(VOVWORLD) -ຍ້ອນຜົນສະທ້ອນຈາກໂລກລະບາດໂຄວິດ 19 ພ້ອມກັບການຊຸດໂຊມດ້ານເສດຖະກິດທົ່ວໂລກ... ການດຶງດູດການລົງທຶນຂອງຕ່າງປະເທດ(FDI)ເຂົ້ານະຄອນໂຮ່ຈີມິນໄລຍະຜ່ານມາແມ່ນເຕີບໂຕຊັກຊ້າ. ເພາະສະນັ້ນນັບແຕ່ຕົ້ນປີນີ້ ນະຄອນໂຮ່ຈີມິນໄດ້ປ່ຽນແປງຍຸດທະສາດດຶງດູດທຶນFDI, ຄັດເລືອກໂຄງການທີ່ມີຄວາມເປັນໄປໄດ້, ນຳໃຊ້ເຕັກໂນໂລຊີໃຫມ່, ມີມູນຄ່າເພີ່ມສູງ, ສົ່ງຜົນກະທົບແບບແຜ່ຂະຫຍາຍ, ເຊື່ອມຕໍ່ລະບົບການຜະລິດແລະການສະຫນອງທົ່ວໂລກ.

(VOVWORLD) -ຕາມການສັງເກດຂອງບັນດາອົງການສາກົນ ແລະ ວິສາຫະກິດລົງທຶນຕ່າງປະເທດ, ການແກ້ງແຍ່ງລະຫວ່າງບັນດາປະເທດພວມພັດທະນາໃນການດຶງດູດການລົງທຶນຂອງຕ່າງປະເທດ (FDI) ຈະດຳເນີນຢ່າງຂ້ຽວຂາດ ພິເສດໃນສະພາບການແຫລ່ງທຶນ FDI ໄດ້ຮັບການຄາດຄະເນວ່າຈະຫລຸດລົງໃນປີນີ້, ໃນຂະນະ ຄວາມຕ້ອງການການດຶງດູດເງິນລົງທຶນໃຫ້ແກ່ໄລຍະຟື້ນຟູ ແລະ ພັດທະນາ ພາຍຫລັງໂຄວິດ 19 ແມ່ນເພີ່ມຂຶ້ນສູງ. ໃນສະພາບການນີ້ໄດ້ວາງອອກຫລາຍສິ່ງທ້າທາຍໃຫ້ແກ່ ຫວຽດນາມ ແຕ່ກໍ່ແມ່ນກາລະໂອກາດຊຸກຍູ້, ການປ່ຽນໃຫມ່ ຈິນຕະນາການ, ປະດິດຄິດສ້າງ, ສ້າງສັນວິໄສທັດ.. ເພື່ອເປີດອອກບັນດາກາລະໂອກາດ ແລະ ກຳລັງຫນູນໃຫມ່ ໃນການຮ່ວມມືພັດທະນາ, ດຶງດູດກະແສເງິນລົງທຶນໃຫມ່.

(VOVWORLD) -ການພັດທະນາຮ່ວມສຳພັນ “ເຂດ” ແມ່ນແຜນນະໂຍບາຍຢ່າງລຸລ່ວງ, ສະເຫມີຕົ້ນສະເຫມີປາຍຂອງພັກ ແລະ ລັດ ເພື່ອແນໃສ່ຂຸດຄົ້ນ, ເສີມຂະຫຍາຍຄວາມສາມາດບົ່ມຊ້ອນ, ທ່າໄດ້ປຽບຂອງເຂດ ແລະ ທ້ອງຖິ່ນຕ່າງໆໃນທົ່ວປະເທດຢ່າງສູງສຸດ ເພື່ອພັດທະນາເສດຖະກິດ ສັງຄົມ, ຄວາມໝັ້ນຄົງ ແລະ ຍົກສູງຊີວິດການເປັນຢູ່ທາງດ້ານວັດຖຸ ຈິດໃຈຂອງປະຊາຊົນ. ພັດທະນາຢ່າງຄົບຊຸດ ແລະ ສ້າງການຮ່ວມສຳພັນລະຫວ່າງບັນດາເຂດພາກເພື່ອຂຸດຄົ້ນ ແລະ ເສີມຂະຫຍາຍທ່າໄດ້ປຽບກ່ຽວກັບພື້ນຖານໂຄງລ່າງ, ແຫລ່ງຊັບພະຍາກອນມະນຸດໃຫ້ດີກວ່າເກົ່າ ຈາກນັ້ນ ກໍ່ສ້າງບັນດາລະບົບມູນຄ່າທົ່ວໂລກ, ສ້າງສະພາບແວດລ້ອມແຫ່ງການພັດທະນາໃຫມ່ໃຫ້ແກ່ປະເທດຊາດ.

