(vovworld) – ຕອນເຊົ້າວັນທີ 31/3, ສ ເກົາຫຼີ ແລະ ສປປ ເກົາຫຼີ ໄດ້ຍິງປືນໃຫຍ່ໃສ່ກັນໃນບໍລິເວນໃກ້ກັບເຂດຊາຍແດນທາງນ້ຳລະຫວ່າງ 2 ພາກ (NLL) ຢູ່ທະເລ ເຫຼືອງ ຖະແຫຼງການຂອງສະພາຫົວໜ້າເສນາທິການທະຫານປະສົມ ສ ເກົາຫຼີ (JSC) ໄດ້ຊີ້ແຈ້ງວ່າ: ກອງທັບປະເທດນີ້ໄດ້ຍິງປືນໃຫຍ່ໂຕ້ຕອບ, ພາຍຫຼັງທີ່ “ລູກປືນໃຫຍ່ບາງລູກຂອງ ສປປ ເກົາຫຼີ ຕົກເຂົ້າສູ່ເຂດນານທະເລຂອງ ສ ເກົາຫຼີ”. ສປປ ເກົາຫຼີ ເລີ່ມດຳເນີນການຊ້ອມຮົບດ້ວຍລູກປືນແທ້ຢູ່ທະເລທາງທິດຕາເວັນຕົກຂອງປະເທດນີ້, ພາຍຫຼັງ ພຽງຢາງ ປະກາດກັບ ເຊີອູນ ກ່ຽວກັບແຜນການຊ້ອມຮົບ ແລະ ປະກາດຂໍ້ກ່າວເຕືອນກ່ຽວກັບການໄປມາຢູ່ບໍລິເວນໃກ້ກັບເຂດຊາຍແດນທາງທະເລທີ່ຖືກພິດພາດກັນໃນທະເລເຫຼືອ ພຽງ 2, 3 ຊົ່ວໂມງ. ຊ່ອງໂທລະພາບ YTN ສ ເກົາຫຼີ ໄດ້ໃຫ້ຂ່າວວ່າ ບັນດາລູກປືນໃຫຍ່ໄດ້ຕົກເຂົ້າສູ່ເຂດທະເລທາງທິດເໜືອ - ໜຶ່ງໃນບັນດາເກາະທີ່ມີຊາວ ສ ເກົາຫຼີ ດຳລົງຊີວິດຢູ່ທະເລທາງທິດຕາເວັນຕົກຂອງແຫຼມ ເກົາຫຼີ, ແຕ່ບໍ່ທັນຮູ້ວ່າມັນຈະຕົກລົງສູ່ເຂດທະເລຂອງ ສ ເກົາຫຼີ ຫຼືບໍ່. ວົງການເຈົ້າໜ້າທີ່ ເກາະ Baengyeong ຂອງ ສ ເກົາຫຼີ ໃຫ້ຮູ້ວ່າ: ປະຊາຊົນດຳລົງຊີວິດໃນເກາະໄດ້ຮັບຄຳສັ່ງໄປຫຼົບໄພຢູ່ບັນດາອຸມົງໃຕ້ດິນ.