ບັນດາການນຳ BRICS (ພາບ: AFP/TTXVN)
(vovworld) - ໃນຂອບເຂດກອງປະຊຸມສຸດຍອດກຸ່ມບັນດາພື້ນຖານເສດຖະກິດພັດທະນາ ແລະ ຫາກໍ່ພົ້ນເດັ່ນໃນແຖວໜ້າໂລກ (G20). ວັນທີ 04/09 ບັນດາການນຳກຸ່ມບັນດາພື້ນຖານເສດຖະກິດທີ່ຫາກໍ່ພົ້ນເດັ່ນໃນແຖວໜ້າໂລກ (BRICS - ລວມມີ ບຣາຊິນ, ລັດເຊຍ, ອິນເດຍ, ຈີນ ແລະ ອາຟຣິກາໃຕ້) ໄດ້ປະຊຸມຢ່າງບໍ່ເປັນທາງການຢູ່ ຄ໋າງເຈົາ ແຂວງ ເຈື໋ອຈຽງ, ຈີນ. ກ່າວຄຳເຫັນທີ່ກອງປະຊຸມ ບັນດາການນຳ BRICS ຖືວ່າ: ປະຈຸບັນເສດຖະກິດໂລກ ພວມຢູ່ໄລຍະຫັນປ່ຽນກຳລັງພາຍເກົ່າມາເປັນກຳລັງພາຍໃນໃໝ່, ການຟື້ນຟູຊັກຊ້າ, ສະພາບແວດລ້ອມສາກົນ ມີການປ່ຽນແປງໂດຍບໍ່ໄດ້ກຳນົດ. ຕໍ່ໜ້າສະພາບການໃໝ່ ກຸ່ມ BRICS ຄວນກຳແໜ້ນທ່າອ່ຽງສາກົນ, ເພີ່ມທະວີຄວາມສາມັກຄີ, ຮ່ວມມື ແລະ ສົມທົບກັນແກ້ໄຂສິ່ງທ້າທາຍ, ເຮັດໃຫ້ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນມີຄວາມເລິກເຊິ່ງ. ນອກນັ້ນ ບັນດາການນຳ BRICS ຍັງໄດ້ລົງເລິກແລກປ່ຽນບັນດາບັນຫາເສດຖະກິດ, ຄວາມສະຫງົບປອດໄພ ແລະ ການຄຸ້ມຄອງເສດຖະກິດໂລກ ຊຶ່ງຕ່າງຝ່າຍຕ່າງມີຄວາມສົນໃຈ.