(vovworld) -​ ທີ່​ການ​ປະຊຸມ​ວັນ​ທີ 19/1 ຢູ່​ບຣຸກ​ແຊນ (​ແບນ​ຊິກ), ລັດຖະມົນຕີວ່າການກະຊວງ​ການ​ຕ່າງປະ​ເທດ​ບັນດາ​ປະ​ເທດສະມາຊິກ​ສະຫະພາບ​​ເອີ​ລົບ (EU) ​ໄດ້​ມີ​ແຜນ​ນະ​ໂບບາຍ​ເພີ່ມ​ທະວີ​ການ​ຮ່ວມ​ມື​ຕ້ານ​ກໍ່​ການ​ຮ້າຍກັບ​ບັນດາ​ປະ​ເທດອາຣັບ. ກ່າວ​ຄຳ​ເຫັນ​ຕໍ່​ວົງ​ການ​ນັກ​ຂ່າວ, ທ່ານ​ນາງ Federica Mogherini, ຜູ້​ຕາງໜ້າ​ຂັ້ນ​ສູງ​ຂອງ EU ກ່ຽວ​ກັບນະ​ໂຍບາຍ​ການ​ຕ່າງປະ​ເທດ​ເນັ້ນ​ໜັກ​ວ່າ, ລັດຖະມົນຕີ​ວ່າການກະຊວງການ​ຕ່າງປະ​ເທດ 28 ປະ​ເທດ​ສະມາຊິກ EU ​​​ເຫັນ​ດີເປັນ​ເອກະ​ພາບຈັດ​ສົ່ງ​ທູດ​ ​ປ້ອງ​ກັນ​ຄວາມ​ສະຫງົບ​ເຮັດ​ວຽກທີ່​​ຄະນະປະຕິບັດ​ງານ​ຕ່າງໆຂອງ EU ຢູ່​ບັນດາ​ປະ​ເທດ​ທີ່​ກ່ຽວຂ້ອງ​ໂດຍ​ກົງ​ເຖິງ​ບັ້ນ​ຮົບຕ້ານ​ກໍ່​ການ​ຮ້າຍ.ທູດ​​ປ້ອງ​ກັນ​ຄວາ​ມສະຫງົບ​ມີໜ້າ​ທີ່​ເຊື່ອມ​ຕໍ່ການສື່ສານກັບບັນດາ​ຫົວໜ່ວຍປ້ອງ​ກັນ​ຄວາມ​ສະຫງົບ​ທ້ອງ​ຖິ່ນ. ທ່ານ​ນາງ Mogherini ຢືນຢັນ​ວ່າ: ນີ້​ບໍ່​ແມ່ນ​ພະນັກງານ​ຂອງ​ອົງການສືບ​ລາຊະການ​ລັບ​ເອີ​ລົບ ຫາກພຽງ​ແຕ່​​ເຮັດໜ້າ​ທີ່​ຕິດ​ຕໍ່​ສື່ສານກ່ຽວ​ກັບ​​ຕ້ານ​ກໍ່​ການ​ຮ້າຍກັບກຳລັງຂອງ​ປະ​​ເທດປະຈຳ​ຖີ່​ນ. ທູດ​​ປ້ອງ​ກັນ​ຄວາ​ມສະຫງົບຂອງ EU ຢູ່​ຕ່າງປະ​ເທດ​, ​ຂຶ້ນ​ກັບ​ອົງການ​ກະທຳ​ການ​ຕ່າງປະ​ເທດ​ຂອງ EU (EAES) ​ໂດຍ​ທ່ານ​ນາງ Mogherini ​ເປັນ​ຜູ້​ບໍລິຫານ. ຄຽງ​ຂ້າງ​ນັ້ນ, ບັນດາ​ລັດຖະມົນຕີວ່າ​ການ​ກະຊວງການ​ຕ່າງປະ​ເທດ EU ກໍ່​ມອບ​ສິດ​ໃຫ້​ທ່ານ​ນາງ Mogherini ຍົກອອກ​ບັນດາ​ຂໍ້​ສະ​ເໜີ ​ເພື່ອ​ແນ​ໃສ່​ປັບປຸງ​ວຽກ​ງານສື່ຂ່າວສຳລັບ​ປະຊາ​ຄົມ​ຊາວອາຣັບ ​ຢູ່​ຕ່າງປະ​ເທດ ກໍ່​ຄື​ຢູ່ 28 ປະ​ເທດ​ສະມາຊິກ EU.