(VOVWORLD) - ພາຍຫຼັງ ຮ່າຢາງໂຮມເຂົ້າກັບຕວຽນກວາງ, ແຜນທີ່ເສດຖະກິດເຂດທາງທິດຕາເວັນອອກສ່ຽງເໜືອ ຫວຽດນາມ ໄດ້ມີບາດກ້າວປ່ຽນແປງທີ່ມີລັກສະນະຍຸດທະສາດ. ດ້ວຍເນື້ອທີ່ເປີດກວ້າງ, ປະຊາກອນ ແລະ ຊັບພະຍາກອນການທ່ອງທ່ຽວເພີ່ມຂຶ້ນຢ່າງແຮງ, ປັດຈຸບັນ ແຂວງຕວຽນກວາງ ບໍ່ພຽງແຕ່ແມ່ນນະຄອນຫຼວງເຂດປົດປ່ອຍເທົ່ານັ້ນ ຫາກຍັງກາຍເປັນ”ສູນທ່ອງທ່ຽວເຂດພູສູງໃໝ່, ເປັນສະຖານທີ່ເຕົ້າໂຮມຄວາມສາມາດບົ່ມຊ້ອນພັດທະນາເສດຖະກິດການທ່ອງທ່ຽວດ້ວຍຂອບຂະໜາດໃຫຍ່ອີກດ້ວຍ.

(VOVWORLD) - ໄລຍະ 2025 – 2030, ໜຶ່ງໃນບັນດາໜ້າທີ່ຈຸດສຸມໃນການພັດທະນາເສດຖະກິດ - ສັງຄົມຂອງແຂວງ ດົ່ງນາຍ ນັ້ນແມ່ນການສ້າງແຜນຮ່າງເຂດການຄ້າເສລີ. ນີ້ໄດ້ຮັບຖືວ່າແມ່ນກຳລັງໜູນໃຫ້ແກ່ການເຕີບໂຕໃໝ່, ຂຸດຄົ້ນທ່າໄດ້ປຽບພິເສດເມື່ອສະໜາມບິນ ລອງແທັ່ງ ໄດ້ນຳເຂົ້າໃຊ້ງານ.

(VOVWORLD) - ຫວຽດນາມ ຍາມໃດກໍປະຕິບັດຂໍ້ກຳນົດທົ່ວໄປຂອງໂລກກ່ຽວກັບການຕ້ານການຂຸດຄົ້ນສິນທະເລແບບຜິດກົດໝາຍ, ບໍ່ລາຍງານ ແລະ ບໍ່ຖືກຕ້ອງຕາມຂໍ້ກຳນົດ (IUU) ຢ່າງຄົບຖ້ວນ. ຈາກຄຳໝັ້ນສັນຍາຕ້ານ IUU, ຫວຽດນາມ ໄດ້ພັດທະນາອາຊີບຫາປາແບບຍືນຍົງ ແລະ ມີຄວາມຮັບຜິດຊອບຕໍ່ກັບປະຊາຄົມສາກົນ.

(VOVWORLD) - ໄທງວຽນ, ເມືອງເອກແຫ່ງການປູກຕົ້ນຊາຂອງທົ່ວປະເທດ ພວມກ້າວເຂົ້າສູ່ໄລຍະພັດທະນາໃໝ່ດ້ວຍທິດທາງພັດທະນາຕົ້ນຊາ ບໍ່ພຽງແຕ່ແມ່ນຕົ້ນປູກຫຼັກເທົ່ານັ້ນ ຫາກຍັງແມ່ນເຄື່ອງໝາຍການຄ້າຂອງຊາດອີກດ້ວຍ, ບືນຕົວຂຶ້ນຢ່າງແຮງ ດ້ວຍເປົ້າໝາຍບັນລຸຍອດມູນຄ່າຜະລິດຕະພັນຈາກຕົ້ນຊາໃຫ້ໄດ້ 1 ຕື້ USD ໃນໄລຍະ 2025 – 2030. ນີ້ບໍ່ພຽງແຕ່ແມ່ນທິດທາງທີ່ມີລັກສະນະຍຸດທະສາດເທົ່ານັ້ນ ຫາກຍັງແມ່ນການເສີມຂະຫຍາຍຄວາມສາມາດບົ່ມຊ້ອນ, ທ່າໄດ້ປຽບທີ່ມີຢູ່ ແລ້ວຂອງເຂດດິນແດນໂດຍທຳມະຊາດເອື້ອອຳນວຍໃຫ້, ແຫ່ງທີ່ປະຊາຊົນມີມູນເຊື້ອປູກ ແລະ ປຸງແຕ່ງຊາທີ່ມີຄຸນນະພາບສູງມາແຕ່ດົນນານ ໃຫ້ຫຼາຍທີ່ສຸດ.

