(vovworld) - ຕອນບ່າຍວັນທີ 22/06, ໃນການເຈລະຈາຂອງບັນດາລັດຖະມົນຕີການເງິນເຂດນຳໃຊ້ສະກູນເງິນເອີໂລລວມ (Eurozone) ເພື່ອກະກຽມໃຫ້ໂຄງການດຳເນີນງານໃຫ້ແກ່ກອງປະຊຸມສຸດຍອດວິສາມັນຂອງ Eurozone ກ່ຽວກັບສະພາບການຂອງເກຼັກ ໄດ້ສິ້ນສຸດລົງແຕ່ບໍ່ບັນລຸໄດ້ຂໍ້ຕົກລົງໃດໆ. ເຖິງວ່າຕາມແຜນການ, ບັນດາການນຳ Eurozone ຈະຈັດກອງປະຊຸມພາຍຫຼັງກອງປະຊຸມຄັ້ງນີ້, ແຕ່ຄວາມຫວັງກ່ຽວກັບຂໍ້ຕົກລົງປ່ອຍເງິນໃຫ້ເກຼັກ, ວົງການເຈົ້າໜ້າທີ່ຂອງເຂດນີ້ໃຫ້ຮູ້ວ່າ, ຈະບໍ່ປຶກສາຫາລືກັບອາເທນ ແລະ ຢືນຢັນວ່າຂໍ້ຕົກລົງ “ໃຫ້ກູ້ຢືມເພື່ອແລກເອົາການປະຕິຮູບ” ພຽງບັນລຸໄດ້ເມື່ອມັນໄດ້ຮັບການກະກຽມດ້ານເຕັກນິກ ແລະ ໄດ້ຮັບການຮັບຮອງເອົາຈາກບັນດາລັດຖະມົນຕີກະຊວງການເງິນເທົ່ານັ້ນ. ໃນຂະນະນັ້ນ, ທ່ານນາງນາຍົກລັດຖະມົນຕີ ເຢຍລະມັນ Angela Merkel ກ່າວເຕືອນວ່າ, ກອງປະຊຸມສຸດຍອດວິສາມັນຂອງ Eurozone ຈະປຶກສາຫາລືກ່ຽວກັບວິກິດການໜີ້ສິນຂອງ ເກັຼກ ອາດຈະດຳເນີນໄປພາຍໃຕ້ຮູບການທາບທາມຄວາມເຫັນ ຖ້າບັນດາເຈົ້າໜີ້ຂອງອາແທນ ບໍ່ເຫັນດີຕໍ່ບັນດາຂໍ້ສະເໜີປະຕິຮູບ ເຊິ່ງປະເທດນີ້ຫາກໍ່ຍື່ນສະເໜີໃນຕອນເຊົ້າວັນທີ 22/06.