍການເຕີບໂຕສົ່ງອອກ 6% ໃນປີນີ້. TRANSLATE with x English Arabic Hebrew Polish Bulgarian Hindi

(VOVWORLD) - GDP ໄຕມາດທີ 1 ຂອງ ຫວຽດນາມ ພຽງແຕ່ເພີ່ມຂຶ້ນກ່ວາ 3,3% ແມ່ນໄດ້ສ່ອງແສງສອງບັນຫາໃຫຍ່. ທີໜຶ່ງເສດຖະກິດ ຫວຽດນາມ ໄດ້ຮັບຜົນກະທົບຢ່າງແຮງຈາກວິກິດການດ້ານເສດຖະກິດທົ່ວໂລກ. ສິ່ງນີ້ສະແດງໃຫ້ເຫັນຢ່າງຈະແຈ້ງ ເມື່ອວົງເງິນການສົ່ງອອກໃນໄຕມາດທີ 1 ຄາດວ່າບັນລຸກ່ວາ 79 ຕື້ USD, ຫຼຸດລົງເກືອບ 12%, ວົງເງິນການນຳເຂົ້າຄາດວ່າບັນລຸ 75 ຕື້ USD, ຫຼຸດລົງ 14,7%, ອັດຕາການເຕີບໂຕຂອງບັນດາຂະແໜງອຸດສາຫະກຳປຸງແຕ່ງ, ປະດິດແຕ່ງລ້ວນແຕ່ຫຼຸດລົງເມື່ອທຽບໃສ່ໄລຍະດຽວກັນຂອງປີກາຍ. ທີສອງ, ຄວາມໄວໃນການເພີ່ມ GDP ສະແດງໃຫ້ເຫັນກຳລັງພາຍໃນຂອງພື້ນຖານເສດຖະກິດພວມມີຂໍ້ບົກຜ່ອງ ໃນການບໍລິຫານຄຸ້ມຄອງແຫຼ່ງເງິນ, ເຊິ່ງກໍ່ຜົນກະທົບທາງລົບຕໍ່ຕະຫຼາດພັນທະບັດ ແລະ ບັນດາຂະແໜງການກໍ່ສ້າງ, ອະສັງຫາລິມະຊັບ. ດັ່ງນັ້ນ, ການບັນລຸໄດ້ເປົ້າໝາຍການເຕີບໂຕ 6,5%ຂອງພື້ນຖານເສດຖະກິດໃນປີ 2023ແມ່ນບໍ່ງ່າຍດາຍ. ທ່ານນາງ ຫງວຽນທິເຮືອງ, ຫົວໜ້າກົມໃຫຍ່ສະຖິຕິ, ກະຊວງແຜນການ ແລະ ການລົງທຶນ ຫວຽດນາມ ໃຫ້ຂໍ້ສັງເກດວ່າ: TRANSLATE with x English Arabic Hebrew Polish

(VOVWORLD) -ເສດຖະກິດສີຂຽວ, ເສດຖະກິດໝູນວຽນ ນັບມື້ນັບໄດ້ເວົ້າເຖິງແລະ ປະຕິບັດຫຼາຍຂຶ້ນ. ໃນສະພາບການປ່ຽນແປງຂອງດິນຟ້າອາກາດ ໄດ້ສົ່ງຜົນກະທົບຢ່າງໃຫຍ່ຫຼວງຕໍ່ການຜະລິດດຳເນີນທຸລະກິດ ແລະ ປະສົບກັບຄວາມຫຍຸ້ງຍາກຫຼາຍຢ່າງ ຍ້ອນລະບົບສະໜອງຖືກຕັດຕອນ, ຄ່າວັດຖຸດິບເພີ່ມຂຶ້ນ ແລະ ມູນຄ່າການຜະລິດກໍ່ເພີ່ມຂຶ້ນ, ການຜະລິດສີຂຽວ ແມ່ນວິທີທີ່ດີເພື່ອໃຫ້ວິສາຫະກິດໝູນໃຊ້ວັດຖຸດິບ, ເພີ່ມມູນຄ່າຂອງການຜະລິດ ເພື່ອນຳມາເຊິ່ງລາຄາແກ້ງແຍ້ງໃຫ້ແກ່ຜະລິດຕະພັນ. ເພາະສະນັ້ນ, ນັບແຕ່ວິສາຫະກິດຂະໜາດນ້ອຍ, ຂະໜາດກາງ ຕະຫຼອດຮອດວິສາຫະກິດຂະໜາດໃຫຍ່ ລ້ວນແຕ່ປະຕິບັດ ແລະ ພວມມຸ່ງໄປສູ່ການຜະລິດສີຂຽວ.