(VOVWORLD) - ນັບແຕ່ວັນທີ 25 ຕຸລາ ຫາວັນທີ 4 ພະຈິກ, ງານຕະຫຼາດນັດລະດູໃບໄມ້ຫຼົ່ນ 2025 ຈະຈັດຂຶ້ນຢູ່ສູນງານວາງສະແດງ ຫວຽດນາມ (VEC),ດົງແອັງ, ຮ່າໂນ້ຍ. ດ້ວຍຫົວຂໍ້ “ເຊື່ອມຕໍ່ມະນຸດກັບການຜະລິດ, ດຳເນີນທຸລະກິດ” ເຫດການໄດ້ຈັດຂຶ້ນດ້ວຍລະດັບຊາດ, ແມ່ນງານຕະຫຼາດນັດທີ່ມີຂອບຂະໜາດໃຫຍ່ທີ່ສຸດຢູ່ ຫວຽດນາມນັບແຕ່ກ່ອນມາຮອດປັດຈຸບັນ. ບໍ່ພຽງແຕ່ແມ່ນສະຖານທີ່ໂຄສະນາບັນດາຜະລິດຕະພັນດີເດັ່ນ, ມີຄຸນນະພາບສູງຂອງ ວິສາຫະກິດ ຫວຽດນາມ ເທົ່ານັ້ນ ງານຕະຫຼາດນັດຍັງແມ່ນສະຖານທີ່ເຊື່ອມຕໍ່ການຄ້າຂາຍລະຫວ່າງຕະຫຼາດພາຍໃນປະເທດ ແລະ ສາກົນ, ປະກອບສ່ວນຢ່າງຕັ້ງໜ້າເຂົ້າໃນຄາດໝາຍເຕີບໂຕເສດຖະກິດ ຫວຽດນາມໃນປີ 2025, ສ້າງທ່ວງທ່າພັດທະນາແບບຍືນຍົງໃນໄລຍະຈະມາເຖິງ.

(VOVWORLD) - ໃນຊຸມວັນທ້າຍເດືອນຕຸລາ, ເຂດທາງທິດເໜືອແຂວງໄທງວຽນ (ແຂວງບັກການເກົ່າ) ກ້າວເຂົ້າສູ່ລະດູເກັບກ່ຽວໝາກພັບບໍ່ມີແກ່ນສຸດທ້າຍຂອງປີນີ້. ນີ້ແມ່ນໝາກໄມ້ພິເສດຍາມລະດູໄບໄມ້ຫຼົ່ນທີ່ມີຊື່ສຽງຂອງທ້ອງຖິ່ນ, ທັງແມ່ນຜົນລະປູກຫຼັກ, ທີ່ມີມູນຄ່າດ້ານເສດຖະກິດ, ປະກອບສ່ວນຊ່ວຍປະຊາຊົນຍົກສູງລາຍຮັບ, ປັບປຸງຊີວິດການເປັນຢູ່.

(VOVWORLD) - ຫາຍຊາຍທະເລຍາວຢຽດ, ອາກາດເຂດຮ້ອນລົມມໍລະສຸມ, ແຜງລັງສີ ແລະ ຄວາມໄວແຮງລົມສູງແມ່ນຄວາມສາມາດບົ່ມຊ້ອນ, ຄວາມສະດວກໃຫ້ແກ່ຫວຽດນາມ ໃນການພັດທະນາພະລັງງານທົດແທນຄື: ໄຟຟ້າແສງຕາເວັນ, ໄຟຟ້າແຮງລົມ, ພະລັງງານຊີວະມວນ. ດ້ານອື່ນ, ຍ້ອນຕັ້ງຢູ່ໃກ້ກັບສູນຜະລິດພະລັງງານທົດແທນ ແລະ ຕ່ອງໂສ້ການສະໜອງວັດຖຸອຸປະກອນໃຫຍ່ຄື: ຈີນ, ຍີ່ປຸ່ນ, ສ.ເກົາຫຼີ… ດັ່ງນັ້ນ ຫວຽດນາມ ມີໂອກາດກາຍເປັນຕາໂສ້ສຳຄັນໃນຕ່ອງໂສ້ການສະໜອງພະລັງງານທົດແທນທົ່ວໂລກ.