(VOVWORLD) -ບັນດາຄາດໝາຍພັດທະນາໄດ້ວາງອອກໃນມະຕິກອງປະຊຸມໃຫຍ່ຄັ້ງທີ XIII ຂອງພັກກອມມູນິດ ຫວຽດນາມ ສືບຕໍ່ຢັ້ງຢືນການສ້າງລະບົບພື້ນຖານໂຄງລ່າງຢ່າງຄົບຊຸດ ແມ່ນຫນຶ່ງໃນ 3 ເສົາຄ້ຳບຸກທະລຸຍຸດທະສາດ. ສະນັ້ນ ການກໍ່ສ້າງພື້ນຖານໂຄງລ່າງຄົມມະນາຄົມຂົນສົ່ງ ດ້ວຍທິດນຳ “ໄປກ່ອນເພື່ອເປີດທາງ” ໄດ້ຮັບຖືວ່າແມ່ນປາຍແຫລມກະໂດດຂັ້ນ, ບຸລິມະສິດແຖວຫນ້າຂອງ ຫວຽດນາມ. ເລື່ອງພັດທະນາລະບົບເສັ້ນທາງຄວາມໄວສູງຢ່າງຄົບຊຸດ ໄດ້ປະກອບສ່ວນຊຸກຍູ້ເສດຖະກິດ ສັງຄົມ, ຍົກສູງກຳລັງຄວາມສາມາດແກ້ງແຍ່ງແຫ່ງຊາດ, ລົບລ້າງຄວາມອຶວຫິວຫລຸດຜ່ອນຄວາມທຸກຍາກ.

(VOVWORLD) -ໂດຍແມ່ນອົງການຕາງຫນ້າໃຫ້ປະຊາຄົມວິສາຫະກິດ, ໄລຍະຜ່ານມາ ຫ້ອງການການຄ້າ ແລະ ອຸດສາຫະກຳ ຫວຽດນາມ ປະຈຸບັນ ແມ່ນ ສະຫະພັນການຄ້າ ແລະ ອຸດສາຫະກຳຫວຽດນາມ (VCCI) ຍາມໃດກໍຮ່ວມເດີນທາງ, ຮັບຟັງຄຳຄິດເຫັນຂອງບັນດາວິສາຫະກິດ. ຈາກນັ້ນ ກໍ່ປະກອບສຽງເວົ້າສຳຄັນຂອງຕົນໄປເຖິງລັດຖະບານ, ບັນດາກະຊວງ, ຂະແຫນງການຂອງສູນກາງ ແລະ ທ້ອງຖິ່ນ, ແກ້ໄຂຄວາມຫຍຸ້ງຍາກ, ສ້າງສະພາບແວດລ້ອມແຫ່ງການລົງທຶນ, ດຳເນີນທຸລະກິດຢ່າງສະດວກ ກໍຄື ຊຸກຍູ້ການຮ່ວມມືກັບຫລາຍປະເທດໃນໂລກ. ຜ່ານນັ້ນ ກໍ່ປະກອບສ່ວນເຂົ້າໃນການເຕີບໃຫຍ່ຂອງປະຊາຄົມວິສາຫະກິດ, ນັກທຸລະກິດ ເວົ້າສະເພາະ ແລະ ວິວັດການພັດທະນາຂອງປະເທດຊາດ ເວົ້າລວມ.

(VOVWORLD) - ໄປພ້ອມກັບການພັດທະນາຂອງຕົ້ນຢາສະໝູນໄພທ້ອງຖິ່ນຄື ກະວານ (ໝາກແໜ່ງ), ຕີນຮຸ້ງດອຍ… ປັດຈຸບັນນີ້, ປະຊາຊົນເຂດພູສູງ ແຂວງ ລາຍເຈົາ ພວມໄດ້ສຸມໃສ່ເປີດກວ້າງເນື້ອທີ່ປູກຕົ້ນໂສມ. ມາຮອດປັດຈຸບັນ, ບັນດາວິສາຫະກິດ, ສ່ວນບຸກຄົນຢູ່ທ້ອງຖິ່ນ ປູກຕົ້ນໂສມໄດ້ກວ່າ 100 ເຮັກຕາ, ໃນເບື້ອງຕົ້ນ ກໍນຳມາເຊິ່ງສະມັດຕະພາບສູງດ້ານເສດຖະກິດ ເມື່ອທຽບໃສ່ການປູກຕົ້ນໄມ້ຊະນິດອື່ນໆ. ໄປຄຽງຄູ່ກັບການລົງທຶນເປີດກວ້າງເນື້ອທີ່ປູກແລ້ວ, ປະຊາຊົນເຂດພູສູງກຳລັງປູກຕົ້ນໂສມຕາມຂັ້ນຕອນແບບຄົບວົງຈອນ ເພື່ອນຳມາເຊິ່ງປະສິດທິຜົນແບບຍືນຍົງ.

