ABU:ຄຸມຄອງຄຸນນະພາບໃນຂະແໜງວິທະຍຸໂທລະພາບ
ບັນດາຜູ້ແທນເຂົ້າຮ່ວມກອງປະຊຸມ
(ພາບ:vovradio.vn)
(vovworld) – ກອງປະຊຸມສຳມະນາກ່ຽວກັບຄຸນນະພາບການຄຸມຄອງວິທະຍຸ ໂທລະພາບ ໄດ້ຈັດຂຶ້ນໃນຕອນເຊົ້າວັນທີ 30/10, ຢູ່ຮ່າໂນ້ຍ. ນີ້ແມ່ນໜຶ່ງໃນບັນດາກອງປະຊຸມສຳມະນາທີ່ສຳຄັນໃນຂອບເຂດກອງປະຊຸມຂອງສະມັດຊາໃຫຍ່ສະຫະສະມາຄົມວິທະຍຸ - ໂທລະພາບ ອາຊີ ປາຊີຟິກ (ABU) ຄັ້ງທີ 50 ໂດຍໂທລະພາບ ຫວຽດນາມ ເປັນເຈົ້າພາບຈັດຕັ້ງ. ກ່າວຄຳເຫັນທີ່ກອງປະຊຸມສຳມະນາ, ບັນດາຜູ້ແທນໄດ້ເນັ້ນໜັກວ່າ: ໃນສະພາບມີການປ່ຽນແປງຢ່າງວ່ອງໄວ, ການຄຸ້ມຄອງຄຸນນະພາບມີຜົນສະທ້ອນອັນໃຫຍ່ຫຼວງເຖິງໝາກຜົນທັງດ້ານການຈັດຕັ້ງ ກໍ່ຄືສ່ວນບຸກຄົນສຳລັບຍຸດທະສາດແກ່ງແຍ້ງ. ຄຸ້ມຄອງຄຸນນະພາບ, ຄຸ້ມຄອງແຫຼ່ງຊັບພະຍາກອນມະນຸດມີບົດບາດສຳຄັນໃນການຄົງຕົວຂອງບັນດາວິທະຍຸ ໂທລະພາບໃນອະນາຄົດ. ທ່ານຮອງຜູ້ອຳນວຍການໃຫຍ່ໂທລະພາບ ຫວຽດນາມ ຫງວຽນແທ່ງເລືອງ ຢືນຢັນວ່າ: ເພື່ອຄົງຕົວ ແລະ ພັດທະນາໃນທ່າອ່ຽງ “ເຕົ້າໂຮມເຕັກໂນໂລຢີຂໍ້ມູນຂ່າວສານ - ສື່ສານ”:
“ເພື່ອແກ້ໄຂບັນຫານີ້ໃຫ້ໄດ້, ຮຽກຮ້ອງໃຫ້ບັນດາວິທະຍຸ, ໂທລະພາບ, ບັນດາຫົວໜ່ວຍສື່ສານຕ້ອງມີຍຸດທະສາດພັດທະນາຢາງຖືກຕ້ອງ, ເໝາະສົມ, ໝັ້ນຄົງຕິດພັນກັບການຄຸ້ມຄອງຢ່າງມີປະສິດທິຜົນ, ນຳໃຊ້ບັນດາຜົນງານວິທະຍາສາດ - ເຕັກໂນໂລຢີ, ຫັນອຸດສາຫະກຳຜະລິດລາຍການກະຈາຍສຽງ, ໂທລະພາບເປັນທັນສະໄໝ, ເປັນພື້ນຖານໃຫ້ແກ່ການພັດທະນາ, ສ້າງແຫຼ່ງການເງິນເປັນປົກກະຕິ, ຍາວນານ. ສິ່ງດັ່ງກ່າວມີຄວາມໝາຍວ່າ: ພວກເຮົາຕ້ອງມີຍຸດທະສາດມີລັກສະນະຕັດສິນຊີ້ຂາດ ເພື່ອແນໃສ່ເຮັດໃຫ້ວຽກງານຄຸ້ມຄອງ ແລະ ການເຄື່ອນໄຫວຜະລິດດຳເນີນທຸລະກິດໃຫ້ດີທີ່ສຸດ. ຕາມບົດຮຽນຂອງໂທລະພາບ ຫວຽດນາມ ແລ້ວ, ບັນຫານີ້ອາດຈະແກ້ໄຂໄດ້ຢ່າງເດັດຂາດເມື່ອພວກເຮົາຄຸ້ມຄອງຄຸນນະພາບຕາມມາດຖານ.”