ທ່ານ Toomas Lukk ແລະ ທ່ານເລຮ່ວາງກວນ
(ພາບ: Thanh Vũ/TTXVN)
|
(vovworld) – ຕອນບ່າຍວັນທີ 10/4, ທ່ານເລຮ່ວາງກວນ, ປະທານຄະນະກຳມະການປະຊາຊົນນະຄອນ ໂຮ່ຈີມິນ ມີການຕ້ອນຮັບທ່ານ Toomas Lukk, ເອກອັກຄະລັດຖະທູດ Estonia ປະຈຳ ຫວຽດນາມ ເນື່ອງໃນໂອກາດ Estonia ສະເໜີຕົວສະຖານກົງສູນກິຕິມະສັກປະຈຳນະຄອນ ໂຮ່ຈີມິນ. ທ່ານ ເລຮ່ວາງກວນ, ໃຫ້ຮູ້ວ່າ: ນັບແຕ່ເມື່ອ ຫວຽດນາມ ແລະ Estonia ສ້າງຕັ້ງການພົວພັນທາງການທູດ ມາຮອດປະຈຸບັນ, ການພົວພັນທາງດ້ານການທູດລະຫວ່າງ 2 ປະເທດດີພໍສົມຄວນ, ສ່ວນກ່ຽວກັບບັນດາຂົງເຂດເສດຖະກິດ, ການຄ້າ, ການສຶກສາບໍ່ທັນພັດທະນາສົມກັບຄວາມສາມາດບົ່ມຊ້ອນຂອງ 2 ຝ່າຍ. ດັ່ງນັ້ນ, ເລື່ອງເປີດສະຖານກົງສູນປະຈຳນະຄອນ ໂຮ່ຈີມິນ ຈະປະກອບສ່ວນເພີ່ມທະວີການພົວພັນລະຫວ່າງ 2 ຝ່າຍໃນຫຼາຍຂົງເຂດ.