(VOVWORLD) -ສະຫະລັດ ອາຣັບ ເອມີເລດ(UAE)ໄດ້ຮັບຖືວ່າ ແມ່ນສູນການເງິນ, ການຄ້າຂອງພາກພື້ນ ຕາເວັນອອກກາງ, ແມ່ນປະຕູສຳຄັນເພື່ອສົ່ງສິນຄ້າຫວຽດນາມ ໄປຍັງຕາເວັນອອກກາງ, ອາຟິຼກາ, ເອີລົບ ແລະ ເປີດກວ້າງໄປຍັງທົ່ວໂລກ. ໃນຂະນະການສົ່ງອອກຂອງຫວຽດນາມ ໄປຍັງຕະຫລາດຫລາຍແຫ່ງບັນລຸລະດັບສູງແລ້ວ, UAEກໍໄດ້ຮັບການຕີລາຄາວ່າແມ່ນຕະຫລາດທີ່ມີຄວາມສາມາດບົ່ມຊ້ອນທີ່ສຸດ, ເປີດອອກກາລະໂອກາດໃຫ້ຫລາຍປະເພດສິນຄ້າຜະລິດຕະພັນກະເສດ, ສິນໃນນ້ຳຂອງຫວຽດນາມ,ເປັນຕົ້ນແມ່ນເມື່ອສັນຍາຄູ່ຮ່ວມມືເສດຖະກິດຮອບດ້ານລະຫວ່າງຫວຽດນາມແລະUAE(CEPA)ຫາກໍ່ເລີ່ມເຊື່ອມຕໍ່ການເຈລະຈາຢູ່ໃນຂັ້ນລັດຖະມົນຕີ ເມື່ອວັນທີ 6 ເມສາປີ 2023.

(VOVWORLD) - ຫວ່າງແລ້ວນີ້, ເປັນຄັ້ງທຳອິດງວດເຂົ້າສານOganic 15 ໂຕນຂອງຊາວກະສິກອນແຂວງກ໋ວາງຈິໄດ້ສົ່ງອອກໄປຍັງຕະຫຼາດເອີລົບ, ລວມມີບັນດາປະເທດ: ເຢຍລະມັນ, ສ.ເຊັກໂກ, ຊູແອັດ, ຝລັ່ງ. ນີ້ແມ່ນບາດລ້ຽວສ້າງແງ່ຫວັງການກໍ່ສ້າງເຂດປູກຕົ້ນເຂົ້າ ແລະ ເຂົ້າສານ Oganic ສົ່ງອອກເພື່ອໃຫ້ຂະແໜງກະສິກຳກວາງຈິພັດທະນາແບບຍືນຍົງ. TRANSLATE with x English

(VOVWORLD) -ຫນຶ່ງໃນບັນດາຈຸດທີ່ເປັນເອກະລັກສະເພາະຂອງນະຄອນຫລວງຮ່າໂນ້ຍແຫ່ງອະລິຍະທຳນັບພັນປີແມ່ນຂີດໝາຍຂອງອາຊີບຫັດຖະກຳທີ່ເປັນມູນເຊື້ອ. ເຖິງຢ່າງໃດກໍຕາມປະຈຸບັນອາຊີບນີ້ຍັງຄົງຕ້ອງປະເຊີນຫນ້າກັບສິ່ງທ້າທາຍ ຍ້ອນຄວາມນິຍົມຂອງລູກຄ້າກໍ່ຄືການແກ້ງແຍ່ງຂອງບັນດາຜະລິດຕະພັນອຸດສາຫະກຳ. ຕົວຈິງນັ້ນຮຽກຮ້ອງໃຫ້ ຮ່າໂນ້ຍ ຕ້ອງຮັກສາຄຸນຄ່າທີ່ເປັນມູນເຊື້ອຂອງແຕ່ລະອາຊີບທັງຕ້ອງປະດິດຄິດສ້າງ, ປ່ຽນໃຫມ່ຜະລິດຕະພັນເພື່ອພັດທະນາ.

(VOVWORLD) -ໃນໄຕມາດ 1 ປີນີ້, ຍອດວົງເງິນສົ່ງອອກ ນຳເຂົ້າສິນຄ້າຂອງຫວຽດນາມ ບັນລຸກ່ວາ 154 ຕື້ USD. ເຖິງວ່າ ວົງເງິນສົ່ງອອກຫລຸດລົງກວ່າ 13% ເມື່ອທຽບໃສ່ໄລຍະດຽວກັນຂອງປີກາຍ, ແຕ່ ຫວຽດນາມ ຍັງຄົງຮັກສາດຸນການຄ້າ ແລະ ການສົ່ງອອກເກີນດຸນກວ່າ 4 ຕື້ USD, ສູງກວ່າລະດັບ 1,9 ຕື້ USD ຂອງປີ 2022 ແລະ 2,5 ຕື້ USD ຂອງປີ 2021. ນີ້ແມ່ນສັນຍານຕັ້ງຫນ້າເພື່ອໃຫ້ ຫວຽດນາມ ສຳເລັດຄາດໝາຍການເຕີບໂຕສົ່ງອອກ 6% ໃນປີນີ້. TRANSLATE with x English Arabic Hebrew Polish Bulgarian Hindi