ລູກສອນໄຟUnha-3ຂອງພຽງຢາງ
ພາບ:internet
|
(vovworld)- ບັນດານັກການທູດ 27 ປະເທດສະມາຊິກ EU (ອີຢູ) ໄດ້ເຫັນດີຈັດວາງມາດຕະການລົງໂທດໃຫມ່ຕ້ານ ສປປ ເກົາຫລີ ເພື່ອຕອບໂຕ້ເລື່ອງປະເທດນີ້ດຳເນີນກໍລະນີທົດລອງນິວເຄຼຍໃນຕົ້ນອາທິດຜ່ານມາ. ນີ້ແມ່ນຄຳຕັດສິນຖືກຍົກອອກໃນກອງປະຊຸມລັດຖະມົນຕີການຕ່າງປະເທດ ສະຫະພາບເອີລົບ ຊື່ງດຳເນີນໄປຢູ່ ບຣຸກແຊນ ປະເທດແບນຊິກ ໃນວັນທີ 18/2. ມາດຕະການລົງໂທດດັ່ງກ່າວລວມມີ: ຫ້າມໄປທ່ອງທ່ຽວ, ພົວພັນຕິດຕໍ່ດ້ານການເງິນ, ການຄ້າ ແລະ ປິດລ້ອມຊັບສິນສຳລັບສ່ວນບຸກຄົນ ແລະ ອົງການທີ່ກ່ຽວຂ້ອງເຖິງໂຄງການນິວເຄຼຍຂອງພຽງຢາງ. ນອກນັ້ນ ຍັງຫ້າມນຳເຂົ້າ, ສົ່ງອອກ ພາກສ່ວນຈຳນວນຫນຶ່ງໃນລະບົບລູກສອນໄຟນຳວິຖີ. ບັນດາທະນາຄານຂອງ ສປປ ເກົາຫລີ ບໍ່ໄດ້ອະນຸຍາດເປີດສາຂາໃຫມ່ຢູ່ ອີຢູ ຫລືຮ່ວມທຸລະກິດກັບບັນດາອົງການການເງິນຂອງອີຢູ.
ແລະກໍທີ່ກອງປະຊຸມດັ່ງກ່າວ, ອີຢູ ເຫັນດີຕໍ່ກຳນົດເວລາຕື່ມອີກ 3 ເດືອນສຳລັບບັນດາມາດຕະການລົງໂທດຊີຣີ.