ວັນບຸນ “Surf ຮະລອງ” (ໂຕ້ຄື້ນ ຮະລອງ) ຄັ້ງທຳອິດໄດ້ຈັດຂຶ້ນດ້ວຍການສະແດງຈ້ອງເວີ່ນ paragliding, ເຮືອໃບ, ລົດໂມໂຕນ້ຳ (jet ski), jet board (ກະດານໂຕ້ຄື້ນ) ທີ່ເປັນໜ້າຈັບອົກຈັບໃຈຢູ່ທ່າມກາງທະເລຂອງອ່າວຮະລອງ, ແຂວງກວ໋າງນິງ.

ຕອນບ່າຍວັນທີ 24 ສິງຫາ, ມີປະຊາຊົນ ແລະ ແຂກທ່ອງທ່ຽວນັບພັນຄົນໄປຍັງຖະໜົນແຄມທະເລ ເຈິ່ນກວັກງຽນ, ໃຈກາງນະຄອນຮະລອງ ເພື່ອຕິດຕາມ ວັນບຸນ “Surf ຮະລອງ” ປີ 2024.

ນີ້ເປັນຄັ້ງທຳອິດທີ່ນະຄອນ ຮະລອງ ຈັດຕັ້ງວັນບຸນ ເຮເຮືອ, ຈ້ອງເວີ່ນ, ລົດໂມໂຕນ້ຳ ສົມທົບກັບສະໂມສອນເຮືອໃບ ຮະລອງ ແລະ ບັນດາຫົວໜ່ວຍທີ່ກ່ຽວຂ້ອງ, ມຸ່ງໄປເຖິງການຈັດຕັ້ງວັນບຸນປະຈຳປີ ເພື່ອໂຄສະນາການທ່ອງທ່ຽວ, ພາບພົດຂອງດິນແດນ ແລະ ຊາວຮະລອງ - ກວ໋າງນິງ

ແຕ່ເວລາ 17 ໂມງ, ມີພາຫະນະທາງນ້ຳ ແລະ ທາງການບິນກ່ວາ 50 ເຄື່ອງໄດ້ເຄື່ອນຍ້າຍເຂົ້າໄປເຂດເວທີ ເຊິ່ງແມ່ນເຂດນ້ຳຕໍ່ໜ້າສວນສາທາລະນະດອກໄມ້ ຮະລອງ

ຢູ່ກາງອາກາດແມ່ນກຸ່ກຸຈ້ອງເວີ່ນ paramoto ພວມສະແດງກຳລັງພ້ອມກັບທຸງຊາດ. ບັນດານັກບິນ ໄດ້ບັນຊາຈ້ອງເວີ່ນດ້ວຍຄວາມຄ່ອງແຄ້ວ ສ້າງຄວາມປະທັບໃຈໃຫ້ແກ່ຜູ້ຊົມເປັນທີ່ສຸດ

ສີແດງຂອງທຸງຊາດຍິ່ງພົ້ນເດັ່ນຂຶ້ນທ່າມກາງສີຟ້າຂອງທະເລ, ທ້ອງຟ້າ ແລະ ເກາະຫີນແຫ່ງຕ່າງໆຢູ່ຮະລອງ, ສ້າງເປັນຮູບພາບທີ່ສວຍງາມໃນໂອກາດສະເຫຼີມສະຫຼອງ 79 ປີແຫ່ງວັນການປະຕິວັດເດືອນສິງຫາ ປະສົບຜົນສຳເລັດ (19/8) ແລະ ວັນຊາດຫວຽດນາມ (2/9).

ກຸ່ມເຮືອໃບຂາວ ແມ່ນສິ່ງທີ່ຕິດພັນກັບວັນບຸນຕ່າງໆຢູ່ ຮະລອງ ເມື່ອໄດ້ເຂົ້າຮ່ວມຫຼາຍວັນບຸນ ແລະ ເຫດການທ່ອງທ່ຽວຢູ່ທີ່ນີ້.

ບັນດານັກກິລາອາຊີບກໍ່ສະແດງການຂີ່ລົດໂມໂຕນ້ຳສິລະປະ ແລ່ນຕາມກອງສະແດງ, ພິເສດແມ່ນສ້າງຮູບວົງມົນທີ່ງາມຕາເທິງໜ້ານ້ຳ.

ຈຸດພົ້ນເດັ່ນຂອງວັນບຸນແມ່ນການປະກົດມີ jet board ນັບສິບອັນ

ບັນດານັກກິລາ jet board ໄດ້ຄຸມເສື້ອ ມີຮູບທຸງຊາດ ຕິດດອກໄຟ led, ແລ່ນເທິງໜ້ານ້ຳ ແລະ ແຈ້ງສະຫວ່າງຂຶ້ນໃນຍາມທ້ອງຟ້າມືດລົງ.

ປະຊາຊົນ ແລະ ແຂກທ່ອງທ່ຽວຮູ້ສຶກຈັບອົກຈັບໃຈ ຕໍ່ບັນດາການສະແດງທີ່ພົ້ນເດັ່ນ ແລະ ສວຍງາມ.

ບັ້ງໄຟດອກປະກາຍແຈ້ງໂດຍບັນດານັກກິລາຂີ່ໂມໂຕນ້ຳຍິງຢູ່ໜ້ານ້ຳທະເລໃນອ່າວ, ທ່າມກາງກຳປັ່ນທີ່ເຫຼື້ອມຍິບຍັບຫຼາຍສີ

ສິ້ນສຸດແມ່ນການຍິງບັ້ງໄຟດອກໂດຍກົງຈາກ jet board, ອັນໄດ້ສ້າງບັນຍາກາດທີ່ຟົດຟື້ນຂອງວັນບຸນ.

ວັນບຸນແມ່ນໜຶ່ງໃນບັນດາເຫດການປະຕິບັດການຫັນເປົ້າໝາຍສ້າງ “ຮະລອງ - ນະຄອນແຫ່ງວັນບຸນ” ໃຫ້ປະກົດຜົນເປັນຈິງ.