(VOVWORLD) -ດ້ວຍແນວຄວາມຄິດສີຂຽວ, ຫຼາຍຜູ້ປະກອບການທຸລະກິດ Start – up ຢູ່ ນະຄອນ ໂຮ່ຈີມິນ ໄດ້ລະດົມທຶນສຳເລັດຕັ້ງແຕ່ຮອບອອກແນວຄິດໄອເດຍ. ສິ່ງນີ້ໄດ້ຊ່ວຍໃຫ້ວິສາຫະກິດ Start – up ໃໝ່ ຫັນບັນດາໂຄງການສີຂຽວໃຫ້ປະກົດຜົນເປັນຈິງ, ພັດທະນາວິສາຫະກິດ ແລະ ປະກອບສ່ວນຢ່າງແທດຈິງໃຫ້ແກ່ຊຸມຊົນ.

(VOVWORLD) -ໄລ່ຮອດໝົດເດືອນ ພະຈິກ, ນະຄອນຫລວງຮ່າໂນ້ຍ ໄດ້ຕ້ອນຮັບນັກທ່ອງທ່ຽວ 22,6 ລ້ານເທື່ອຄົນ, ເພີ່ມຂຶ້ນ 32,4% ເມື່ອທຽບໃສ່ໄລຍະດຽວກັນຂອງປີກາຍ. ລວມຍອດລາຍຮັບຈາກນັກທ່ອງທ່ຽວຄາດວ່າບັນລຸປະມານ 84.250 ຕື້ດົ່ງ (ກວ່າ 3.46 ຕື້ USD), ເພີ່ມຂຶ້ນ 58.4% ເມື່ອທຽບໃສ່ໄລຍະດຽວກັນຂອງປີກາຍ. ເພື່ອສືບຕໍ່ດຶງດູດນັກທ່ອງທ່ຽວພາຍໃນ ແລະ ຕ່າງປະເທດມາ ຮ່າໂນ້ຍ ໃນໄລຍະຈະມາເຖິງ, ຂະແຫນງທ່ອງທ່ຽວຂອງນະຄອນໄດ້ ແລະ ພວມຜັນຂະຫຍາຍບັນດາຜະລິດຕະພັນທ່ອງທ່ຽວຍາມກາງຄືນ. ນອກຈາກນຳເອົາການບໍລິການທີ່ຫຼາກຫຼາຍ, ເປັນເອກະລັກ ແລະ ມີຄຸນນະພາບມາໃຫ້ນັກທ່ອງທ່ຽວແລ້ວ, ການພັດທະນາການທ່ອງທ່ຽວກາງຄືນຍັງປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງນະຄອນຫຼວງ.

(VOVWORLD) -ການພັດທະນາ, ການເຊື່ອມຕໍ່ຮູບແບບທ່າກຳປັ່ນສີຂຽວ ແມ່ນທ່າອ່ຽງນອນໃນລະບົບການບໍລິການ logistics ຢູ່ ຫວຽດນາມ ເຊິ່ງໄດ້ຮັບການປະຕິບັດທົດລອງນັບແຕ່ປີນີ້, ກ່ອນທີ່ຈະກາຍເປັນມາດຖານທີ່ນຳໃຊ້ແບບບັງຄັບໃນຫລັງປີ 2030. ໃນທ່າອ່ຽງນັ້ນ ບັນດາແຂວງ, ນະຄອນ ໃນເຂດທາງທິດຕາເວັນອອກພາກໃຕ້ ແມ່ນສະຖານທີ່ມີຫລາຍທ່າໄດ້ປຽບດ້ານການຂົນສົ່ງທາງທະເລ, ໄດ້ ແລະ ພວມຕັ້ງຫນ້າຜັນຂະຫຍາຍຕາມຮູບແບບດຸ່ນດ່ຽງລະຫວ່າງຄວາມຕ້ອງການການພັດທະນາເສດຖະກິດ ແລະ ປົກປັກຮັກສາສິ່ງແວດລ້ອມ.

