(vovworld) - ຕາມສຳນັກຂ່າວສານ Bloomberg ແລ້ວ, ເງິນຕ່າງປະເທດທີ່ລົງທຶນເຂົ້າຫຼັກຊັບ ຫວຽດນາມ ພວມຢູ່ໃນລະດັບສູງສຸດໃນ 5 ປີມໍ່ໆມານີ້, ຫ້ອງການການຄ້າອຸດສາຫະກຳ ເອີລົບ (Eurocham) ຢູ່ ຫວຽດນາມ ກໍ່ໃຫ້ຮູ້ວ່າ: ວົງການນັກລົງທຶນມີຄວາມປະເອີບໃຈຕໍ່ສະພາບການເສດຖະກິດຂອງ ຫວຽດນາມ. ຕາມຕົວເລກທີ່ Bloomberg ໄດ້ປະກາດເມື່ອວັນທີ 30/5, ບັນດານັກລົງທຶນຕ່າງປະເທດໄດ້ລົງທຶນ 253 ລ້ານ USD ເຂົ້າໃບຫຸ້ນຂອງ ຫວຽດນາມ, ນີ້ແມ່ນລະດັບສູງສຸດນັບແຕ່ປີ 2008 ມາຮອດປະຈຸບັນ. ຕາມ Bloomberg ແລ້ວ, ນີ້ແມ່ນສັນຍານສະແດງໃຫ້ເຫັນ ຄວາມໄວ້ເນື້ອເຊື່ອໃຈຂອງວົງການນັກລົງທຶນໂດຍຖືວ່າ: ກຳໄລຂອງວິສາຫະກິດຈະເພີ່ມຂຶ້ນເປັນຄັ້ງທຳອິດນັບແຕ່ປີ 2010 ມາຮອດປະຈຸບັນໃນສະພາບໄພເງິນເຟີ້ ແລະ ຄ່າກູ້ຢືມທຶນຫລຸດລົງ ແລະ ກໍ່ຕາມ Bloomberg ແລ້ວ, ມີນັກລົງທຶນຫຼາຍຄົນ ໄດ້ເປີດບັນຊີໃນ 4 ເດືອນຕົ້ນປີ 2013, ແມ່ນຫຼາຍກ່ວາທັງປີ 2012. ນັບແຕ່ຕົ້ນປີມາຮອດປະຈຸບັນ, VN – Index ໄດ້ເພີ່ມຂຶ້ນ 25% ແລະ ແມ່ນດັດຊະນີຫຼັກຊັບເພີ່ມຂຶ້ນດີທີ່ສຸດໃນພາກພື້ນ ອາຊີຕາເວັນອອກສ່ຽງໃຕ້. ນອກຈາກນັ້ນແລ້ວ, Bloomberg ກໍ່ຖືວ່າ: ລັດຖະບານ ຫວຽດນາມ ໄດ້ອະນຸມັດໃຫ້ສ້າງຕັ້ງບໍລິສັດຄຸ້ມຄອງຊັບສົມບັດ ຫວຽດນາມ ເພື່ອຫລຸດຜ່ອນໜີ້ເສຍຂອງລະບົບທະນາຄານ ສິ່ງດັ່ງກ່າວກໍ່ມີກະທົບຢ່າງຕັ້ງໜ້າເຖິງຕະຫຼາດ.