ວັນທີ 06 ທັນວາ, ອົງການອະນາໄມໂລກ (WHO) ໄດ້ປະກາດບົດລາຍງານພິເສດ ກ່ຽວກັບການພົວພັນລະຫວ່າງການປ່ຽນແປງຂອງດິນຟ້າອາກາດ ແລະ ສຸຂະພາບຂອງມະນຸດ. ຕາມທ່ານຜູ້ອຳນວຍການໃຫຍ່ອົງການ WHO Tedros Adhanom Ghebreyesus ແລ້ວ, ປັດຈຸບັນໄດ້ມີພະຍານຫຼັກຖານຈະແຈ້ງທີ່ສະແດງໃຫ້ເຫັນວ່າ ການປ່ຽນແປງຂອງດິນຟ້າອາກາດໄດ້ກໍ່ຜົນກະທົບຢ່າງຮ້າຍແຮງຕໍ່ສຸຂະພາບ ແລະ ຊີວິດການເປັນຢູ່ຂອງມະນຸດ. ການປ່ຽນແປງຂອງດິນຟ້າອາກາດໄດ້ນາບຂູ່ເຖິງອາກາດປອດໂປ່ງ, ນ້ຳດື່ມ, ສະບຽງອາຫານ…ພ້ອມທັງການປ່ຽນແປງຂອງດິນຟ້າອາກາດກໍ່ທຳລາຍຄວາມກ້າວໜ້າກ່ຽວກັບສຸຂະພາບຂອງມະນຸດໃນທົ່ວໂລກ ເຊິ່ງບັນລຸໄດ້ໃນຫລາຍປີຜ່ານມາ.