EuroCham ຊຸກຍູ້ການຮ່ວມສຳພັນກັບພື້ນຖານເສດຖະກິດຫວຽດນາມ
 ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບີ່ງມີງ ແລະ ທ່ານ Michael Bahren, ສະຫະສະມາຄົມວິສາຫະກິດ ເອີລົບ (EuroCham) (ພາບ: ໂດ໋ບີ່ງ/TTXVN)
|
(vovworld) – ວັນທີ 3/3, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບີ່ງມີງ ຕ້ອນຮັບຄະນະຜູ້ແທນສະຫະສະມາຄົມວິສາຫະກິດ ເອີລົບ (EuroCham) ໂດຍທ່ານ Michael Bahren, ປະທານສະຫະສະມາຄົມ ເປັນຫົວໜ້າຄະນະ, ພ້ອມກັບທ່ານ Bruno Angelet, ຫົວໜ້າຄະນະຜູ້ຕາງໜ້າສະຫະພາບ ເອີລົບ ປະຈຳ ຫວຽດນາມ ແລະ ວິສາຫະກິດແຖວໜ້າຂອງເອີລົບ ບາງແຫ່ງຢູ່ ຫວຽດນາມ. ທີ່ການຕ້ອນຮັບ, ທ່ານປະທານສະຫະສະມາຄົມວິສາຫະກິດ ເອີລົບ ຢັ້ງຢືນຄຳໝັ້ນສັນຍາຂອງສະຫະສະມາຄົມ ໃນການໜູນຊ່ວຍ ແລະ ຊຸກຍູ້ບັນດາວິສາຫະກິດ ເອີລົບ ເຊື່ອມຕໍ່ກັບພື້ນຖານເສດຖະກິດ ຫວຽດນາມ. ເລື່ອງ EuroCham ປະກາດປື້ມປົກຂາວ ໂດຍໄດ້ເຕົ້າໂຮມການຕີລາຄາ, ໄຈ້ແຍກ ແລະ ສະເໜີແນະຂອງປະຊາຄົມວິສາຫະກິດ ເອີລົບ ກ່ຽວກັບສະພາບແວດລ້ອມແຫ່ງການລົງທຶນ, ດຳເນີນທຸລະກິດ ຢູ່ ຫວຽດນາມ. ເອກສານນີ້ໄດ້ສະແດງໃຫ້ເຫັນຄວາມມຸ່ງມາດປາດຖະໜາຂອງປະຊາຄົມວິສາຫະກິດ ເອີລົບ ໃນການໜູນຊ່ວຍລັດຖະບານ ຫວຽດນາມ ສ້າງກອບກົດໝາຍ ແລະ ພັດທະນາສະພາບແວດລ້ອມແຫ່ງການດຳເນີນທຸລະກິດ. ພ້ອມທັງນຳມາເຊິ່ງຜົນປະໂຫຍດໃຫ້ແກ່ບັນດາວິສາຫະກິດ, ບັນດານັກລົງທຶນເວົ້າສະເພາະ ກໍ່ຄືສັງຄົມເວົ້າລວມ.
ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບີ່ງມີງ ສະເໜີວ່າ: ສະຫະສະມາຄົມວິສາຫະກິດ ເອີລົບ ແລະ ຄະນະຜູ້ຕາງໜ້າສະຫະພາບ ເອີລົບ ປະຈຳ ຫວຽດນາມ ສືບຕໍ່ຮ່ວມເດີນທາງພ້ອມກັບລັດຖະບານ ຫວຽດນາມ ເພື່ອກາຍເປັນຕະຫຼາດລົງທຶນອັນດູດດື່ມ. ພ້ອມກັນນັ້ນ, ບັນດາວິສາຫະກິດ ເອີລົບ ນີ້ນັບມື້ນັບສະໜິດຕິດພັນເຂົ້າພື້ນຖານເສດຖະກິດ ຫວຽດນາມ ແລະ ເພີ່ມທະວີບັນດາເຄືອຂ່າຍຜະລິດດຳເນີນທຸລະກິດ ມີການຮ່ວມສຳພັນອັນແໜ້ນແຟ້ນ ກັບປະຊາຄົມວິສາຫະກິດ ຫວຽດນາມ.