(ພາບປະກອບຈາກ Getty).
(vovworld) – ວັນທີ 20/5, ບັນດາລັດຖະມົນຕີກະຊວງພາຍໃນຂອງສະຫະພາບ ເອີລົບ (ອີຢູ) ໄດ້ຮັບຮອງເອົາກົນໄກຮີບດ່ວນ, ຕາມນັ້ນແລ້ວແມ່ນອະນຸຍາດໃຫ້ບັນດາປະເທດ ເອີລົບ ຢຸດຕິການຍົກເວັ້ນ ວີຊາເຂົ້າທະວີບນີ້ສຳລັບພົນລະເມືອງ ຕວກກີ ແລະ ບັນດາປະເທດອື່ນໆໃນທັນທີ, ຖ້າຫາກບັນດາປະເທດນີ້ລະເມີດບັນດາເງື່ອນໄຂຕົ້ນຕໍຂອງ ອີຢູ. ກົນໄກດັ່ງກ່າວຈະອະນຸຍາດບັນດາປະເທດສະມາຊິກ ອີຢູ ຢຸດຕິໂຄງການຍົກເວັ້ນ ວີຊາ ສຳລັບ ພົນລະເມືອງ ຕວກກີ ຖ້າຫາກມີຊາວອົບພະຍົບຕວກກີ ເປັນຈຳນວນຫຼວງຫຼາຍຢູ່ອາໄສຢ່າງຜິດກົດໝາຍໃນ ອີຢູ ຫຼື ຖ້າມີໃບຄຳຮ້ອງຂໍລີ້ໄພຂອງຊາວ ຕວກກີ ເປັນຈຳນວນຫຼາຍ. ທ່ານລັດຖະມົນຕີກະຊວງພາຍໃນ ໂຮນລັງ Klaas Dijkhoff ສະແດງຄວາມເພິ່ງພໍໃຈກ່ຽວກັບຂໍ້ຕົກລົງດັ່ງກ່າວຂອງ ອີຢູ, ຖືວ່າກົນໄກໃໝ່ນີ້ຈະສ້າງເງື່ອນໄຂສະດວກຊ່ວຍໃຫ້ ອີຢູ ແກ້ໄຂສະພາບການສວຍໃຊ້ບັນດາຂໍ້ມາດຕາໃນຂໍ້ຕົກລົງອົບພະຍົບ.