(VOVWORLD) - ປີ 2020 ແມ່ນປີທີ່ວິສາຫະກິດທັງໝົດລ້ວນປະສົບກັບຄວາມຫຍຸ້ງຍາກທີ່ສຸດຍ້ອນຖືກຜົນສະທ້ອນຈາກໂລກລະບາດໂຄວິດ 19. ເຖິງແນວນັ້ນກໍຕາມ ນີ້ແມ່ນປີສະແດງໃຫ້ເຫັນຄວາມມານະພະຍາຍາມຂອງບັນດາວິສາຫະກິດຫວຽດນາມ ໃນວິວັດທະນາການພັດທະນາ, ເຊື່ອມໂຍງ... ສິ່ງນີ້ກໍ່ແມ່ນຫນຶ່ງໃນບັນດາສາຍເຫດສຳຄັນເພື່ອໃຫ້ຫວຽດນາມ ບັນລຸໄດ້ໝາກຜົນການເຕີບໂຕເປັນບວກໃນຂະນະສະພາບການພື້ນຖານເສດຖະກິດທົ່ວໂລກພວມຊຸດໂຊມຢ່າງແຮງ.

(VOVWORLD) - ປີ 2020 ຫລາຍທ້ອງຖິ່ນໃນທົ່ວປະເທດ ປະສົບກັບຄວາມຫຍຸ້ງຍາກໃນການດຶງດູດເງິນລົງທຶນໂດຍກົງຂອງຕ່າງປະເທດ (FDI) ຍ້ອນໂລກລະບາດໂຄວິດ 19. ເຖິງຢ່າງໃດກໍຕາມ, ດ້ວຍຄວາມສະດວກຫລາຍຢ່າງພ້ອມກັບນະໂຍບາຍດຶງດູດເງິນລົງທຶນຢ່າງສະດວກສະບາຍ, ແຂວງ ບັກນີງ ຍັງສືບຕໍ່ສ້າງຂີດໝາຍເມື່ອດຶງດູດແຫລ່ງທຶນ(FDI) ດ້ວຍຈຳນວນທຶນເກືອບ 700 ລ້ານ USD ກາຍເປັນຈຸດເດັ່ນຂອງຫວຽດນາມໃນການດຶງດູດ ທຶນ(FDI).

(VOVWORLD) - ຕາມບົດລາຍງານຂອງກະຊວງກະສິກຳ ແລະ ພັດທະນາຊົນນະບົດຫວຽດນາມ ແລ້ວ, ໃນເດືອນພະຈິກ ວົງເງິນຜະລິດຕະພັນກະເສດ ບັນລຸເກືອບ 3,72 ຕື້ USD. ມີສິນຄ້າຫລາຍປະເພດຄື: ໝາກໄມ້, ກາເຟ, ໝາກມ່ວງຫິມະພານ, ບັນດາຜະລິດຕະພັນຈາກໄມ້ ແລະ ຜະລິດຕະພັນໄມ້ ບັນລຸມູນຄ່າການສົ່ງອອກກວ່າ 2 ຕື້ USD. ໂດຍບໍ່ຫົວຊາຕໍ່ຄວາມຫຍຸ້ງຍາກຈາກໂລກລະບາດໂຄວິດ 19, ການສົ່ງອອກຂອງຂະແຫນງກະສິກຳ ຍັງຄົງເຕີບໂຕ, ສູ້ຊົນທັງປີ ທົ່ວຂະແຫນງກະສິກຳ ບັນລຸກວ່າ 41 ຕື້ USD ຈາກການສົ່ງອອກ.

(VOVWORLD) - ໂດຍບໍ່ຫົວຊາຕໍ່ການກະທົບຢ່າງຫນັກຫນ່ວງຈາກໂລກລະບາດໂຄວິດ 19 ແລະ ສະພາບມືດມົນຂອງພື້ນຖານເສດຖະກິດທົ່ວໂລກ, ເສດຖະກິດຫວຽດນາມ ຍັງຄົງໄດ້ຮັບການຄາດຄະເນວ່າ ຈະບັນລຸການເຕີບໂຕສູງ ແລະ ຫວຽດນາມ ສືບຕໍ່ແມ່ນຈຸດເດັ່ນຂອງເສດຖະກິດໂລກປີ 2021.

