ECBຖະແຫຼງຈະນຳໃຊ້ທຸກມາດຕະການເພື່ອຮັບມືກັບວິກິດການຢູ່ເກຼັກ
![ECBຖະແຫຼງຈະນຳໃຊ້ທຸກມາດຕະການເພື່ອຮັບມືກັບວິກິດການຢູ່ເກຼັກ - ảnh 1](https://photo-cms-vovworld.zadn.vn/w730/uploaded/vovworld/bcgmbuiq/2015_07_09/ecb1.jpg)
ພາບປະກອບ
|
(vovworld) – ວັນທີ 8/7, ທ່ານ Ignazio Visco, ສະມາຊິກຂອງສະພາຜູ້ວ່າການທະນາຄານສູນກາງ ເອີລົບ (ECB) ໃຫ້ຮູ້ວ່າ: ທະນາຄານີ້ ກຽມພ້ອມນຳໃຊ້ທຸກໆມາດຕະການທີ່ມີຢູ່ແລ້ວໃນປະຈຸບັນເພື່ອສະກັດກັ້ນທຸກຜົນກະທົບທີ່ບໍ່ດີກ່ຽວກັບດ້ານການເງິນໃນວິກິດການໜີ້ສິນຂອງ ເກຼັກ. ທ່ານ Visco ຖືວ່າ: ແງ່ຫວັງຂອງການເຈລະຈາລະຫວ່າງ ເກຼັກ ແລະ ບັນດາເຈົ້າໜີ້ສາກົນ “ແມ່ນບໍ່ແນ່ນອນ” ພາຍຫຼັງການເຈລະຈາຢູ່ ບຣຸກແຊນ (ປະເທດ ແບນຊິກ) ໃນວັນທີ 7/7. ຕາມທ່ານແລ້ວ, ECB ບໍ່ສາມາດສືບຕໍ່ສະໜອງສິນເຊື່ອຊຳລະໃຫ້ບັນດາທະນາຄານ ເກຼັກ ອີກ ຖ້າຫາກບໍ່ມີຄວາມຄືບໜ້າກ່ຽວຂ້ອງເຖິງຂໍ້ຕົກລົງປະຕິຮູບຂອງ ອາແທນ ກັບບັນດາເຈົ້າໜີ້. ທ່ານກໍຖືວ່າເລື່ອງ ເກຼັກ ຕ້ອງອອກຈາກ Eurozone ພຽງແຕ່ກໍ່ໃຫ້ເກີດບັນດາຜົນສະທ້ອນໂດຍກົງບໍ່ຫຼາຍເຖິງພາກພື້ນນີ້ເທົ່ານັ້ນ.