100 ຕື້ດົ່ງໃຫ້ການ ສົ່ງເສີມການຄ້າແຫ່ງຊາດປີ 2015
(ພາບປະກອບ)
(vovworld) - 100 ຕື້ດົ່ງໃຫ້ການສົ່ງເສີມການຄ້າແຫ່ງຊາດປີ 2015, ນີ້ແມ່ນຂໍ້ຕົກລົງໂດຍທ່ານລັດຖະມົນຕີວ່າການກະຊວງອຸດສາຫະກຳ ແລະ ການຄ້າຫວຽດນາມ ຫວູຮຸຍຮ່ວາງ ລົງນາມປະກາດໃຊ້ຫວ່າງແລ້ວນີ້. ຕາມນັ້ນແລ້ວ, ໂຄງການສົ່ງເສີມການຄ້າແຫ່ງຊາດປີ 2015 ລວມມີ 212 ແຜນຮ່າງທີ່ກ່ຽວຂ້ອງເຖິງການພັດທະນາການຕະຫຼາດ, ສິນຄ້າສົ່ງອອກ, ຂໍ້ມູນຂ່າວການຄ້າພາຍໃນປະເທດ ແລະ ສາກົນ, ການສົ່ງເສີມການຄ້າຂອງບັນດາເຂດເສດຖະກິດ, ການບຳລຸງສ້າງຍົກສູງກຳລັງຄວາມສາມາດໃຫ້ແກ່ບັນດາວິສາຫະກິດ, ສະຫະກອນ, ອົງການສົ່ງເສີມການຄ້າ.
ໂຄງການດັ່ງກ່າວກໍ່ສືບຕໍ່ບຸລິມະສິດໃຫ້ບັນດາການເຄື່ອນໄຫວສົ່ງເສີມການຄ້າພັດທະນາຕະຫຼາດພາຍໃນປະເທດ, ພິເສດແມ່ນສ້າງເຄືອຂ່າຍແຈກຢາຍສິນຄ້າຢູ່ເຂດຊົນນະບົດ, ເຂດພູດອຍ, ເຂດຊາຍແດນ ແລະ ບັນດາທ້ອງຖິ່ນຍັງປະສົບກັບຄວາມຫຍຸ້ງຍາກ.