(VOVWORLD) -ປີ 2020 ແມ່ນປີທີ່ ຊາວກະສິກອນ ແລະ ວິສາຫະກິດຢູ່ເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ ໄດ້ຮັບຜົນດີໃນການປູກເຂົ້າ ແລະ ເຂົ້າສານກໍ່ຂາຍໄດ້ລາຄາ. ເລື່ອງສ້າງໂຄງປະກອບກະສິກຳຄືນໃຫມ່, ບັນດາສັນຍາການຄ້າເສລີ ມີຜົນສັກສິດ ແມ່ນບັນດາປັດໄຈປະກອບສ່ວນນຳມາເຊິ່ງໝາກຜົນດັ່ງກ່າວ.

(VOVWORLD) -ທ່ອງທ່ຽວ ຊີວະພາບ, ຮູບແບບການທ່ອງທ່ຽວໂດຍອີງໃສ່ທຳມະຊາດ ແລະ ວັດທະນະທຳຂອງທ້ອງຖິ່ນຕິດພັນກັບການສຶກສາກ່ຽວກັບສິ່ງແວດລ້ອມ ແມ່ນສິ່ງທີ່ນັບມື້ນັບມີນັກທ່ອງທ່ຽວຫລາຍຄົນຢູ່ພາຍໃນ ແລະ ຕ່າງປະເທດເລືອກເຟັ້ນ. ໂດຍກຳແຫນ້ນໄດ້ທ່າອ່ຽງນັ້ນ ຂະແຫນງທ່ອງທ່ຽວ ບ່າເຣ້ຍ - ຫວູງເຕົາ ດ້ວຍທ່າໄດ້ປຽບຫລາຍຢ່າງ ແລະ ຄວາມສາມາດບົ່ມຊ້ອນພັດທະນາການທ່ອງທ່ຽວຊີວະພາບ ໄດ້ ແລະ ພວມມີບັນດານະໂຍບາຍ ແລະ ມາດຕະການລະອຽດ ເພື່ອພັດທະນາການທ່ອງທ່ຽວຊີວະພາບຕິດພັນກັບຜົນປະໂຫຍດຂອງວົງຄະນາຍາດ.

(VOVWORLD) -ຕາມທະນາຄານໂລກປີ 2020 ແລ້ວ, ເສດຖະກິດຫວຽດນາມ ຈະບັນລຸການເຕີບໂຕຢູ່ໃນລະດັບ 2,8% ແລະ ກອງທຶນເງິນຕາສາກົນຄາດຄະເນລະດັບເຕີບໂຕຈະແມ່ນ 2,4%. ຫວຽດນາມ ແມ່ນຫນຶ່ງໃນ 4 ພື້ນຖານເສດຖະກິດໃນໂລກ ທີ່ມີການເຕີບໂຕກ່ຽວກັບ GDP ສະເລ່ຍຕໍ່ຫົວຄົນ. ເຖິງວ່າ ການເຕີບໂຕ GDP ປີ 2020 ບໍ່ບັນລຸໄດ້ຄືດັ່ງແຜນການວາງອອກ ແຕ່ຖ້າຫາກສັງເກດສະພາບການໃນທົ່ວໂລກ, ພວກເຮົາເຫັນວ່າ ຫວຽດນາມ ແມ່ນຫນຶ່ງໃນຈຳນວນຫນ້ອຍປະເທດທີ່ມີການເຕີບໂຕສູງທີ່ສຸດໃນໂລກ ແລະ ຄວາມມານະພະຍາຍາມ, ກຳລັງຮັບມື ແລະ ຕ້ານໂລກລະບາດໂຄວິດ 19 ຍາມໃດກໍ່ຢູ່ໃນລະດັບສູງສຸດ.

