(ພາບ:petrotimes.vn)
(vovworld)- ທະນາຄານພັດທະນາອາຊີ (ADB) ຈະໃຫ້ຫວຽດນາມ ກູ້ຢືມເງິນຈຳນວນ 410 ລ້ານໂດລາສະຫະລັດເພື່ອກໍ່ສ້າງທາງຕອນທີ່ຂຶ້ນກັບເສັ້ນທາງລະດັບຄວາມໄວສູງເຊື່ອມຕໍ່ນະຄອນໂຮ່ຈິມິນ ກັບເຂດທ່ົງພຽງແມ່ນ້ຳຂອງ ແລະ ບັນດາເຂດແຄມທະເລທາງພາກໃຕ້. ໂຄງການເຊື່ອມຕໍ່ນະຄອນໂຮ່ຈິມິນ ກັບເຂດທ່ົງພຽງແມ່ນ້ຳຂອງ ຈະກໍ່ສ້າງທາງຕອນໜຶ່ງໃນເສັ້ນທາງລະດັບຄວາມໄວສູງທາງພາກໃຕ້ແຫ່ງທີສອງ, ລວມມີຂົວ 2 ແຫ່ງທີ່ມີລວງຍາວທັງໝົດ 5 ກມ ແລະ ບັນດາເສັ້ນທາງເຊື່ອມຕໍ່ດ້ວຍລວງຍາວທັງໝົດ 26 ກມ. ເສັ້ນທາງດັ່ງກ່າວແລ່ນຜ່ານບັນດາແຂວງອານຢາງ, ເກີນເທີ ແລະ ດົ່ງທາບ ຮອດທາງທິດຕາເວັນຕົກຂອງເຂດທົ່ງພຽງແມ່ນ້ຳຂອງ. ຄາດວ່າ, ເສັ້ນທາງມີລະດັບຄວາມໄວສູງດັ່ງກ່າວຈະຖືກນຳເຂົ້າເຄື່ອນໄຫວໃນທ້າຍປີ 2017. ໂຄງການມີມູນຄ່າ 860 ລ້ານໂດລາສະຫະລັດ, ໃນນັ້ນລັດຖະບານຫວຽດນາມ ປະກອບ 56 ລ້ານໂດລາສະຫະລັດ.