ADSOM-Plusວິຕົກກັງວົນຕໍ່ບັນດາຄວາມເຄັ່ງຕຶງທີ່ພວມເພີ່ມຂຶ້ນຢູ່ທະເລຕາເວັນອອກ
ກອງປະຊຸມເຈົ້າໜ້າທີ່ຂັ້ນສູງປ້ອງກັນຊາດ
ອາຊຽນ ເປີດກ້ວາງ (ADSOM - Plus)
(vovworld) - ບັນດາເຈົ້າໜ້າທີ່ຂອງກອງປະຊຸມເຈົ້າໜ້າທີ່ຂັ້ນສູງປ້ອງກັນຊາດ ອາຊຽນ ເປີດກ້ວາງ (ADSOM - Plus) ຖືກໄຂຂຶ້ນໃນວັນທີ 24/04 ຢູ່ນະຄອນຫລວງ ວຽງຈັນ ລາວ, ສະແດງຄວາມວິຕົກກັງວົງຕໍ່ບັນດາຄວາມເຄັ່ງຕຶງທີ່ພວມເພີ່ມຂຶ້ນຢູ່ເຂດທະເລຕາເວັນອອກ. ບັນດາເຈົ້າໜ້າຂັ້ນສູງປ້ອງກັນຊາດ ອາຊຽນ ແລະ ບັນດາປະເທດຄູ່ຮ່ວມມືຄື: ຍີ່ປຸ່ນ, ສ.ເກົາຫຼີ, ອົດສະຕາລີ, ອິນເດຍ, ນິວຊີແລນ, ລັດເຊຍ ແລະ ອາເມລິກາ ເອົາໃຈໃສ່ ແລະ ສະຫງວນເວລາຫລາຍຊົ່ວໂມງເພື່ອປຶກສາຫາລືບັນຫານີ້. ທ່ານນາງ Amy E.Searigh ຜູ້ຊ່ວຍວຽກດ້ານປ້ອງກັນຊາດ ກົມອາຊີ - ປາຊີຟິກ ກະຊວງປ້ອງກັນປະເທດ ອາເມລິກາ ໃຫ້ຮູ້ວ່າ:
“ພວກຂ້າພະເຈົ້າຮຽກຮ້ອງທຸກປະເທດພ້ອມກັນແລກປ່ຽນ ແລະ ຄຸ້ມຄອງ ກໍ່ຄືແກ້ໄຂບັນດາການຂັດແຍ້ງກັນດ້ວຍສັນຕິວິທີ ໂດຍຜ່ານບັນດາມາດຕະການການທູດ ແລະ ນິຕິກຳ, ບໍ່ມີການກະທຳຂົ່ມຂູ່ນຳໃຊ້ກຳລັງອາວຸດ ແລະ ເຮັດໃຫ້ສະພາບເດີມຢູ່ທເລຕາເວັນອອ່ຽນແປງ”
ບັນດາເຈົ້າໜ້າທີ່ປ້ອງກັນຊາດຂັ້ນສູງຂອງບັນດາປະເທດ ອາຊຽນ ເປີດກ້ວາງການແບ່ງປັນ ແລະ ສະແດງທັດສະນະຢ່າງກົງໄປກົງມາກ່ຽວກັບບັນຫາຄວາມສະຫງົບປອດໄພ ແລະ ພິເສດແມ່ນ 3 ບັນຫາພົ້ນເດັ່ນໃນພາກພື້ນ: ບັນຫາກໍ່ການຮ້າຍໃນປະຈຸບັນຢູ່ພາກພື້ນ; ບັນຫາຄວາມສະຫງົບປອດໄພນິວເຄຼຍຢູ່ ແຫຼມເກົາຫຼີ ແລະ ບັນຫາຂັດແຍ້ງອະທິປະໄຕໃນທະເລຕາເວັນອອກ. ທ່ານພົນຈັດຕະວາ ຫວູຕ໋ຽນຈ້ອງ ຫົວໜ້າສະຖາບັນຮ່ວມມືສາກົ ນກ່ຽວກັບການປ້ອງກັນຊາດ ຫວຽດນາມ ໃຫ້ຮູ້ວ່າ:
“ ຫວຽດນາມ ກໍ່ສະແດງຄວາມວິຕົກກັງວົນຄືບັນດາປະເທດເວົ້າລວມ ແລະ ຫວຽດນາມ ຖືວ່າ: ປະຈຸບັນ ບັນຫາຂັດແຍ້ງອະທິປະໄຕຢູ່ທະເລຕາເວັນອອກ ແມ່ນພຶດຕິກຳ ພາວະວິໄສ ໂດຍປະຫວັດສາດປະໄວ້ ແລະ ທັດສະນະຂອງ ຫວຽດນາມ ນັ້ນແມ່ນ ບັນດາບັນຫາໃດທີ່ກ່ຽວຂ້ອງເຖິງ 2 ປະເທດ ຄວນແກ້ໄຂດ້ວຍການເຈລະຈາ 2 ຝ່າຍ, ດ້ວຍສັນຕິວິທີ, ດ້ວຍບັນດາຂໍ້ຕົກລົງ ເຊິ່ງ 2 ຝ່າຍສາມາດຮັບຮູ້ໄດ້”
ບັນດາຜູ້ແທນເນັ້ນໜັກວ່າ: ຄວາມເສລີໃນການເດີນທະເລມີບົດບາດສຳຄັນສຳລັບການເຄື່ອນໄຫວການຄ້າ. ເພາະສະນັ້ນ ບັນດາຝ່າຍຄວນເຄົາລົບຂໍ້ກຳນົດທີ່ມີຢູ່ແລ້ວ ແລະ ຄວນສືບຕໍ່ການເຈລະຈາ. ທຸກການຂັດແຍ້ງກັນຄວນໄດ້ຮັບການແກ້ໄຂ ໂດຍຜ່ານການເຈລະຈາ.