(vovworld) - ໃນຕອນບ່າຍ ວັນທີ 28/6, ຢູ່ສຳນັກງານລັດຖະບານ, ທ່ານ ຟ໋າມບິ່ງມິງ ຮອງນາຍົກລັດຖະມົນຕີຫວຽດນາມ, ປະທານຄະນະກຳມະການແຫ່ງຊາດ APEC ປີ 2017, ເປັນປະທານກອງປະຊຸມ ຄົບຄະນະ ຄັ້ງທີ 5 ຂອງຄະນະກຳມະການແຫ່ງຊາດ APEC ປີ 2017. ນະທີ່ນີ້, ທ່ານ ຮອງນາຍົກລັດຖະມົນຕີ ຟ໋າມບິ່ງມິງ ຖືວ່າ: ບັນດາກະຊວງ, ຄະນະ, ຂະແໜງການ ແລະ ທ້ອງຖິ່ນ ຕ້ອງປະຕິບັດໃຫ້ສຳເລັດວຽກງານການກະກຽມ, ພິເສດ, ຕ້ອງຮີບເຮັ່ງສຳເລັດທຸກແຜນການຈັດຕັ້ງລະອຽດ ບັນດາການເຄື່ອນໄຫວໃຫຍ່ ຂອງ APEC ປີ 2017 ຕາມທິດທາງທີ່ວາງອອກ, ເລືອກເຟັ້ນໃຫ້ຖືກ, ຕ້ອງບັນຫາ ເພື່ອສ້າງເຄື່ອງໝາຍຫວຽດນາມ, ເມື່ອຍັງເຫຼືອພຽງ 6 ເດືອນເທົ່ານັ້ນ, ຫວຽດນາມ ຈະສືບຕໍ່ຮັບບົດບາດເປັນເຈົ້າພາບ APEC ຕໍ່ຈາກ ເປຣູ. ທ່ານ ຟ໋າມບິ່ງມິງ ຮອງນາຍົກລັດຖະມົນຕີ ເນັ້ນໜັກວ່າ ການເພີ່ມທະວີປະສິດທິຜົນໃນການສົມທົບກັນ ລະຫວ່າງ ບັນດາກະຊວງ, ຄະນະ, ຂະແໜງການ, ລະຫວ່າງ ສູນກາງ ແລະ ບັນດາທ້ອງຖິ່ນ ເພື່ອຮັບປະກັນວິວັດການກະກຽມ ໃຫ້ປີ 2017 ໃນທັງໝົດ 5 ພາກສ່ວນວຽກງານ ກ່ຽວກັບເນື້ອໃນ, ວັດຖຸ ແລະ ພາລາທິການ, ພິທີການ, ປ້ອງກັນຄວາມສະຫງົບ ແລະ ສາທາລະນະສຸກ, ໂຄສະນາເຜີຍແຜ່ ແລະ ວັດທະນະທຳ ດຳເນີນຢ່າງຄົບຊຸດ, ຮັບປະກັນຄວາມຄືບໜ້າ ແລະ ຄຸນນະພາບ.