(vovworld) – ວັນທີ 28/05, ສະຫະພາບເອີລົບ (EU) ໄດ້ຮຽກຮ້ອງໃຫ້ລັດເຊຍ ຮ່ວມມືໃນການຢຸດຕິການປະທະກັນຢູ່ເຂດທິດຕາເວັນອອກ ຢູແກຼນ. ໃນຖະແຫຼງການທີ່ໄດ້ຍົກອອກມາ ພາຍຫຼັງກອງປະຊຸມຢູ່ບຣຸກແຊນ, ປະເທດແບນຊິກ, ການນຳ 28 ປະເທດສະມາຊິກ EU ສະແດງຄວາມປາດຖະໜາວ່າ ລັດເຊຍ ຈະຮ່ວມມືກັບປະທານາທິບໍດີ ຫາກໍ່ໄດ້ຮັບການເລືອກຕັ້ງຖືກຕ້ອງຕາມກົດໝາຍ ຂອງຢູແກຼນ ທ່ານ Petro Poroshenko ແລະ ນຳໃຊ້ອິດທິພົນສຳລັບກຳລັງປ້ອນກັນຕົວທ້ອງຖິ່ນຢູ່ທິດຕາເວັນອອກ ຢູແກຼນ ເພື່ອຫຼຸດຜ່ອນຄວາມເຄັ່ງຕຶງຢູ່ເຂດດັ່ງກ່າວ. EU ກໍ່ສົ່ງເສີມລັດເຊຍ ເຂົ້າຮ່ວມການເຈລະຈາຢ່າງກົງໄປກົງມາ ແລະ ເປີດເຜີຍ, ພ້ອມທັງສືບຕໍ່ຖອນທະຫານອອກຈາກເຂດຊາຍແດນຕິດກັບຢູແກຼນ.
ປະຕິກິລິຍາຕໍ່ການກະທຳດັ່ງກ່າວ, ກະຊວງການຕ່າງປະເທດລັດເຊຍ ຖະແຫຼງວ່າ ປະເທດນີ້ ພ້ອມແລ້ວທີ່ຈະສົ່ງພາລະກອນໜູນຊ່ວຍເຖິງທິດຕາເວັນອອກ ຢູແກຼນ.