(VOVWORLD) -ໃນຊຸມປີມໍ່ໆມານີ້, 2 ເມືອງ ພູດອຍຄື ນາມດົງ ແລະ ອາເລືອຍ, ແຂວງ ເທື່ອທຽນເຫ້ວ ໄດ້ຮັກສາບັນດາຕະຫຼາດນັດຢູ່ເຂດພູສູງເປັນປະຈຳໃນທ້າຍອາທິດ ແລະ ທ້າຍເດືອນ. ບັນດາຕະຫຼາດນັດດັ່ງກ່າວ ໄດ້ຊ່ວຍເຊື່ອມຕໍ່ການບໍລິໂພກຜະລິດຕະພັນກະເສດເຂດພູສູງ, ປະກອບສ່ວນອະນຸລັກຮັກສາອາຫານການກິນທີ່ເປັນເອກະລັກສະເພາະຂອງຊາວເຜົ່າສ່ວນໜ້ອຍ ແລະ ຊຸກຍູ້ການທ່ອງທ່ຽວວັດທະນະທຳພື້ນເມືອງຂອງທ້ອງຖິ່ນ.

(VOVWORLD) - ໃນຊຸມປີມໍ່ໆມານີ້, ຢູ່ແຂວງ ຈ່າວິງ ແລະ ແຂວງ ຊອັກຈັງ, ນັບມື້ນັບປະກົດມີແມ່ຍິງຫຼາຍຄົນເປັນເຈົ້າຂອງວິສາຫະກິດ. ດ້ວຍຄວາມຕັດສິນໃຈ, ຫົວຄິດປະດິດສ້າງຂອງຕົນ, ບວກກັບການເຂົ້າຮ່ວມ ແລະ ໃຫ້ກຳລັງໃຈຈາກສະຫະພັນແມ່ຍິງທຸກຂັ້ນ, ບັນດາແມ່ຍິງຢູ່ທີ່ນີ້, ໃນນັ້ນ ມີແມ່ຍິງຫຼາຍຄົນເປັນຊົນເຜົ່າຂະແມ ໄດ້ບືນຕົວຂຶ້ນ, ສ້າງຄວາມຮັ່ງມີ ແລະ ຢັ້ງຢືນບົດບາດຂອງຕົນໃນສັງຄົມ.

(VOVWORLD) - ໄລ່ 10 ເດືອນຂອງປີນີ້, ກວ໋າງນິງ ໄດ້ດຶງດູດເງິນລົງທຶນໂດຍກົງຂອງຕ່າງປະເທດ (FDI), ກວ່າ 3 ຕື້ USD ກາຍເປັນແຂວງ ນຳຫນ້າທົ່ວປະເທດກ່ຽວກັບແຫລ່ງທຶນນີ້. ນີ້ແມ່ນໝາກຜົນແຫ່ງຄວາມມານະພະຍາຍາມປະຕິຮູບສະພາບແວດລ້ອມແຫ່ງການລົງທຶນຢ່າງຂ້ຽວຂາດ ຊື່ງແຂວງ ໄດ້ປະຕິບັດໃນຫລາຍປີຜ່ານມາ.

(VOVWORLD) -ປະຈຸບັນ, ເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມມີເນື້ອທີ່ລ້ຽງປາປາຈາປະມານ 6. 000 ເຮັກຕາ, ດ້ວຍປະລິມານການຜະລິດກ່ວາ 1,5 ລ້ານໂຕນ. ນີ້ແມ່ນໜຶ່ງໃນບັນດາຂະແໜງສິນຄ້າປະເພດສິນໃນນ້ຳຫລັກແຫລ່ງຮັບໃຊ້ການສົ່ງອອກຂອງຫວຽດນາມ. ປີກາຍນີ້, ປາຈາຂອງຫວຽດນາມໄດ້ມີຫນ້າ ຢູ່ 140 ຕະຫຼາດໃນໂລກແລະຍອດມູນຄ່າການສົ່ງອອກບັນລຸກວ່າ 2,4 ຕື້ USD. ເພື່ອປັບຕົວໃຫ້ແທດເໝາະກັບການປ່ຽນແປງຂອງດິນຟ້າອາກາດ ແລະຫຼຸດຜ່ອນການປ່ອຍສິ່ງເສດເຫຼືອອອກ, ຂະແຫນງສິນຄ້າປະເພດປາຈາຢູ່ເຂດທົ່ງພຽງແມ່ນ້ຳຂອງພວມມຸ່ງໄປເຖິງການຜະລິດຕາມຮູບແບບເສດຖະກິດໝູນວຽນ, ໝູນໃຊ້ຄວາມກ້າວໜ້າດ້ານເຕັກນິກໃນການປຸງແຕ່ງ, ເກັບຮັກສາ ແລະຂົນສົ່ງ ເພື່ອຍົກສູງມູນຄ່າເສດຖະກິດແບບຍືນຍົງ.

