ການປະຊຸມຂ່າວໃນວັນທີ 3/4
|
(vovworld) - ວັນທີ 3/4, ທ່ານ Bruno Angelet, ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າສະຫະພາບ ເອີລົບ (ອີຢູ) ປະຈຳ ຫວຽດນາມ ໄດ້ເປັນປະທານການພົບປະກັບສື່ມວນຊົນເນື່ອງໃນໂອກາດ 60 ປີແຫ່ງວັນສ້າງຕັ້ງສະຫະພາບ ເອີລົບ (ອີຢູ) ແລະ ປະກາດປຶ້ມປົກຂາວກ່ຽວກັບອະນາຄົດຂອງ ເອີລົບ. ທ່ານເອກອັກຄະລັດຖະທູດ Bruno Angelet ໃຫ້ຮູ້ວ່າ: ບັນດາສິ່ງທ້າທາຍບໍ່ເຄີຍມີມາກ່ອນສຳລັບ ອີຢູ ໄດ້ປະກົດຂຶ້ນໃນປະຈຸບັນໃນຂອບເຂດທົ່ວໂລກ ແລະ ພາຍໃນກຸ່ມ. ເຖິງຢ່າງໃດກໍ່ຕາມ, ບັນດາສະມາຊິກ ອີຢູ ໃຫ້ຄຳໝັ້ນສັນຍາສ້າງສຳພັນທະມິດໃຫ້ເຂັ້ມແຂງ ແລະ ຍືນຍົງກ່ວາ ຜ່ານຄວາມເປັນເອກະພາບ, ຄວາມສາມັກຄີ ແລະ ເຄົາລົບຫຼັກການລວມ. ກໍ່ທີ່ການປະຊຸມຂ່າວ, ທ່ານ Bruno Angelet ໄດ້ເນັ້ນໜັກວ່າ Brexit ບໍ່ສົ່ງຜົນສະທ້ອນເຖິງວິວັດການເຊັນສັນຍາການຄ້າເສລີ (FTA) ລະຫວ່າງອົງການນີ້ ແລະ ຫວຽດນາມ ຢ່າງສີ້ນເຊິ່ງ. ທ່ານ Bruno Angelet ໃຫ້ຮູ້ວ່າ FTA ລະຫວ່າງ ອີຢູ ແລະ ຫວຽດນາມ ໄດ້ປະຕິບັດສຳເລັດ ແລະ ພວມຢູ່ໃນວິວັດການກວດກາດ້ານນິຕິກຳ; ພ້ອມທັງຫວັງວ່າການລົງນາມຈະໄດ້ດຳເນີນໃນທ້າຍປີນີ້ ແລະ ສັນຍານີ້ອາດຈະມີຜົນສັກສິດໃນປີຈະມາເຖິງ.