(vovworld) - ໂດຍສະໜັບສະໜູນວັນສາກົນຜູ້ອາສາສະໝັກ, ຕອນຄ່ຳວັນທີ 05/12, ຢຸ່ຮ່າໂນ້ຍ, ສູນກາງຊາວໜຸ່ມກອມມູນິດໂຮ່ຈິມິນ ແລະ ລາຍການອາສາສະໝັກສະຫະປະຊາຊາດ (UNV) ໄດ້ສົມທົບກັນຈັດຕັ້ງພິທີມອບລາງວັນອາສາສະໝັກແຫ່ງຊາດ 2015. ນີ້ແມ່ນການເຄື່ອນໄຫວປະຈຳປີ ເພື່ອແນໃສ່ຍ້ອງຍໍບັນດາສ່ວນບຸກຄົນ, ອົງການຈັດຕັ້ງອາສາສະໝັກ ທີ່ໄດ້ອຸທິດສ່ວນ ແລະ ມີຜົນງານດີເດັ່ນໃນວຽກງານອາສາສະໝັກເພື່ອປະຊາຄົມ, ປະກອບສ່ວນເຂົ້າໃນວຽກງານສ້າງສາ ແລະ ປົກປັກຮັກສາປະເທດຊາດ. ລາງວັນອາສາສະໝັກແຫ່ງຊາດ 2015 ໄດ້ມອບໃຫ້ 12 ໝູ່ຄະນະ, 9 ສ່ວນບຸກຄົນດີເດັ່ນ. ອ້າຍ ຫງວຽນຟິລອງ, ປະທານສະມາຄົມຊາວໜຸ່ມຫວຽດນາມ ໃຫ້ຮູ້ວ່າ,
“ໃນສະພາບພັດທະນາ, ເຊື່ອມໂຍງຢ່າງເລິກເຊິ່ງ, ກວ້າງຂວາງ, ເລື່ອງສ້າງເງື່ອນໄຂພັດທະນາ ແລະ ສ້າງຖັນແຖວຊາວໜຸ່ມຫວຽດນາມ ໃຫ້ມີຄວາມຮັກປະເທດຊາດ ແລະ ມີຄວາມໄຝ່ຝັນແມ່ນໜຶ່ງໃນບັນດາປັດໄຈຕັດສິນການພັດມະນາປະເທດຊາດຢ່າງໝັ້ນຄົງ. ຄະນະຊາວໜຸ່ມທຸກຂັ້ນຕ້ອງຍູ້ແຮງບັນດາຂະບວນການເຄື່ອນໄຫວປະຕິວັດ, ເສີມຂະຫຍາຍບົດບາດປະຈັນບານ, ອາສາສະໝັກຂອງໄວໜຸ່ມ. ສ້າງເງື່ອນໄຂສະດວກ ແລະ ກຳນົດທິດໃຫ້ບັນດາສະໂມສອນ, ຫົວໜ່ວຍ, ກຸ່ມອາສາສະໝັກເຄື່ອນໄຫວ, ໜູນຊ່ວຍດ້ານລະບຽບການກົດໝາຍ ແລະ ເຊື່ອມຕໍ່ບັນດາສະຖານທີ່ອາສາສະໝັກນຳກັນ.”