(VOVWORLD) - ເມື່ອກ່ອນນີ້, ປະຊາຊົນຢູ່ທະເລ ທຽນເກີ່ມ (ຂຶ້ນກັບແຂວງ ຮ່າຕິງ) ດຳລົງຊີວິດດ້ວຍອາຊີບຫາປາເປັນສ່ວນຫຼາຍ. ເຖິງຢ່າງໃດກໍຕາມ, ໃນຊຸມປີມໍ່ໆມານີ້, ຫາດຊາຍທະເລ ທຽນເກີ່ມ ໄດ້ກາຍເປັນສະຖານທີ່ທ່ອງທ່ຽວເປັນທີ່ຮູ້ຈັກຂອງແຂກທ່ອງທ່ຽວເປັນຈຳນວນຫຼວງຫຼາຍ ເຊິ່ງໄດ້ສ້າງໂອກາດທີ່ດີເພື່ອໃຫ້ປະຊາຊົນປ່ຽນແປງຈິນຕະນາການຈາກເສດຖະກິດທະເລແບບເກົ່າໄປສູ່ການຂຸດຄົ້ນເສດຖະກິດທ່ອງທ່ຽວທະເລ.

(VOVWORLD) - ແຕ່ດົນນານມາແລ້ວ, ການສົ່ງອອກແມ່ນກຳລັງໜູນເຕີບໂຕສຳຄັນຂອງເສດຖະກິດ ຫວຽດນາມ, ປະກອບສ່ວນຮັກສາລະດັບພັດທະນາສູງ, ຮັກສາດຸນການຄ້າໃຫ້ມີຄວາມ ໝັ້ນທ່ຽງແລະ ສ້າງວຽກເຮັດງານທຳໃຫ້ແກ່ແຮງງານນັບລ້ານຄົນ. ປີ 2025 ນີ້, ລັດຖະບານ ຫວຽດນາມ ໄດ້ວາງອອກຄາດໝາຍສົ່ງອອກໃຫ້ບັນລຸລະດັບເຕີບໂຕ 12%, ເທົ່າກັບວົງເງິນປະມານ 450 – 451 ຕື້ USD, ພ້ອມກັບການສົ່ງອອກເກີນດຸນ 30 ຕື້ USD. ໃນ8 ເດືອນຕົ້ນປີ, ການສົ່ງອອກໄດ້ເພີ່ມຂຶ້ນກວ່າ 13%, ລື່ນກາຍຄາດໝາຍທີ່ໄດ້ວາງອອກ, ເປີດແງ່ຫວັງທີ່ມີຄວາມສາມາດເປັນໄປໄດ້. ເຖິງຢ່າງໃດກໍຕາມ, ເພື່ອຮັກສາທ່າອ່ຽງເຕີບໂຕໃນສະພາບການເສດຖະກິດທົ່ວໂລກຍັງມີການຜັນແປຫຼາຍຢ່າງນັ້ນ, ຫວຽດນາມ ໄດ້ຜັນຂະຫຍາຍຫຼາຍມາດຕະການຍຸດທະສາດຢ່າງຄົບຊຸດ.

(VOVWORLD) - ໃນສະພາບການພູມສາດການເມືອງ ແລະ ເຕັກໂນໂລຢີທົ່ວໂລກ ມີການປ່ຽນແປງຢ່າງລຽນຕິດນັ້ນ, ຫວຽດນາມ ພວມຫັນປ່ຽນຈາກ “ໂຮງງານຜະລິດ” ກາຍເປັນສູນນະວັດຕະກໍາເຕັກໂນໂລຢີສູງຂອງພາກພື້ນ” ເທື່ອລະກ້າວ. ດ້ວຍວົງເງິນສົ່ງອອກເຄື່ອງເອເລັກໂຕນິກບັນລຸກວ່າ 125 ຕື້ USD ໃນປີ 2024 ແລະ ທ່າອຽງພວມເຕີບໂຕຢ່າງວ່ອງໄວ, ພ້ອມກັບການປະກົດຕົວຂອງສູນຄົ້ນຄວ້າ ແລະ ພັດທະນາ (R&D) ຕ່າງປະເທດທີ່ນັບມື້ນັບຫຼາຍ, ຫວຽດນາມ ພວມມຸ່ງໄປເຖິງເປົ້າໝາຍ ສົ່ງອອກເຄື່ອງເອເລັກໂຕນິກໃຫ້ບັນລຸ 145 ຕື້ USD.