EC ຈັດວາງອັດຕາພາສີສຳລັບ ໄຂ່ ທີ່ນຳເຂົ້າຈາກ ຢູແກຼນ
(VOVWORLD) - ການເພີ່ມແຫຼ່ງສະໜອງ ໄຂ່ ແລະ ເຂົ້າໂອ໊ດ ລາຄາຖືກຈາກ ຢູແກຼນ ໄດ້ເຮັດໃຫ້ເກີດກະແສຄັດຄ້ານຈາກຊາວກະສິກອນ EU, ຍ້ອນມີຄວາມວິຕົກກັງວົນກ່ຽວກັບການແກ້ງແຍ້ງທີ່ບໍ່ໂປ່ງໃສ.
 (ພາບປະກອບ: TTXVN) |
ວັນທີ 19 ມິຖຸນາ, ຄະນະກຳມະການເອີຣົບ (EC) ໄດ້ແຈ້ງໃຫ້ຊາບວ່າ ຈະຈັດວາງອັດຕາພາສີສຳລັບ ໄຂ່ ທີ່ນຳເຂົ້າຈາກ ຢູແກຼນ ພາຍໃນສອງອາທິດຈະມາເຖິງ. ກ່ອນໜ້ານັ້ນ 1 ວັນ, ຄະນະກຳມະການເອີຣົບ ກໍໄດ້ຍົກອອກຂໍ້ຕົກລົງທີ່ຄ້າຍຄືກັນສຳລັບເຂົ້າໂອ໊ດທີ່ນຳເຂົ້າຈາກ ຢູແກຼນ. ບັນດາມາດຕະການດັ່ງກ່າວ ໄດ້ຮັບການປະຕິບັດແນໃສ່ປົກປ້ອງຜົນປະໂຫຍດໃຫ້ແກ່ບັນດາຂະແໜງກະສິກຳຂອງ ສະຫະພາບເອີຣົບ (EU), ພາຍຫຼັງທີ່ການສົ່ງອອກຜະລິດຕະພັນກະເສດຂອງ ຢູແກຼນ ເຂົ້າຕະຫຼາດນີ້ ເພີ່ມຂຶ້ນຢ່າງແຮງ. ເຖິງຢ່າງໃດກໍຕາມ, ການເພີ່ມແຫຼ່ງສະໜອງ ໄຂ່ ແລະ ເຂົ້າໂອ໊ດ ລາຄາຖືກຈາກ ຢູແກຼນ ໄດ້ເຮັດໃຫ້ເກີດກະແສຄັດຄ້ານຈາກຊາວກະສິກອນ EU, ຍ້ອນມີຄວາມວິຕົກກັງວົນກ່ຽວກັບການແກ້ງແຍ້ງທີ່ບໍ່ໂປ່ງໃສ. ດັ່ງນັ້ນ, EU ໄດ້ຕົກລົງຈັດວາງໂຄຕານຳເຂົ້າເພື່ອຮັກສາສະຖຽນລະພາບຕະຫຼາດພາຍໃນກຸ່ມ. ເລື່ອງຈັດວາງອັດຕາພາສີອາກອນ ໄດ້ຮັບການຄາດຄະເນວ່າ ຈະສົ່ງຜົນກະທົບໃດໜຶ່ງຕໍ່ລາຄາ ແລະ ແຫຼ່ງສະໜອງ ໄຂ່, ເຂົ້າໂອ໊ດຢູ່ຕະຫຼາດ EU.