(VOVWORLD) -ກວ໋າງນິງ ແມ່ນແຂວງທຳອິດໃນເຂດທົ່ງພຽງແມ່ນ້ຳແດງທາງພາກເຫນືອ ທີ່ໄດ້ຮັບການເຊັນອະນຸມັດແຜນຜັງແຂວງ ໄລຍະແຕ່ປີ 2021 – 2030, ວິໄສທັດຮອດປີ 2050. ບໍ່ພຽງແຕ່ກຳນົດທິດພັດທະນາໃຫ້ກາຍເປັນທ້ອງຖິ່ນເຕີບໂຕສີຂຽວ ແລະ ຍືນຍົງເທົ່ານັ້ນ ຫາກການວາງແຜນຜັງຍັງສະແດງໃຫ້ເຫັນບົດບາດກຳລັງຫນູນຂອງແຂວງ ກວ໋າງນິງ ໃນທົ່ວເຂດເສດຖະກິດຈຸດສຸມຂອງພາກເຫນືອຢ່າງຈະແຈ້ງອີກດ້ວຍ.

(VOVWORLD) -ທ່ານນາຍົກລັດຖະມົນຕີ ຫາກໍ່ຕົກລົງເຊັນອະນຸມັດການດັດປັບການວາງແຜນຜັງສັງລວມການກໍ່ສ້າງເຂດເສດຖະກິດ ຢູງກວັດ ແຂວງ ກວ໋າງຫງາຍ ຮອດປີ 2045. ຕາມການວາງແຜນຜັງນີ້, ເຂດ ຢູງກວັດ ຈະພັດທະນາໃຫ້ກາຍເປັນເຂດເສດຖະກິດສັງລວມບັນຈຸຫລາຍຂະແຫນງ, ຫລາຍຂົງເຂດ, ສ້າງປະຖົມປັດໄຈເພື່ອໃຫ້ແຂວງ ກວ໋າງຫງາຍ ກາຍເປັນແຂວງ ພັດທະນາດີຂອງປະເທດຊາດ.

(VOVWORLD) -ປະຈຸບັນ ຫວຽດນາມ ກຳລັງຢູ່ໃນອັນດັບ 2 ຂອງໂລກ ກ່ຽວກັບການສົ່ງອອກກາເຟ ດ້ວຍປະລິມານການສົ່ງອອກໃນປີກາຍ ບັນລຸໄດ້ 1,7 ລ້ານໂຕນ, ດ້ວຍມູນຄ່າກວ່າ 4 ຕື້ USD, ແມ່ນລະດັບສູງສຸດນັບແຕ່ກ່ອນມາຮອດປະຈຸບັນ. ກາເຟ ຫວຽດນາມ ຍັງມີໜ້າຢູ່ຕະຫລາດທີ່ສຳຄັນນັບສິບແຫ່ງໃນທົ່ວໂລກ, ກາຍເປັນຜະລິດຕະ ພັນທີ່ໄດ້ຮັບຄວາມນິຍົມຊົມຊອບຢູ່ຫລາຍປະເທດ. ເຖິງແນວນັ້ນກໍຕາມ, ກາເຟ ຫວຽດນາມ ຍັງບໍ່ມີເຄື່ອງໝາຍການຄ້າໃດ ນອນໃນບັນຊີລາຍຊື່ຈຳນວນ 10 ເຄື່ອງໝາຍການຄ້າກາເຟທີ່ຂາຍດີ ທີ່ສຸດໃນໂລກ. ຕໍ່ສະພາບຕົວຈິງນີ້, ວັນທີ 4 ມີນາ ທີ່ຜ່ານມາ ໜັງສືພິມ ຊາວຜູ້ອອກແຮງງານ ໄດ້ຈັດກອງປະຊຸມສຳມະນາ “ເພີ່ມມູນຄ່າໃຫ້ແກ່ກາເຟ ຫວຽດນາມ, ດ້ວຍວິທີໃດ?” ຢູ່ທີ່ ນະຄອນໂຮ່ຈິມິນ, ດ້ວຍການເຂົ້າຮ່ວມຂອງວິສາຫະກິດປູກຝັງ ແລະ ດຳເນີນທຸລະກິດກາເຟຫຼາຍແຫ່ງ. ເປົ້າໝາຍຂອງ ກອງປະຊຸມສຳມະນາ ແມ່ນຊອກຫາມາດຕະການສ້າງ ແລະ ພັດທະນາເຄື່ອງໝາຍການຄ້າ, ເພື່ອຊ່ວຍຍົກສູງມູນຄ່າກາເຟ ຫວຽດນາມ.

