(VOVWORLD) - ພາຍຫລັງຄວບຄຸມໂລກລະບາດໂຄວິດ-19 ໄດ້ໂດຍພື້ນຖານແລ້ວ, ຫວຽດນານ ກໍ່ພວມຕັ້ງຫນ້າເລີ່ມຟື້ນຟູພື້ນຖານເສດຖະກິດຄືນໃຫມ່. ຕາມບັນດານັກຊ່ຽວຊານແລ້ວ, ນີ້ແມ່ນກາລະໂອກາດເພື່ອໃຫ້ບັນດາວິສາຫະກິດຫວຽດນາມ ຊຸກຍູ້ການຜະລິດດຳເນີນທຸລະກິດ. ພິເສດ ໃນສະພາບການສົ່ງອອກພວມປະສົບກັບຄວາມຫຍຸ້ງຍາກຫລາຍຢ່າງ ຍ້ອນການຜັນແປ ຂອງໂລກລະບາດໃນໂລກຍັງສັບສົນ, ຕະຫລາດພາຍໃນປະເທດ ດ້ວຍພົນລະເມືອງເກືອບ 100 ລ້ານຄົນ ໄດ້ຮັບຖືວ່າແມ່ນສະຖານທີ່ເຕັມໄປດ້ວຍຄວາມສາມາດບົ່ມຊ້ອນເພື່ອໃຫ້ບັນດາວິສາຫະກິດສຸມໃສ່ຂຸດຄົ້ນ, ຜ່ານຜ່າຄວາມຫຍຸ້ງຍາກ ແລະ ບືນຕົວຂຶ້ນພາຍຫລັງໂລກລະບາດໂຄວິດ 19.

(VOVWORLD) -ດ້ວຍເລື່ອງຄວບຄຸມໂລກລະບາດໂຄວິດ 19 ໂດຍໄວ ແລະ ທ່າໄດ້ປຽບແມ່ນສະຖານທີ່ລົງທຶນປອດໄພ, ຫວຽດນາມ ພວມກາຍເປັນປະເທດດຶງດູດກະແສເງິນລົງທຶນໂດຍກົງຫັນທິດມາຈາກຕ່າງປະເທດ.

(VOVWORLD) -ໃນສະພາບເສດຖະກິດລວມພວມຖືກຊຸດໂຊມຍ້ອນໂລກລະບາດ ໂຄວິດ 19, ແຕ່ແຂວງ ກວ໋າງນີງ ຍັງຄົງສືບຕໍ່ແມ່ນຈຸດເດັ່ນຈາກການຜະລິດອຸດສະຫະກິດ ແມ່ນຫນຶ່ງໃນບັນດາທ້ອງຖິ່ນຮັກສາທ່າເຕີບໂຕ, ອົງປະກອບເສດຖະກິດມີສະຖຽນລະພາບ.

(VOVWORLD) - ໄຕມາດ 1 ປີນີ້, ນະຄອນ ດາຫນັງ ໄດ້ເລີ່ມລົງມືກໍ່ສ້າງສິບໆໂຄງການ, ໃນນັ້ນ ມີບັນດາໂຄງການຈຸດສຸມ. ໄລ່ຮອດກາງເດືອນ ເມສາ, ບັນດາຫົວຫນ່ວຍໄດ້ປ່ອຍເງິນເກືອບ 680 ລ້ານ USD, ບັນລຸ 13% ແຜນການທີ່ວາງອອກໃຫ້ທັງປີ. ໝາກຜົນການປ່ອຍເງິນລົງທຶນໄຕມາດ 1 ປີນີ້ ເພີ່ມຂຶ້ນທົບ 3 ເທົ່າເມື່ອທຽບໃສ່ໄລຍະດຽວກັນຂອງປີ 2019. ໃນສະພາບການເສດຖະກິດປະສົບກັບຄວາມຫຍຸ້ງຍາກ ຍ້ອນຜົນສະທ້ອນຈາກໂລກລະບາດໂຄວິດ 19, ນະຄອນ ດາຫນັງ ກຳນົດຈະຍູ້ແຮງຄວາມຄືບຫນ້າການລົງທຶນ ຂອງລັດເພື່ອສ້າງກຳລັງຫນູນພັດທະນາ, ແກ້ໄຂວຽກເຮັດງານທຳ.

