EU ຍາກທີ່ຈະບັນລຸໄດ້ຂໍ້ຕົກລົງກ່ຽວກັບກອງທຶນຟື້ນຟູເສດຖະກິດໂດຍໄວ
(VOVWORLD) -ບັນດາປະເທດສະຫະພາບເອີລົບ (EU) ພວມກ້າວເຂົ້າໃກ້ຄວາມເຫັນດີເຫັນພ້ອມກ່ຽວກັບການນຳໃຊ້ງົບປະມານໄລຍະຍາວລວມເພື່ອຟື້ນຟູພື້ນຖານເສດຖະກິດທີ່ພວມຖືກໂລກລະບາດ Covid – 19 ທຳລາຍ,
 ທ່ານ Charles Michel ປະທານສະພາເອີລົບ (ພາບ: AFP/TTXVN) |
ເຖິງຢ່າງໃດກໍ່ຕາມ, ຕາມການໃຫ້ຂໍ້ສັງເກດແລ້ວ, ກອງປະຊຸມສຸດຍອດຂອງກຸ່ມຄາດວ່າຈະຈັດຂຶ້ນໃນວັນທີ 23 ເມສາ ຈະມາເຖິງນັ້ນ ກໍ່ຍັງບໍ່ສາມາດອອກຄຳຕັດສິນສຸດທ້າຍໄດ້ເທື່ອ ຍ້ອນວ່າຍັງມີ ລາຍລະອຽດຫຼາຍຢ່າງທີ່ສ້າງຄວາມໂຕ້ຖຽງກັນ. ໃນຈົດໝາຍເຊື້ອເຊີນບັນດາການນຳເຂົ້າຮ່ວມກອງປະຊຸມສຸດຍອດ, ທ່ານ Charles Michel ປະທານສະພາເອີລົບໃຫ້ຮູ້ວ່າ ກອງທຶນຟື້ນຟູ ຄວນໄດ້ຮັບການສ້າງຕັ້ງຂຶ້ນຍິ່ງໄວກໍ່ຍິ່ງດີ ໂດຍອີງໃສ່ງົບປະມານໄລຍະຍາວຕໍ່ໄປຂອງກຸ່ມໃຫ້ແກ່ໄລຍະປີ 2021 – 2027.
ພາຍຫຼັງກອງປະຊຸມສຸດຍອດນີ້, EC ຈະຍື່ນສະເໜີແຜນງົບປະມານອັບເດດໃນວັນທີ 29 ເມສາ, ລວມທັງກໍລະນີທີ່ວ່າ ກອງທຶນຟື້ນຟູ ກໍ່ ສາມາດ ເພີ່ມຂຶ້ນໂດຍ ອີງໃສ່ການຮັບປະກັນຂອງບັນດາປະເທດສະມາຊິກ.