(VOVWORLD) - ເພື່ອແນໃສ່ປະຕິບັດເປົ້າໝາຍພັດທະນາໄປຄຽງຄູ່ກັບການປົກປັກຮັກສາສິ່ງແວດລ້ອມ, ປະກອບສ່ວນໃຫ້ສັງຄົມ, ພ້ອມທັງຕອບສະໜອງບັນດາຄວາມຮຽກຮ້ອງຕ້ອງການນັບມື້ນັບຍາກຂອງຕະຫຼາດການສົ່ງອອກ, ໃນຕົ້ນເດືອນ ຕຸລາ ຜ່ານມາ, ກຸ່ມບໍລິສັດອຸດສາຫະກຳຢາງພາລາ ຫວຽດນາມ ໄດ້ປະກາດຍຸດທະຍາດເຕີບໂຕສີຂຽວ ແລະ ພັດທະນາແບບຍືນຍົງໄລຍະ 2023 – 2030, ວິໄສທັດຮອດປີ 2050. ສຳລັບບັນດາວິສາຫະກິດໃນຂະແໜງ, ການຫັນເປັນສີຂຽວກໍ່ພວມແມ່ນຍຸດທະສາດສ້າງທ່າໄດ້ປຽບໃນການແກ່ງແຍ້ງ, ຍົກສູງຄຸນຄ່າເຄື່ອງໝາຍຂອງວິສາຫະກິດໃນຕະຫຼາດ.

(VOVWORLD) -ໄລຍະຜ່ານມາ,ເລື່ອງຫນູນຊ່ວຍການຈຳຫນ່າຍຜະລິດຕະພັນກະເສດໃຫ້ແກ່ພໍ່ແມ່ປະຊາຊົນຢູ່ເຂດຫ່າງໄກສອກຫລີກ, ເຂດຊາວຊົນເຜົ່າສ່ວນຫນ້ອຍ... ແມ່ນໄດ້ຮັບຄວາມເອົາໃຈໃສ່ຍູ້ແຮງເປັນພິເສດຈາກບັນດາທ້ອງຖິ່ນ. ໃນນັ້ນວຽກງານສົ່ງເສີມການຄ້າມີບົດບາດສຳຄັນໃນການສ້າງກຳລັງຫນູນ, ເປີດກວ້າງຕະຫລາດສົ້ນອອກໃຫ້ແກ່ບັນດາຜະລິດຕະພັນສິນຄ້າຂອງທ້ອງຖິ່ນ, ພິເສດ ແມ່ນເຂດຊາວຊົນເຜົ່າຢູ່ເຂດພູດອຍ, ເປັນຕົ້ນແມ່ນໃນສະພາບເຊື່ອມໂຍງເຂົ້ານັບມື້ນັບເລິກເຊິ່ງກວ້າງຂວາງ.

(VOVWORLD) - ພາຍຫຼັງ 3 ປີແຫ່ງການຜັນຂະຫຍາຍສັນຍາການຄ້າເສລີ ຫວຽດນາມ - ສະຫະພາບເອີລົບ (EVFTA) ໄດ້ສະແດງໃຫ້ເຫັນວ່າ ຄວາມຫວັງກ່ຽວກັບການເຕີບໂຕດ້ານການຄ້າລະຫວ່າງ ຫວຽດນາມ - EU ໄດ້ປະກົດຜົນເປັນຈິງ. ເຖິງຢ່າງໃດກໍຕາມ, ນັບແຕ່ປີທີ 3 ຂອງວິວັດການປະຕິບັດ EVFTA, ສະຫະພາບເອີລົບ ເລີ່ມຈັດວາງຫລາຍມາດຖານສູງກວ່າ, ເພີ່ມທະວີຄວາມຮຽກຮ້ອງຕ້ອງການດ້ານຄຸນນະພາບໃນຂົງເຂດສິ່ງແວດລ້ອມ ແລະ ພັດທະນາແບບຍືນຍົງ... ສິ່ງນີ້ໄດ້ຮຽກຮ້ອງໃຫ້ວິສາຫະກິດ ຫວຽດນາມ ຕ້ອງຕັ້ງໜ້າພັດທະນາການຜະລິດສີຂຽວ ແລະ ນຳໃຊ້ເຕັກໂນໂລຢີທີ່ມີມາດຕະຖານສູງເພື່ອປັບຕົວໃຫ້ແທດເໝາະກັບຄວາມຕ້ອງການໃຫມ່ຂອງຕະຫຼາດ EU.