(VOVWORLD) - ການສົ່ງອອກຜະລິດຕະພັນກະເສດຂອງຫວຽດນາມ ພວມປະສົບກັບຄວາມຫຍຸ້ງຍາກຫລາຍຢ່າງ ຍ້ອນໂລກລະບາດໂຄວິດ 19. ເພື່ອແກ້ໄຂຄວາມຫຍຸ້ງຍາກກ່ຽວກັບການຈຳຫນ່າຍຜະລິດຕະພັນກະເສດ, ກະຊວງກະສິກຳ ແລະ ພັດທະນາຊົນນະບົດ ຫວຽດນາມ ໄດ້ພ້ອມກັບບັນດາຫົວຫນ່ວຍກ່ຽວຂ້ອງ ແລະ ວິສາຫະກິດ ຕັ້ງຫນ້າ ກຳແຫນ້ນສະພາບການຜັນແປຂອງຕະຫລາດ ແລະ ແຈ້ງຂໍ້ມູນຢ່າງທັນການເຖິງບັນດາທ້ອງຖິ່ນ ແລະ ສະຫະສະມາຄົມຂະແຫນງສິນຄ້າເພື່ອຊອກຫາສົ້ນອອກໃຫ້ຜະລິດຕະພັນກະເສດ.

(VOVWORLD) -ໂລກລະບາດ ໂຄວິດ 19 ພວມສົ່ງຜົນສະທ້ອນຢ່າງຫນັກຫນ່ວງເຖິງສະພາບການຜະລິດ, ດຳເນີນທຸລະກິດຂອງວິສາຫະກິດເກືອບທັງໝົດທີ່ພວມເຄື່ອນໄຫວໃນຫລາຍຂົງເຂດແຕກຕ່າງກັນ.ເຖິງຢ່າງໃດກໍຕາມ, ນີ້ກໍ່ແມ່ນໂອກາດເພື່ອໃຫ້ບັນດາຂະແຫນງຊອກບັນດາກາລະໂອກາດໃຫມ່ເພື່ອພັດທະນາ ແລະ ຊອກທິດກ້າວເດີນໃຫມ່ ແລະ ກາລະໂອກາດ. ມີວິສາຫະກິດຫລາຍແຫ່ງພວມຊອກວິທີການແກ້ໄຂຄວາມຫຍຸ້ງຍາກເພື່ອຜ່ານຜ່າໂລກລະບາດໂຄວິດ 19 ດ້ວຍມາດຕະການມີໄຫວພິບຫັນປ່ຽນຜະລິດຕະພັນ, ປ່ຽນຮູບແບບໃໝ່ໃນການດຳເນີນທຸລະກິດ, ປັບຕົວໃຫ້ແທດເໝາະກັບການປ່ຽນແປງຄວາມຊິນເຄີຍໃນການຊົມໃຊ້ຂອງປະຊາຊົນ.