(VOVWORLD) - ສັນຍາຄູ່ຮ່ວມມືຮອບດ້ານພາກພື້ນ (RCEP) ຄາດວ່າຈະຊຸກຍູ້ການພັດທະນາຂອງບັນດາລະບົບມູນຄ່າໃນພາກພື້ນແລະ ທົ່ວໂລກ; ພັດທະນາເສດຖະກິດຂອງບັນດາປະເທດ ອາຊຽນ ໃນນັ້ນ ມີຫວຽດນາມ ແລະ ບັນດາປະເທດຄູ່ຮ່ວມມື. ສັນຍາ RCEP ຈະເປີດກາລະໂອກາດໃຫ້ແກ່ວິສາຫະກິດ ຫວຽດນາມ ຍູ້ແຮງການສົ່ງອອກ, ເຂົ້າຮ່ວມບັນດາລະບົບມູນຄ່າໃຫມ່ໃນພາກພື້ນ ແລະ ເພີ່ມທະວີການດຶງດູດການລົງທຶນຕ່າງປະເທດ.

(VOVWORLD) - ໂດຍບໍ່ຫົວຊາຕໍ່ຜົນສະທ້ອນຈາກໂລກລະບາດໂຄວິດ 19, ນັບແຕ່ຕົ້ນປີ 2020 ມາຮອດປະຈຸບັນ, ການດຶງດູດການລົງທຶນເຂົ້ານະຄອນ ດາຫນັງ ຍັງສືບຕໍ່ມີການຫັນປ່ຽນຕັ້ງຫນ້າຫລາຍຢ່າງ. ບັນລຸໄດ້ໝາກຜົນນີ້ກໍ່ຍ້ອນວ່າ ນະຄອນດາຫນັງ ໄດ້ສຸມໃສ່ກໍ່ສ້າງພື້ນຖານໂຄງລ່າງທີ່ຈຳເປັນໃຫ້ແກ່ບັນດາເຂດອຸດສາຫະກຳ, ເຕັກໂນໂລຊີສູງ, ຕັ້ງຫນ້າປະຕິຮູບລະບຽບການດ້ານບໍລິຫານ.. ເປັນເຈົ້າການຕ້ອນຮັບກະແສການລົງທຶນໃຫມ່.

(VOVWORLD) -ບັນດາຄວາມຫຍຸ້ງຍາກ ຍ້ອນໂລກລະບາດໂຄວິດ 19 ໄດ້ເຮັດໃຫ້ວິສາຫະກິດຫວຽດນາມ ຫລາຍແຫ່ງຕ້ອງຢຸດຕິການຜະລິດ ຫລື ຖືກລົ້ມລະລາຍ. ເຖິງຢ່າງໃດກໍຕາມ ມີວິສາຫະກິດບາງແຫ່ງ ໄດ້ມີຄວາມວ່ອງໄວໃນການກຳນົດຕະຫລາດຄືນໃຫມ່, ສ້າງຄວາມແຕກຕ່າງໃນຜະລິດຕະພັນ ເພື່ອແກ້ງແຍ່ງ ແລະ ສຳຜັດກັບຕະຫລາດສົ່ງອອກໄດ້ເປັນຢ່າງດີ. ຢູ່ ນະຄອນ ໂຮ່ຈີມິນ ມີວິສາຫະກິດຫລາຍແຫ່ງ ຍ້ອນມີທິດກ້າວເດີນນີ້ ເຂົາເຈົ້າໄດ້ມີໃບສັ່ງຊື້ສິນຄ້າສົ່ງອອກຫລາຍສະບັບໃຫ້ແກ່ໄຕມາດ 4 ປີ 2020 ແລະ ທັງໄຕມາດ 1 ປີ 2021,ພ້ອມກັນນັ້ນ ກໍຍັງມີທິດເປີດກວ້າງການຜະລິດໃນໄລຍະຈະມາເຖິງ.