ພິທີສະເຫຼີມສະຫຼອງ 84 ປີແຫ່ງວັນສ້າງຕັ້ງສະຫະພັນ
ແມ່ຍິງ ຫວຽດນາມ ປີ 2014 (ພາບ: hoilhpn.org.vn)
(vovworld) – 9 ໝູ່ຄະນະ ແລະ 10 ຄົນໄດ້ຮັບລາງວັນແມ່ຍິງ ຫວຽດນາມປີ 2015. ນີແມ່ນຂ່າວຈາກການປະຊຸມຂ່າວ ໂດຍສະຫະພັນແມ່ຍິງ ຫວຽດນາມ ຈັດຕັ້ງໃນຕອນເຊົ້າວັນທີ 01/10 ຢູ່ຮ່າໂນ້ຍ. ສ່ວນບຸກຄົນ ແລະ ໝູ່ຄະນະໄດ້ຮັບລາງວັນແມ່ຍິງ ຫວຽດນາມ ມີຜົນງານດີເດັ່ນໃນວິວັດການສູ້ຊົນຜ່ານຜາຄວາມຫຍຸ້ງຍາກໃນຊີວິດການເປັນຢູ່ ເພື່ອອອກແຮງງານ, ມີຫົວຄິດປະດິດສ້າງຢ່າງບໍ່ຢຸດຢັ້ງ ກາຍເປັນແມ່ຍິງໄດ້ຮັບຜົນສຳເລັດ ແລະ ຊ່ວຍເຫຼືອຫຼາຍຄົນໃນປະຊາຄົມ ໃຫ້ມີຊີວິດການເປັນຢູ່ເປັນປົກກະຕິ ແລະ ມີຄວາມຜາສຸກ. ນີ້ແມ່ນເຫດການໄດ້ຈັດຕັ້ງປະຈຳປີ ເພື່ອຮັບຮູ້ບົດບາດ ແລະ ເຊີດຊູບັນດາແມ່ຍິງ ຫວຽດນາມ ໄດ້ບືນຕົວຂຶ້ນຈາກຄວາມຫຍຸ້ງຍາກໃນຊີວິດການເປັນຢູ່, ວຽກງານ ເພື່ອປະກອບສ່ວນເຂົ້າໃນການພັດທະນາຂອງເສດຖະກິດຂອງປະເທດຊາດ. ແຕ່ປີ 2003 ຮອດປີ 2015, ລາງວັນແມ່ຍິງ ຫວຽດນາມ ໄດ້ມອບໃຫ້ 55 ໝູ່ຄະນະ ແລະ ແມ່ຍິງທີ່ດີເດັ່ນໃນທຸກຂົງເຂດຂອງຊີວິດການເປັນຢູ່ 104 ຄົນ. ພິທີສະເຫຼີມສະຫຼອງ 85 ປີແຫ່ງວັນສ້າງຕັ້ງສະຫະພັນແມ່ຍິງ ຫວຽດນາມ ແລະ ມອບລາງວັນແມ່ຍິງ ຫວຽດນາມ 2015 ຈະຈັດຕັ້ງໃນວັນທີ 18/10 ຢູ່ຮ່າໂນຍ.