ບັນດາການນຳ G8 ປຶກສາຫາລືກ່ຽວກັບວິກິດການຫນີ້ສາທາລະນະຢູ່ ເອີລົບ
ພາບ: internet
|
(vovworld) - ຕາມຕົວເລກສະຖິຕິປະກາດຢ່າງເປັນທາງການໃນວັນທີ 24/10 ສະແດງໃຫ້ເຫັນວ່າ: ລະດັບຫນີ້ສາທາລະນະຂອງຫລາຍປະເທດສະມາຊິກສະຫະພາບເອີລົບ (ອີຢູ) ສືບຕໍ່ລື່ນກາຍລະດັບທີ່ອະນຸຍາດ,ໃນຂະນະທີ່ວິກິດການຫນີ້ສາທາລະນະໄດ້ໃຊ້ ຈາ່ຍງົບປະມານທັງໝົດຂອງບັນດາປະເທດທີ່ຂຶ້ນກັບພາກພື້ນນຳໃຊ້ສະກຸນເງິນເອີໂຣ (Eurozone). ຕາມອົງການສະຖິຕິເອີລົບແລ້ວ, ໃນໄຕມາດທີ 2 ຜ່ານມາ, ຍອດຈຳນວນຫນີ້ສາທາລະນະຢູ່ 17 ປະເທດສະມາຊິກ Eurozone ໄດ້ເພີ່ມຂຶ້ນ 90% GDP ເມື່ອທຽບໃສ່ລະດັບ 88,2% ໃນ 3 ເດືອນຕົ້ນປີ 2012.ໃນຂະນະນັ້ນ ລະດັບຫນີ້ສາທາລະນະຂອງ 27 ປະເທດສະມາຊິກ ອີຢູ ກໍເພີ່ມຂຶ້ນຈາກ 83,5 % GDP ຂຶ້ນເຖິງ 84,9%. ຕາມການກຳນົດຂອງ ອີຢູ ແລ້ວ, ບັນດາປະເທດສະມາຊິກ ບໍ່ໄດ້ປະໃຫ້ຍລະດັບຫນີ້ສາທາລະນະລື່ນກາຍ 60% GDP ແລະ ຂາດດຸນງົບປະມານກວ່າ 3% GDP, ເຖິງຢ່າງໃດກໍຕາມ ຫລາຍປະເທດໄດ້ລະເມີດຂໍ້ກຳນົດດັ່ງກ່າວ. ເພື່ອຮັບມືກັບສະພາບການນັ້ນ, ຫລາຍປະເທດຕ້ອງນຳໃຊ້ນະໂຍບາຍ “ຮັດເຂັມຄັດ” ແຕ່ມາຮອດປະຈຸບັນ, ມາດຕະການນີ້ຍັງບໍ່ທັນເສີມຂະຫຍາຍຢ່າງມີປະສິດທິຜົນຄືດັ່ງຄວາມມຸ່ງຫວັງ. ໄລ່ມາຮອດໄຕມາດທີ 2, ເກຼັກແມ່ນປະເທດ ຕິດຫນີ້ຫລາຍກວ່າໝູ່ ແມ່ນຂຶ້ນເຖິງ 150,3% GDP. ຖັດມາແມ່ນ ອີຕາລີ, ປວກຕູການ ແລະ ໄອແລນ.