(VOVWORLD) -ໃນສອງເດືອນຕົ້ນປີ, ການເຄື່ອນໄຫວລົງທຶນພາກລັດຂອງ ຫວຽດນາມ ມີຫລາຍຈຸດພົ້ນເດັ່ນ, ແຕ່ການລົງທຶນພາກເອກະຊົນ (ລວມທັງການລົງທຶນພາກເອກະຊົນຢູ່ພາຍໃນປະເທດ ແລະ ເງິນລົງທຶນໂດຍກົງຂອງຕ່າງປະເທດ FDI ຢູ່ ຫວຽດນາມ) ພວມຊັກຊ້າລົງ. ເຖິງຢ່າງໃດກໍຕາມ ເລື່ອງເງິນລົງທຶນຈາກງົບປະມານເພີ່ມຂຶ້ນ ແມ່ນສັນຍານຕັ້ງຫນ້າໃນການປັບປຸງພື້ນຖານໂຄງລ່າງເສດຖະກິດ - ສັງຄົມ ພ້ອມທັງເປີດແງ່ຫວັງຕັ້ງຫນ້າກ່ຽວກັບການດຶງດູດແຫລ່ງທຶນທີ່ມີຄຸນນະພາບສູງເຂົ້າ ຫວຽດນາມ ໃນໄລຍະຈະມາເຖິງ.

(VOVWORLD) -ຫນ້າຄວາມຫຍຸ້ງຍາກຫຼາຍຢ່າງໃນການເຄື່ອນໄຫວຜະລິດ, ດຳເນີນທຸລະກິດສົ່ງອອກຂອງ ຫຼາຍຂະແໜງສິນຄ້າຫຼັກທີ່ຖືກກົດດັນຈາກອັດຕາໄພເງິນເຟີ້, ເສດຖະກິດໂລກຕົກຕ່ຳ, ນັບແຕ່ຕົ້ນປີນີ້, ຂະແໜງອຸດສາຫະກຳ ແລະ ການຄ້າໄດ້ສ້າງຫຼາຍມາດຕະການ ເພື່ອບັນລຸເປົ້າໝາຍການເຕີບໂຕການສົ່ງອອກ ປະມານ 6% ເມື່ອທຽບໃສ່ປີ 2022 ແລະ ສືບຕໍ່ຮັກສາການສົ່ງອອກເກີນດຸນໄວ້. ພ້ອມກັບການຮັກສາບັນດາຕະຫຼາດເດີມ, ອົງການຄຸ້ມຄອງ ກຳລັງພະຍາຍາມຜັນຂະຫຍາຍປະຕິບັດຄຳໝັ້ນສັນຍາ ບັນດາສັນຍາການຄ້າເສລີ (FTA) ທີ່ຫວຽດນາມ ເປັນສະມາຊິກໃຫ້ເປັນຢ່າງດີ, ຕິດພັນກັບການຍູ້ແຮງການເຈລະຈາບັນດາສັນຍາການຄ້າເສລີໃໝ່ ເພື່ອເປີດກ້ວາງ, ຫັນຕະຫລາດສົ່ງອອກເປັນຫຼາຍຮູບແບບ.