![Edward Snowden ມີຂ່າວລັບກໍ່ຜົນເສຍຫາຍ ທີ່ໃຫ່ຍຫຼວງໃຫ້ແກ່ ອາເມລິກາ - ảnh 1](https://photo-cms-vovworld.zadn.vn/w730/uploaded/vovworld/bcgmbuiq/2013_07_15/my%201.bmp)
(ພາບ:xalo.vn)
(vovworld)- ນັກຂ່າວ Glenn Greenwald ຜູ້ໄດ້ແນະນຳຢ່າງເປີດເຜີຍບັນດາຂໍ້ມູນຂ່າວທຳອິດກ່ຽວກັບລະບົບສອດແນມໂລກຂອງອາເມລິກາ ໂດຍອະດີດພາລະກອນອົງການສືບລາຊະການລັບສູນກາງອາເມລິກາ Edward Snowden ເຜີຍລັບ ໄດ້ຢືນຢັນວ່າ: ອະດີດພາລະກອນອົງການສືບລາຊະການລັບຜູ້ນີ້ມີຂ່າວລັບທີ່ອາດຈະ ”ກໍ່ຜົນເສຍຫາຍອັນໃຫ່ຍຫຼວງໃຫ້ແກ່ລັດຖະບານອາເມລິກາ”. ທ່ານ lenn Greenwald ແມ່ນຜູ້ໄດ້ເດີນທາງມາຮົງກົງ (ຈີນ) ເມື່ອເດືອນກ່ອນເພື່ອຮັບບັນດາຂໍ້ມູນຂ່າວສືບລາສະການລັບທຳອິດຈາກ Edward Snowden ແລະ ສະໜອງໃຫ້ວົງການສື່ມວນຊົນ. ຕອບສຳພາດຕໍ່ນັກຂ່າວໜັງສືພິມລາຍວັນ ”ຊົນຊາດ” ຂອງອັກຊັງຕິນ ສະບັບອອກວັນທີ 13/7, ທ່ານ Glenn Greenwald ໃຫ້ຮູ້ວ່າ: Edward Snowden ມີເອກະສານເປັນຈຳນວນຫຼາຍທີ່ອາດຈະກໍ່ຜົນເສຍຫາຍໃຫ້ແກ່ລັດຖະບານອາເມລິກາ ຖ້າຫາກວ່າມັນຖືກເປີດເຜີຍຕໍ່ມະຫາຊົນ. ແລະ ກໍ່ຕາມທ່ານ Glenn Greenwald ແລ້ວ, ໃນຈຳນວນເອກະສານໄດ້ຮັບຈາກ Edward Snowden, ມີຫຼາຍຂໍ້ມູນຂ່າວກ່ຽວຂ້ອງເຖິງອາເມລິກາລາຕິນ, ໃນນັ້ນມີເອກະສານເວົ້າແຈ້ງເລື່ອງອາເມລິກາ ເກັບກຳຂໍ້ມູນຂ່າວສືບລາຊະການລັບຄືແນວໃດ, ບັນດາລາຍການທີ່ ວໍຊິງຕັນ ນຳໃຊ້ເພື່ຶອເອົາຂໍ້ມູນຂ່າວ, ການຕິດຕາມໂທລະສັບ ຫລືອີແມວຄັ້ງຕ່າງໆໂດຍປິດລັບໃນແຕ່ລະວັນຢູ່ບັນດາປະເທດຄື: ເມຊິກໂກ ແລະ ອັກຊັງຕິນ.