“Brexit” ບໍ່ສົ່ງຜົນສະທ້ອນເຖິງການພົວພັນລະຫວ່າງຫວຽດນາມ ແລະ ລາຊະອານາຈັກອັງກິດ
ທີ່ການຕ້ອນຮັບທ່ານ Lord Price, ຮອງນາຍົກລັດຖະມົນຕີ
ຮັບຜິດຊອບນະໂຍບາຍດ້ານການຄ້າ ກະຊວງການຄ້າຕ່າງປະເທດອັງກິດ
(ພາບ: TTXVN)
(vovworld) – “ວິວັດທະນາການພັດທະນາການພົວພັນລະຫວ່າງ ລາຊະອານາຈັກອັງກິດ ແລະ ນະຄອນ ໂຮ່ຈີມີນ ເວົ້າສະເພາະ, ຫວຽດນາມ ເວົ້າລວມຈະບໍ່ສົ່ງຜົນສາະທ້ອນ, ເຖິງວ່າລາຊະອານາຈັກອັງກິດພົ້ນຈາກອີຢູ”, ກໍ່ຕາມນັ້ນແມ່ນຄຳໝັ້ນສັນຍາ ຂອງ ທ່ານ Lord Price, ຮອງນາຍົກລັດຖະມົນຕີຮັບຜິດຊອບນະໂຍບາຍດ້ານການຄ້າ ກະຊວງການຄ້າຕ່າງປະເທດລາຊະອານາຈັກອັງກິດ, ທີ່ການພົບປະກັບ ທ່ານ ຫງວຽນແທ່ງຟອງ, ປະທານຄະນະກຳມະການປະຊາຊົນນະຄອນໂຮ່ຈີມີນ, ໃນຕອນບ່າຍວັນທີ 18/10. ທີ່ການຕ້ອນຮັບ, ທ່ານ ຫງວຽນແທ່ງຟອງ ໄດ້ສະແດງຄວາມເຊື່ອໝັ້ນວ່າການຢ້ຽມຢາມແມ່ນຈະຂິດໝາຍສຳຄັນໃນການພົວພັນສອງປະເທດ, ສ້າງເງື່ອນໄຂຊຸກຍູ້ການຮ່ວມມືສອງຝ່າຍລະຫວ່າງສອງປະເທດເວົ້າລວມ, ລະຫວ່າງ ລາຊະອານາຈັກອັງກິດ ແລະ ນະຄອນ ໂຮ່ຈີມີນ ເວົ້າສະເພາະ. ທ່ານ ຫງວຽນແທ່ງຟອງ ສະແດງຄວາມປາດຖະໜາຢາກສືບຕໍ່ໄດ້ຮັບການໝູນຊ່ວຍ, ຊ່ວຍເຫຼືອ ຂອງອັງກິດສຳລັບບັນດາໂຄງການພັດທະນານະຄອນໃນອານາຄົດ, ພິເສດແມ່ນໃນຂົງເຂດກໍ່ສ້າງພື້ນຖານໂຄງລ່າງ ແລະ ພັດທະນາຕົວເມືອງສະຫຼາດ. ສ່ວນ ທ່ານ Lord Price ກໍ່ຢືນຢັນວ່າ ລາຊະອານາຈັກອັງກິດ ປາດຖະໜາຢາກສືບຕໍ່ປັບປຸງ ແລະ ພັດທະນາການພົວພັນຮ່ວມມືກັບຫວຽດນາມ, ພິເສດແມ່ນນະຄອນໂຮ່ຈີມີນ, ໃນບັນດາຂົງເຂດການຄ້າສອງຝ່າຍ ແລະ ຮ່ວມມືລົງທຶນ, ໃນນັ້ນມີຮູບການຄູ່ຮ່ວມມືພາກລັດແລະເອກະຊົນ (PPP), ນັບທັງພາຍຫຼັງ ລາຊະອານາຈັກອັງກິດໄດ້ພົ້ນອອກຈາກອີຢູ.