(VOVWORLD) -ຍ້ອນຖືກຜົນສະທ້ອນຢ່າງແຮງຈາກໂລກລະບາດ ໂຄວິດ 19, ການເຕີບໂຕ GDP ໄຕມາດ 1 ປີ 2020 ຂອງຫວຽດນາມ ຄາດວ່າ ບັນລຸພຽງໃນລະດັບ 3,82% ເຊິ່ງແມ່ນລະດັບຕ່ຳສຸດນັບແຕ່ປີ 2011. ເຖິງຢ່າງໃດກໍຕາມ ເມື່ອທຽບໃສ່ສະພາບການລວມຂອງພາກພື້ນ ແລະ ໂລກແລ້ວ, ບັນດາຜູ້ຊ່ຽວຊານຢືນຢັນວ່າ ລະດັບການເຕີບໂຕດັ່ງກ່າວຍັງຄົງແມ່ນຕົວເລກສູງພໍສົມຄວນ. ພິເສດ ພື້ນຖານເສດຖະກິດ ຫວຽດນາມ ຍັງຄົງມີບັນດາຈຸດເດັ່ນທີ່ສາມາດສຸມໃສ່ຂຸດຄົ້ນ ແລະ ຊຸກຍູ້.

(VOVWORLD)- ໂລກລະບາດ Covid-19 ສົ່ງຜົນກະທົບເຖິງການພົວພັນຄ້າຂາຍສິນຄ້າລະຫວ່າງຫວຽດນາມ ກັບບັນດາຕະຫລາດນຳເຂົ້າຜະລິດຕະພັນກະເສດ ເປັນຕົ້ນແມ່ນຕະຫລາດຈີນ, ອັນໄດ້ກໍ່ຄວາມຫຍຸ້ງຍາກຫລາຍຢ່າງສຳລັບວິສາຫະກິດສົ່ງອອກຜະລິດຕະພັນກະເສດຂອງຫວຽດນາມ. ເຖິງຢ່າງໃດກໍຕາມ ດ້ວຍການປະດິດຄິດສ້າງຂອງຕົນ, ມີວິສາຫະກິດຫວຽດນາມ ຫລາຍແຫ່ງ ຊອກໄດ້ທິດກ້າວເດີນໃຫມ່, ວິທີເຮັດໃຫມ່ ເພື່ອຈຳຫນ່າຍບັນດາຜະລິດຕະພັນ ຈາກນັ້ນ ຊອກທິດພັດທະນາແບບຍືນຍົງໃຫ້ແກ່ວິສາຫະກິດ.

(VOVWORLD) - ການເຕີບໂຕເສດຖະກິດ ຫວຽດນາມ ຄາດຄະເນວ່າ ຈະຫລຸດລົງຢ່າງແຮງໃນປີ 2020, ລົງໃນລະດັບ 4,8%, ຍ້ອນຖືກຜົນສະທ້ອນຈາກໂລກລະບາດໂຄວິດ 19 ແຜ່ລະບາດ ແລະ ຕໍ່ໄປແມ່ນບັນດາການກະທົບຫລຸດລົງຢ່າງແຮງກ່ຽວກັບຄວາມຕ້ອງການ ເຊິ່ງປັດຈຸບັນພວມເກີດຂຶ້ນຢູ່ບັນດາປະເທດເປັນຄູ່ຮ່ວມມືດ້ານການຄ້າ ແລະ ການລົງທຶນຕົ້ນຕໍຂອງ ຫວຽດນາມ.

(VOVWORLD) - ນອກຈາກຖືກຜົນກະທົບຢ່າງຫນັກຫນ່ວງຍ້ອນການປ່ຽນແປງຂອງດິນຟ້າອາກາດ ແລະ ສັດລ້ຽງ ສັດປີກຖືກໂລກພະຍາດແລ້ວ, ຂະແຫນງກະສິກຳ ກໍພວມຖືກຜົນກະທົບຈາກໂລກລະບາດ COVID-19 ເຊັ່ນດຽວກັນ. ເຖິງຢ່າງໃດກໍຕາມ ດ້ວຍຄວາມມານະພະຍາຍາມຂອງຕົນ, ຂະແຫນງກະສິກຳ ຍັງຄົງສືບຕໍ່ ຄ້ຳປະກັນດ້ານສະບຽງອາຫານເພື່ອຄວາມຕ້ອງການຢູ່ພາຍໃນປະເທດ ແລະ ການສົ່ງອອກ.