EU ແລະ ອາເມລິກາ ເຈລະຈາຫຼຸດຜ່ອນຄວາມເຄັ່ງຕຶງໃນການແກ້ງແຍ້ງກັນດ້ານການຄ້າ
(VOVWORLD) - ໃນຖະແຫຼງການສະບັບໜຶ່ງ, ທ່ານ valdis Dombrovskis ກຳມະການດ້ານການຄ້າ EU ແລະ ທ່ານນາງ Katherine Tai ຜູ້ຕາງໜ້າອົງການການຄ້າ ອາເມລິກາ ໄດ້ປະກາດ ເລີ່ມດຳເນີນບັນດາການເຈລະຈາ ເພື່ອແນໃສ່ແກ້ໄຂສະພາບການແຫຼ່ງສະໜອງເຫຼັກກ້າເກີນເຫຼືອໃນທົ່ວໂລກ ກໍ່ຄືບົດບາດທີ່ຍິ່ງໃຫຍ່ເກີນໄປ ຂອງ ຈີນ ໃນບັນຫານີ້.
ວັນທີ 17 ພຶດສະພາ, ສະຫະພາບ ເອີລົບ (EU) ແລະ ອາເມລິກາ ໄດ້ເຫັນດີເປັນເອກະພາບຈະດຳເນີນບັນດາການເຈລະຈາ ເພື່ອແນໃສ່ ຢຸດຕິບັນດາມາດຕະການໂຕ້ຕອບ ທີ່ກ່ຽວຂ້ອງເຖິງນະໂຍບາຍພາສີນຳເຂົ້າ ອາລຸມີນຽມ ແລະ ເຫຼັກກ້າ ຊຶ່ງອຳນາດການປົກຄອງ ປະທານາທິບໍດີ ອາເມລິກາ Donald Trump ໃນເມື່ອກ່ອນ ຈັດວາງໃສ່ EU. ໃນຖະແຫຼງການສະບັບໜຶ່ງ, ທ່ານ valdis Dombrovskis ກຳມະການດ້ານການຄ້າ EU ແລະ ທ່ານນາງ Katherine Tai ຜູ້ຕາງໜ້າອົງການການຄ້າ ອາເມລິກາ ໄດ້ປະກາດ ເລີ່ມດຳເນີນບັນດາການເຈລະຈາ ເພື່ອແນໃສ່ແກ້ໄຂສະພາບການແຫຼ່ງສະໜອງເຫຼັກກ້າເກີນເຫຼືອໃນທົ່ວໂລກ ກໍ່ຄືບົດບາດທີ່ຍິ່ງໃຫຍ່ເກີນໄປ ຂອງ ຈີນ ໃນບັນຫານີ້. ເອີລົບ ກໍ່ຈະໂຈະ ແຜນການເພີ່ມພາສີສຳລັບບັນດາສິນຄ້ານຳເຂົ້າຈາກ ອາເມລິກາໂດຍຊົ່ວຄາວ, ຕາມການຄາດຄະເນເບື້ອງຕົ້ນ ແລະ ແມ່ນຈະເພີ່ມພາສີນັບແຕ່ວັນທີ 1 ມິຖຸນາເປັນຕົ້ນໄປ. ຖະແຫຼງການຂອງບັນດາເຈົ້າໜ້າທີ່ອົງການການຄ້າ ເອີລົບ ແລະ ອາເມລິກາ ກໍ່ເນັ້ນໜັກວ່າ ສອງຝ່າຍ ໄດ້ເຫັນດີເປັນເອກະພາບຫຼີກລ້ຽງ ເລື່ອງບັນດາການປ່ຽນແປງໃນບັນຫານີ້ ທີ່ອາດຈະກໍ່ຜົນກະທົບຢ່າງຫຍໍ້ທໍ້ເຖິງການພົວພັນທາງການຄ້າສອງຝ່າຍ.