(vovworld) – ວັນທີ 23/7, ສາຂາໜຶ່ງຂອງອົງການກໍ່ການຮ້າຍ Al – Qaeda ໄດ້ຍອມຮັບວ່າໄດ້ດຳເນີນການບຸກໂຈມຕີຄັ້ງຕ່າງໆໃສ່ຄຸກໃຫຍ່ 2 ແຫ່ງຢູ່ ອີຣັກ, ພາໄປເຖິງເລື່ອງນັກໂທດນັບຮ້ອຍຄົນຫຼົບໜີອອກ, ໃນນັ້ນມີບັນດາຫົວໂປ່ພວກກະບົດ. Al – Qaeda ຍັງເວົ້າວ່ານີ້ແມ່ນການເຄື່ອນໄຫວສຸດທ້າຍຂອງບັ້ນຮົບປົດປ່ອຍບັນດານັກໂທດ ແລະ ເພື່ອເລັ່ງໃສ່ບັນດາເຈົ້າໜ້າທີ່ຍຸຕິທຳ ອີຣັກ.
ບັນດາການບຸກໂຈມຕີເຂົ້າຄຸກ 2 ແຫ່ງຢູ່ Taji (ທາງທິດເໜືອນະຄອນຫຼວງ ແບດແດກ) ແລະ Abu Ghraib (ທາງທິດຕາເວັນຕົກນະຄອນຫຼວງ) ເມື່ອຕອນຄຳ່ວັນທີ 21/7, ເຮັດໃຫ້ຢ່າງໜ້ອຍສຸດ ມີເຈົ້າໜ້າທີ່ປ້ອງກັນຄວາມສະຫງົບ 20 ຄົນເສຍຊີວິດ ແລະ 40 ຄົນຮັບບາດເຈັບ. ຕາມໂຄສົກກະຊວງຍຸຕິທຳ ອີຣັກ ແລ້ວ, ນັກໂທດ 21 ຄົນໄດ້ເສຍຊີວິດ ແລະ ອີກ 25 ຄົນຮັບບາດເຈັບຍ້ອນສະພາບສັບສົນເກີດຂຶ້ນພາຍຫຼັງການບຸກໂຈມຕີ.