ທ່າອາກາດສະຍານ ລຽນເຄືອງ ສວຍງາມຄືດັ່ງດອກໄມ້ຢູ່ເຂດພູພຽງ
CTV Hà Thành/VOV.VN -
(VOVWORLD) -ທ່າອາກາດສະຍານ ລຽນເຄືອງ (ແຂວງ ເລິມດົ່ງ) ໄດ້ຮັບການອອກແບບຄືດັ່ງດອກຕາເວັນປ່າຢູ່ເຂດພູພຽງ.
 |
| ສະໜາມບິນ ລຽນເຄືອງ ຕັ້ງຢູ່ເສັ້ນທາງຫຼວງເລກທີ 20, ຂຶ້ນກັບເທດສະບານ ລຽນຫງາຍ, ເມືອງ ດຶ໊ກຈ້ອງ, ແຂວງ ເລິມດົ່ງ, ຫ່າງຈາກໃຈກາງນະຄອນ ດ່າລາດ ໄປທາງທິດໃຕ້ປະມານ 20 ກມ. |
 |
| ກິດຈະກຳນີ້ມີໂຄງສ້າງທັນສະໄໝ ແລະ ມີຂອບຂະໜາດໃຫຍ່. ທ່າອາກາດສະຍານມີເນື້ອທີ່ກວ້າງ 12.400 ຕາແມັດ, ລວມມີ 2 ຊັ້ນ, ປະກອບດ້ວຍລະບົບເຄື່ອງອຸປະກອນທັນສະໄໝທີ່ສຸດເພື່ອຮັບໃຊ້ຜູ້ໂດຍສານ ແລະ ສາມາດຕ້ອນຮັບຜູ້ໂດຍສານໄດ້ 1,5 ລ້ານ ຫາ 2 ລ້ານເທື່ອຄົນ/ປີ. |
 |
| ກິດຈະກຳໄດ້ອອກແບບຕາມຮູບດອກຕາເວັນປ່າ - ເຊິ່ງແມ່ນດອກໄມ້ຂອງເຂດພູພຽງ Langbiang. ແນວຄວາມຄິດໄດ້ສະແດງອອກຜ່ານບັນດາຫຼັງຄາສີເຫຼືອງສົ້ມ ຄືດັ່ງສີຂອງດອກໄມ້. ກິດຈະກຳໄດ້ຮັບລາງວັນທີ 1 ໃນການອອກແບບສະຖາປັດຕະຍາກຳລະດັບຊາດໃນປີ 2010. |
 |
| ຫຼັງຄາຂອງທ່າອາກາດສະຍານໄດ້ອອກແບບຕາມກີບຂອງດອກຕາເວັນປ່າ. |
 |
| ທ່າອາກາດສະຍານໄດ້ນຳໃຊ້ບັນດາວັດສະດຸກໍ່ສ້າງໃໝ່ຄື ອາລູມີນຽມ, ເຫຼັກກ້າ, ແກ້ວ… ເພື່ອສ້າງເປັນຮູບແບບທັນສະໄໝຂອງກິດຈະກຳການບິນ. |
 |
| ຢູ່ພາຍນອກທ່າອາກາດສະຍານໄດ້ປູກຕົ້ນໄມ້ເຮັດໃຫ້ມີຄວາມຮູ້ສຶກເຢັນສະບາຍ. |
 |
| ພ້ອມກັບບັນດາຕົ້ນໄມ້ຂຽວອຸ່ມທຸ່ມ ແມ່ນອ່າງນ້ຳພຸ ຊ່ວຍໃຫ້ອາກາດຍາມໃດກໍ່ເຢັນສະບາຍ. |
 |
| ລະບົບຫຼັງຄາໄດ້ເຮັດດ້ວຍເຫຼັກກ້າ ແລະ ແກ້ວ ຊ່ວຍໃຫ້ເພີ່ມແສງຕາເວັນ ແລະ ສ້າງເປັນຈຸດທີ່ເປັນເອກະລັກສະເພາະ. |
 |
| ຢູ່ເຂດໃຈກາງຂອງທ່າອາກາດສະຍານແມ່ນລະບົບຂັ້ນໄດເຊື່ອມຕໍ່ກັນແຕ່ຊັ້ນໜຶ່ງ ຂຶ້ນຫາຊັ້ນສອງ. |
 |
| ທ່າອາກາດສະຍານ ລຽນເຄືອງ ມີບ່ອນແຈ້ງປີ້ 18 ບ່ອນ, ໃນນັ້ນມີ 9 ບ່ອນແມ່ນແຈ້ງປີ້ພາຍໃນປະເທດ ແລະ 9 ບ່ອນແມ່ນແຈ້ງປີ້ອອກຕ່າງປະເທດ. |
 |
| ນອກຈາກບັນດາເຄື່ອງຂອງທີ່ໄດ້ວາງຂາຍຢູ່ຕາມຮ້ານຂາຍເຄື່ອງທີ່ລະນຶກຢູ່ພາຍໃນທ່າອາກາດສະຍານແລ້ວ, ຢູ່ທ່າອາກາດສະຍານ ລຽນເຄືອງ ຍັງມີຮ້ານຂາຍດອກ ດ່າລາດ ອີກດ້ວຍ - ພິເສດແມ່ນດອກກ້ວຍໄມ້ຫຼາຍຊະນິດ ແລະ ສາມາດນຳເອົາຂຶ້ນຍົນໄດ້. |
 |
| ພ້ອມກັບທ່າອາກາດສະຍານຫຼັງໃໝ່, ສະໜາມບິນ ລຽນເຄືອງ ມີລານບິນໃໝ່ຍາວ 3245 ມ, ກວ້າງ 45ມ ເອື້ອອຳນວຍຄວາມສະດວກໃຫ້ແກ່ເຮືອບິນຄື A320, A321 ສາມາດເຄື່ອນໄຫວຢູ່ທີ່ນີ້ໄດ້. ເດືອນ ພະຈິກ ແມ່ນເດືອນທີ່ດອກຕາເວັນປ່າບານເບັ່ງ ຢູ່ເຂດໄຕງວຽນ, ຜູ້ໂດຍສານຈະເຫັນດອກຕາເວັນປ່າບານສະພັ່ງຕາມຂອບລານບິນຢູ່ສະໜາມບິນ ລຽນເຄືອງ. |
CTV Hà Thành/VOV.VN