ທ່ານປະທານສະພາແຫ່ງຊາດ ເວືອງດິ່ງເຫ້ວ ເປັນຫົວໜ້າຄະນະເຂົ້າຮ່ວມ ກອງປະຊຸມ (ພາບ:  sggp.org.vn)

ສະມັດຊາໃຫຍ່ລັດຖະສະພາລະຫວ່າງຊາດ ອາຊຽນ ຄັ້ງທີ 42 (AIPA-42) ກອງປະຊຸມທາງໄກ ໄດ້ໄຂຂຶ້ນໃນວັນທີ 23 ສິງຫາ. ຄະນະຜູ້ແທນຂັ້ນສູງ ສະພາແຫ່ງຊາດ ຫວຽດນາມ ໂດຍທ່ານປະທານສະພາແຫ່ງຊາດ ເວືອງດິ່ງເຫ້ວ ເປັນຫົວໜ້າຄະນະເຂົ້າຮ່ວມ ກອງປະຊຸມຕາມຄຳເຊື້ອເຊີນຂອງ ທ່ານປະທານ AIPA, ປະທ່ານສະພານິຕິກຳ ບຣູໄນ, Darussalam Pehin Dato Abdul Rahman Taib. ທ່ານປະທານປະເທດ ຫວຽດນາມ ຫງວຽນຊວັນຟຸກ ໄດ້ມີສານຊົມເຊີຍກອງປະຊຸມ ສະມັດຊາໃຫຍ່ AIPA-42.

ກອງປະຊຸມສະມັດຊາໃຫຍ່ AIPA-42 ຄັ້ງນີ້ ມີຫົວຂໍ້ວ່າ: “ພັດທະນາການພົວພັນຮ່ວມມືລັດຖະສະພາໃນຂົງເຂດດີຈີຕອນ ກວມລວມ ມຸ່ງໄປເຖິງປະຊາຄົມອາຊຽນ ປີ 2025”. ທ່ານຮອງປະທານຜູ້ປະຈຳສະພາແຫ່ງຊາດ ຫວຽດນາມ ເຈິ່ນແທັງເໝີນ ໃຫ້ຮູ້ວ່າ:

ກອງປະຊຸມສະມັດຊາໃຫຍ່ AIPA – 42 ສະແດງໃຫ້ເຫັນຄວາມຕັດສິນໃຈ ແລະ ຄວາມເຫັນດີເຫັນພ້ອມ ຂອງ AIPA ຈະຮ່ວມເດີນທາງກັບ ອາຊຽນໃນຄວາມມານະພະຍາຍາມຄວບຄຸມໂລກລະບາດໂຄວິດ - 19, ຜ່ານຜ່າບັນດາຄວາມຫຍຸ້ງຍາກ ເພື່ອຟື້ນຟູເສດຖະກິດ. ພັອມທັງປັບປຸງຄວາມສາມັກຄີໃນກຸ່ມ ອາຊຽນ, ປະຕິບັດຍຸດທະສາດທາງການທູດຢ່າງມີເອກະລາດ, ເປັນເຈົ້າຕົນເອງ, ມີຄວາມສະເໝີພາບ, ຮັກສາບົດບາດເປັນໃຈກາງ ເພື່ອແນໃສ່ບັນລຸໄດ້ບັນດາເປົ້າໝາຍວາງອອກ ໃນການສ້າງປະຊາຄົມ ແລະ ສະແດງໃຫ້ເຫັນພາບຖ່າຍຂອງ ອາຊຽນ ທີ່ມີຄວາມຮັບຜິດຊອບ, ພ້ອມແລ້ວທີ່ຈະສົມທົບກັນຮັບມືກັບບັນດາບັນຫາທີ່ເກີດຂຶ້ນໃໝ່. ດ້ວຍຈິດໃຈເຫັນດີເຫັນພ້ອມ ແລະ ມານະພະຍາຍາມລວມ, AIPA ສືບຕໍ່ຢັ້ງຢືນ ແລະ ເສີມຂະຫຍາຍຈິດໃຈສາມັກຄີ, ເຫັນດີເຫັນພ້ອມ, ມີການກະທຳຢ່າງທັນການ, ຮ່ວມແຮງຮ່ວມໃຈຮັບມືກັບໂລກລະບາດໂຄວິດ - 19 ຢ່າງມີປະສິດທິຜົນ ແລະ ມຸ່ງໄປສູ່ທາງໜ້າຢ່າງບໍ່ຢຸດຢັ້ງ, ເພື່ອຄວາມຜາສຸກຂອງປະຊາຊົນບັນດາປະເທດໃນພາກພື້ນ.