EIU ຢືນຢັນແງ່ຫວັງເສດຖະກິດຂອງຫວຽດນາມມີສັນຍານດີພໍສົມຄວນ
(vovworld)- ຕາມການຕີລາຄາຫວ່າງແລ້ວນີ້ຂອງພະແນກຄາດຄະເນ, ໄຈ້ແຍກ ແລະ ໃຫ້ຄຳປຶກສາຄວາມສ່ຽງ (EIU) ຂຶ້ນກັບກຸ່ມບໍລິສັດ “ນັກເສດຖະກິດ” ຂອງອັງກິດ ຊີ້ແຈ້ງວ່າ: ພາຍຫລັງສອງສາມປີບັນລຸການຈະເລີນເຕີບໂຕຢູ່ໃນລະດັບຕຳ່, ພື້ນຖານເສດຖະກິດຫວຽດນາມພວມຜ່ານຜ່າໄລຍະຫຍຸ້ງຍາກ, ດ້ວຍກະແສເງິນລົງທຶນເຂົ້າຂົງເຂດຜະລິດຮັບໃຊ້ການສົ່ງອອກມີສັນຍານຟື້ນຕົວຄືນໃຫມ່. ເຖິງວ່າ ຍັງຂາດສະຖຽນລະພາບດ້ານເສດຖະກິດມະຫາພາກກໍຕາມ ແຕ່ຄວາມສາມາດແກ້ງແຍ້ງຂອງຫວຽດນາມ ພວມປັບປຸງຄວາມປະເອີບໃຈກ່ຽວກັບການເຕີບໂຕເສດຖະກິດໃນປີ 2014 ແມ່ນບັນລຸລະດັບດີພໍສົມຄວນ ຍ້ອນແຫລ່ງເງິນລົງທຶນໂດຍກົງຂອງຕ່າງປະເທດ (FDI) ແລະ ວົງເງິນສົ່ງອອກລ້ວນແຕ່ເພີ່ມຂຶ້ນຢ່າງແຮງ. ປະຈຸບັນ ການເຕີບໂຕຂອງຂົງເຂດລົງທຶນຂອງຕ່າງປະເທດຢູ່ຫວຽດນາມ ສືບຕໍ່ສ້າງວຽກເຮັດງານທຳໃຫ້ແກ່ຄົນງານເປັນຈຳນວນຫລວງຫລາຍ. ຫວຽດນາມ ນັບມື້ນັບດຶງດູດບັນດານັກລົງທຶນເຂົ້າຂົງເຂດຜະລິດຮັບໃຊ້ການສົ່ງອອກ ຍ້ອນມີບັນດາທ່າໄດ້ປຽບເມື່ອທຽບໃສ່ບັນດາປະເທດໃນພາກພື້ນ.ໃນອະນາຄົດ, ສັນຍາຄູ່ຮ່ວມມືເສດຖະກິດເຂດປາຊີຟິກ (TPP) ໂດຍມີການເຂົ້າຮ່ວມຂອງອາເມລິກາ ແລະ ບັນດາປະເທດ ອາຊີ ປາຊີຟີກ ໄດ້ຮັບຄວາມຄອ່ງຄອຍວ່າຈະນຳມາເຊິ່ງຜົນປະໂຫຍດຫລາຍຢ່າງໃຫ້ແກ່ບັນດານັກສົ່ງອອກຢູ່ຫວຽດນາມ, ໃນນັ້ນ ມີການສຳພັດກັບບັນດາຕະຫລາດມີລາຍຮັບສູງຢ່າງງາ່ຍດາຍກວ່າ.